Jeremia 49:2 - JAM DE NHIALIC 2011

² Ku akööl abïkï akööl bän kɔc ke Rabba tɔ piŋ awuɔɔu de tɔŋ, ku abï nyääŋ piny ke cï riääk, ku bɛ̈ike abïï ke nyuɔp piny ë mac. Ku ëtɛ̈ɛ̈n Yithriɛl abï pinyde pɔ̈k nɔm ciëën tëde kɔc ɣɔn cï ye nööm tëde keek.

Jeremia 49:2 ပူးပေါင်းရင်းမြစ်များ

2 Tham 11:1

Na ɣɔn yaak, të ye melik tɔŋ dap lɔ thɔ̈ɔ̈r, go Debid Jowap tuɔɔc biic kekë rem de tɔŋ ë Yithriɛl, gokï kɔc ke Ammon lɔ tiaam, ku geeukï Raba cil. Ku dɔ̈ŋ Debid ke rɛ̈ɛ̈r në Jeruthalem.

Diɛt 48:11

tɔ kɔc ke Dhiɔn mit piɔ̈ɔ̈th! Yïn ee löŋ de kɔc ŋiëc guiir apiɛth, tɔ miɛtëpiɔ̈u nu ë pɛ̈ɛ̈nydït ke Juda yiic!

Diɛt 97:8

Kɔc tɔ̈u Dhiɔn amitkï piɔ̈ɔ̈th, ku duet ke Juda acïk piɔ̈ɔ̈th lɔyum, në biäk de guiëër ë löŋdu Bɛ̈nydït.

Yith 11:14

Keek kedhie abïk Pilithiin aa mak të lɔ aköl athɛ̈i, ku yiɛkkï kɔc rɛ̈ɛ̈r të lɔ aköl amiäk. Ku abïk piiny ke kɔc ke Edom ku Mowap peec, ku abï ë kɔc ke Ammon keek riëëu.

Yith 17:1

Go Bɛ̈nydït lueel an, “Damathko acï bï bɛ aa pänydït, abï ya dhuur de ɣööt cï riääk.

Jeremia 4:19

Arɛɛm! Yɛn cïï arɛɛm bï lëu në guöm! Ya piɔ̈u! Yɛn cï piɔ̈u lɔ lik arëët! Yɛn cïï duëër mim, yɛn cï röl de kɛŋ piŋ akoth, ku awuɔɔu de tɔŋ.

Jeremia 49:1

Kën ë lueel Bɛ̈nydït kï në biäk de Ammon an, “Tɔ̈u röör ke Yithriɛl tënou? Cïn raan töŋ duëër pinyden gël? Eeŋö duëër kek kɔc ee yanh cɔl Molek lam tɔ nöm piny de dhiën ë Gad ku ɣɛpkï ëtɛ̈ɛ̈n?

Edhekiɛl 21:20

Abï dɛ raan nyoth kueer lɔ pänydït de kɔc ke Amon cɔl Raba, ku kueer däŋ lɔ Jeruthalem pänydït cï gël ë Juda.

Edhekiɛl 21:25

“Yïn bɛ̈ny rɛɛc de Yithriɛl cïï yic ɣer, kööldu, köölduön ciëën bïï ë yïn luöi këtuc abɔ̈.

Amoth 1:14

Në biäk de ee kënë, Yɛn bï mac tuɔɔc Raba bï lɔ nyuɔp piny, ku nyop ɣään riilke piny. Ku ëtɛ̈ɛ̈n, abï dɛ awuɔɔu de tɔŋ, ku anuɔɔn de kööl amaŋdït.

Obadaya 1:19

“Kɔc ke Juda tɔ̈u të lɔ wöuwic, abïk piny ë Edom lɔ̈ɔ̈k cieŋ, ku kɔc nu në kur thäär ë baŋ të lɔ aköl athɛ̈i, abïk piny ë Pilithiin lɔ̈ɔ̈k rum. Kɔc ke Yithriɛl abïk piny ë Eparaim lɔ̈ɔ̈k nööm kekë piny ë Thamaria, ku kɔc ke Benjamin abïk piny de Giliyad nööm.

Kuɛ̈n 10:9

Ku të yiɛ̈n wek kɔc ke ater tɔŋ, kɔc yɔŋ week, ke we koth kɛŋ ke tɔŋ. Ku yɛn, yɛn Bɛ̈nydït Nhialicdun, wek bä kony ku luäk week në kɔc ke ater.

Kuɛ̈n 21:25

Go kɔc ke Yithriɛl pɛ̈ɛ̈nydït ke kɔc ke Amor peec kedhie, alɔ pëk Ɣecbon kekë bɛ̈i thiääk në yen, ku piɔ̈ɔ̈tkï thïn.

Nyöŋ 13:16

Bɛ̈ɛ̈ikï kake kɔc ceŋ ee wunë tëtök kedhie, ku kuötkï kenïïm wutic cil. Ku nyuɔpkï keek wutic kekë këriëëc nu thïn ëbɛ̈n, ke ee miɔ̈c de Bɛ̈nydït Nhialicdun. Abï pɔ̈l ke cï riääk aɣet athɛɛr, ku acïï bïï bɛ nyɔk ë yïk taitai.

Nyöŋ 3:11

(Og melik de Bacan, ee yen ee raan töŋ ë dɔ̈ŋ ë kɔc ke Repaimiic, acï looi ë kuur, Ku raŋde acï looi në kuur ye bɛ̈ɛ̈rde yen kɔ̈u mitïïr kaŋuan, ku päu de yenyic ee mitïïr kaarou, cït tɔ̈u de athëm cï gam. Ku aŋoot ke täu ë Rabba pänydïït de kɔc ke Ammon ënɔɔnë.)

Jocua 17:11

Ku në piny ë Yithakar kekë Acer, ku Beth Can kekë Yibiliim, aake ye wuöt ke Manatha. Ayï bɛ̈i thiääk në keek, ku ayï Dor kekë bɛ̈i thiääk në yen, ku Endor kekë bɛ̈i thiääk në yen, ku kɔc ceŋ Taanak, ayï bɛ̈i thiääk në yen, ku kɔc cieŋ Megido, ayï bɛ̈i thiääk në yen, ku wun ye wuöt diäk ee Napoth. Ku keek Kedhie ayek wuöt ke Manatha.

Jocua 17:16

Ago dhiën ë Jothep puk nɔm an, “Ë yic, piny ë kuur ë Eparaim akoor, acïï wo leer, ka töŋ jɔ nu cie luɔi de kɔc ke Kanaan nïïm abëël ke wëëth kedhie, abëël ke tɔŋ ke Kanaan rɛ̈ɛ̈r Beth Can, ayï kɔc rɛ̈ɛ̈r në bɛ̈i thiääk në yen, ayï kɔc rɛ̈ɛ̈r në Wak ë Jedhreel.