Jeremia 49:24 - JAM DE NHIALIC 2011

²⁴ Kɔc ke Damathko akɔ̈ckï ku acïk kat në riɔ̈ɔ̈cdït. Atɔ̈ukï arɛɛmic ku këcïmoony cït man ë tiiŋ rɔ̈p.

Jeremia 49:24 ပူးပေါင်းရင်းမြစ်များ

Cäk 3:16

Ku lëk ë Bɛ̈nydït Nhialic tik an, “Yɛn bï arɛɛmdu ŋuak nyin të dhiëëth yïn. Yïn bï ya dhiëth ke yï rem guöp, ku yïn bï ya ŋoot ke yï kɔɔr monydu, ku abï yïn aa cieŋ.”

Yith 13:8

Keek kedhie abïk riɔ̈ɔ̈c ku abïï arɛɛm ke tiaam, cït arɛɛm de tiiŋ dhiëth. Abïk röt aa liec ë ŋäny ŋäny në riɔ̈ɔ̈c, ku dëpkï nyïïn ë liapliap në ayäär.

Jeremia 30:6

Ënɔɔnë kääckï ku takkï wenïïm! De mony duëër meth dhiëëth? Ka eeŋö yan moc ëbɛ̈n tïŋ ke bom ye yäc në yeciin cï tiiŋ rɔ̈p? Eeŋö ye kɔc kedhie kenyïïn nyuiin?

Jeremia 4:31

Yɛn cï dhiëëu piŋ, cït dhiën de tiiŋ rɔ̈p, ee kiɛɛu cït kiɛɛu de nyan kaai. Ee kiɛɛu de pänydït de nyan de Dhiɔn, ee wëi gap nhial, ee yeciin riny ke lueel an, “Amawoou, yɛn cï thou! Abïk yɛn bɛ̈n nɔ̈k!”

Jeremia 48:41

ku wuöt ku pɛ̈ɛ̈nydït ril abïï ke peec. Në ee köölë rem ë tɔŋ de Mowap abïk riɔ̈ɔ̈c cï tiiŋ rɔ̈p.

Jeremia 49:22

Kɔc ke ater abïk Bothera mak, cït man ye cuɔɔr lööny piny ke cï ye wuök peer. Yen ee köölë rem de tɔŋ de Edom abï riɔ̈ɔ̈c ë riɔ̈ɔ̈c de tiiŋ rɔ̈p.”

Jeremia 49:29

Dɔm pɛɛnyken ku thökken, ku lupɔɔ ke pɛɛnyken ku ka tɔ̈u ë pɛɛnyken yiic. Nöm thɔ̈rɔ̈ɔ̈lken ku lëkkë kɔc an, ‘Riɔ̈ɔ̈cdït acï we gɛɛu cil!

Jeremia 49:37

Yɛn bï kɔc ke Eelam tɔ riɔ̈c në kɔc ke aterden, kɔc kɔɔr bïk keek nɔ̈k. Në agönhdiën dït Yɛn bï kɔc ke Eelam riɔ̈ɔ̈k ku tuöc keek remdïït de tɔŋ agut të bän keek cuöth bei.

Jeremia 50:43

Go melik de Babilonia thok piŋ, ku gɛ̈ɛ̈k cinke të wën thɛny yen yethok. Acïï arɛɛm de piɔ̈u dɔm, arɛɛm cït arɛɛm de tiiŋ rɔ̈p.

Jeremia 6:24

Go kɔc ke Jeruthalem lueel an, “Wok cï thok piŋ, goku woyiëth kuak në wocin, wok cï piɔ̈ɔ̈th jiɛth në arɛɛm ku töök de piɔ̈u në riɔ̈ɔ̈c cï tiiŋ rɔ̈p.

Ɣodh 13:13

Abä keek luöi këtuc, ka abïk ciët tiiŋ rɔ̈p. Acït mɛnh cï riëëu yiëëc, në akööl ke dhiëth, go dhiënhde yic riɛl.

Math 24:8

Ku kakë kedhie acïtkï kɛ̈c ee tik käc të kɔɔr en dhiëth.

Mak 13:8

Jurë abï tɔŋ yiɛ̈n jurë, ku yïn ciɛɛŋë tɔŋ ciɛɛŋë: ku piny abï rɔt niɛŋ tɛ̈ɛ̈n ku tɛ̈ɛ̈n, cɔŋdït abï aa nu, ayï kak ë kɔc tɔ diɛɛr: kakë ayek ciët kɛ̈c de tiiŋ kɔɔr dhiëth.