Jeremia 49:22 - JAM DE NHIALIC 2011

²² Kɔc ke ater abïk Bothera mak, cït man ye cuɔɔr lööny piny ke cï ye wuök peer. Yen ee köölë rem de tɔŋ de Edom abï riɔ̈ɔ̈c ë riɔ̈ɔ̈c de tiiŋ rɔ̈p.”

Jeremia 49:22 ပူးပေါင်းရင်းမြစ်များ

Diɛt 18:5

Yɛn cï duöt në wïïn ke paan ë thuɔɔu, ku wïn ë dɛ̈p de thuɔɔu anu në yanɔm tueŋ.

Kɛ̈ŋ 30:19

päär ye cuɔɔr päär tënhial, mol ye kërac mol ë kuriic, cäth ye abël wïïr cath wïïr, ku lɔ ye nyan kaman lɔ ɣöt kekë monyde.

Yith 11:14

Keek kedhie abïk Pilithiin aa mak të lɔ aköl athɛ̈i, ku yiɛkkï kɔc rɛ̈ɛ̈r të lɔ aköl amiäk. Ku abïk piiny ke kɔc ke Edom ku Mowap peec, ku abï ë kɔc ke Ammon keek riëëu.

Yith 13:8

Keek kedhie abïk riɔ̈ɔ̈c ku abïï arɛɛm ke tiaam, cït arɛɛm de tiiŋ dhiëth. Abïk röt aa liec ë ŋäny ŋäny në riɔ̈ɔ̈c, ku dëpkï nyïïn ë liapliap në ayäär.

Yith 21:3

Kë cä tïŋ ku piɛŋ në nyuuth yic ë ya thiɔ̈ɔ̈ŋ në arɛɛm ku riɔ̈ɔ̈c, cït arɛɛm de tiiŋ kɔɔr dhiëth.

Yith 26:17

Bɛ̈nydït Yïn ë wo tɔ dhiau, cït man ye tiiŋ dhiëth dhiau në arɛɛm.

Jeremia 13:21

Eeŋö bäk jɔ lueel, të le kɔc yak keek tɔ ee määthkun we peec ku jɔkï week ceŋ? Wek bï tɔ̈u arɛɛmic cï tiiŋ kɔɔr dhiëth.

Jeremia 22:23

Yïn ee lɔ̈ŋ në tiim ke thidar ë Lebanɔn yiic, ku ee jiɛthëpiɔ̈u bï ciët ŋö bä yök të le arɛɛm yï yup, arɛɛm, cït arɛɛm de tiiŋ rɔ̈p.

Jeremia 30:6

Ënɔɔnë kääckï ku takkï wenïïm! De mony duëër meth dhiëëth? Ka eeŋö yan moc ëbɛ̈n tïŋ ke bom ye yäc në yeciin cï tiiŋ rɔ̈p? Eeŋö ye kɔc kedhie kenyïïn nyuiin?

Jeremia 4:13

Tïŋ, kɔc ke ater abïkï cï luäät. Abëëlkɛn ke tɔŋ acïtkï kɔɔr, ku jöŋgöörken apiɔlkï cï cor. Amawoou, wok cï määr! Wok cï thou!

Jeremia 4:31

Yɛn cï dhiëëu piŋ, cït dhiën de tiiŋ rɔ̈p, ee kiɛɛu cït kiɛɛu de nyan kaai. Ee kiɛɛu de pänydït de nyan de Dhiɔn, ee wëi gap nhial, ee yeciin riny ke lueel an, “Amawoou, yɛn cï thou! Abïk yɛn bɛ̈n nɔ̈k!”

Jeremia 49:24

Kɔc ke Damathko akɔ̈ckï ku acïk kat në riɔ̈ɔ̈cdït. Atɔ̈ukï arɛɛmic ku këcïmoony cït man ë tiiŋ rɔ̈p.

Jeremia 50:36

Ku tïtkɛn ee lueth töör abïk thou, acïk nïïm mum arëët! Remdɛn ë tɔŋ abï thou, acïk riɔ̈ɔ̈c arëët!

Jeremia 50:43

Go melik de Babilonia thok piŋ, ku gɛ̈ɛ̈k cinke të wën thɛny yen yethok. Acïï arɛɛm de piɔ̈u dɔm, arɛɛm cït arɛɛm de tiiŋ rɔ̈p.

Jeremia 6:24

Go kɔc ke Jeruthalem lueel an, “Wok cï thok piŋ, goku woyiëth kuak në wocin, wok cï piɔ̈ɔ̈th jiɛth në arɛɛm ku töök de piɔ̈u në riɔ̈ɔ̈c cï tiiŋ rɔ̈p.

Danyel 7:4

Kë tueŋë acït köör, ku ade wuök cï cuɔɔr. Ku të wën daai yɛn, wuök acï keek guɔ cuän bei. Go läi jat nhial ku tɔ kääc në yecök. Na wën ke gëmë nɔm de raan.

Ɣodh 8:1

Aye Bɛ̈nydït lueel an, “Kuɔthkï kɛŋ, cuɔɔr agör Yithriɛl, në baŋ cïï kɔckï löŋdï dhoŋ kɔ̈u, ku dhäŋkï wëëtdï yic.

Obadaya 1:9

Kɔc ke Teman riil ke tɔŋ abï keek riääc, ku rem de tɔŋ de Edom ëbɛ̈n abïï ke näk piny.

Nyöŋ 28:49

Bɛ̈nydït abï week yiɛ̈n jur bï bɛ̈n ë piny thar, jur kuöc wek thoŋde. Abïk lööny ë we kɔ̈ɔ̈th cï cuɔɔr.

1 Theth 5:3

Ku të lueel kek en an, “Piny arɛ̈ɛ̈r ëdïu, ku acïn riɔ̈ɔ̈c nu,” en a bï riääk ë kegup ëthiäu, cït man ë kɛ̈c cï tik käc, ku acïn kë duëër kek poth.