Jeremia 49:17 - JAM DE NHIALIC 2011

¹⁷ Go ë Bɛ̈nydït lueel an, “Riääk bï bɛ̈n Edom abï rac arëët, cakaa raan tɛ̈k kueer abï aa päu ku riɔ̈ɔ̈c arëët.

Jeremia 49:17 ပူးပေါင်းရင်းမြစ်များ

1 Mel 9:8

Ku Luaŋdït abï tɔ̈u piny ke ye kuut cï riääk, ku raan ee tëëk eenë ëbɛ̈n abï gäi, ku riëëk piɔ̈u an, ‘Eeŋö luiyë Bɛ̈nydït ee kënë pinyë, ayï Luaŋdïïtë?’

Jeremia 18:16

Acïk ee pinyë tɔ ee këde riɔ̈ɔ̈c, bï biɔɔn guöp aɣet athɛɛr. Kɔc ee tɛ̈ɛ̈k eenë kedhie ayek gäi në kë cïk tïŋ, ayek kenïïm bet në gäidït.

Jeremia 49:13

Yɛn guöp, Yɛn cïï kuëëŋ, nɔn bïï ë pänydïït de Bothera aa të bïï kɔc aa riɔ̈ɔ̈c të tïŋ ë yen, ku abï aa jɔ̈ɔ̈r, abï kɔc aa dɔl guöp, ku yek rinke tɔ aa aciɛɛn. Ku wuöt kor thiääk në yen abïk riääk aɣet athɛɛr. Acä lueel, Yɛn Bɛ̈nydït.”

Jeremia 50:13

Në biäk de agönhdï acïn raan bï ceŋ ë Babilon, abïï nyääŋ piny ke cï riääk, ku kɔc bï aa tëëk ëtɛ̈ɛ̈n abïk päu ku gɛ̈ikï.

Jeremia 51:37

Yen ee paanë abï ya akut de ka cï riääk, të bïï kɔ̈ɔ̈rgɔl aa ceŋ thïn. Abï kɔc aa tïŋ ku dɔm riɔ̈ɔ̈cdït keek, acïn raan bï ceŋ ëtɛ̈ɛ̈n, ku kɔc bï yen aa tïŋ ëbɛ̈n abïk aa riɔ̈ɔ̈c.

Edhekiɛl 25:13

Ënɔɔnë acä lueel nɔn bän Edom luöi këtuc, ku näk raan ëbɛ̈n ayï läi ëbɛ̈n ëtɛ̈ɛ̈n. Abä looi ke ye piny cï pɔ̈l, gɔl në pänydït de Teman leer pänydït de Dedan, ku kɔc abïï keek nɔ̈k në tɔŋic.

Edhekiɛl 27:36

Yïn ë jäl, ë jäl athɛɛr, ku kɔc ee käŋ ɣaac ë pinynɔm acïk riɔ̈ɔ̈c, acïk riɔ̈ɔ̈c në luɔi bï kek riääkdu rɔm ë yïn.”

Edhekiɛl 35:15

cït man wään cä wek piɔ̈ɔ̈th miɛt në riäŋ baai de Yithriɛl, kɔc ke nɔmdï. Kur ke Theyir, piny de Edom ëbɛ̈n, abï yic ciën kɔc. Ëtɛ̈ɛ̈n abïï raan ëbɛ̈n ŋic nɔn ee Yɛn Bɛ̈nydït.”

Edhekiɛl 35:3

lɛ̈kë kɔc kë luɛɛl Yɛn Bɛ̈nydït Awärjäŋ: Yɛn ee raan de aterdun wek kur ke Edom! Wek bä tɔ ee të cï pɔ̈l.

Edhekiɛl 35:7

Yɛn bï piny de kur de Edom tɔ ye piny cï pɔ̈l, ku näk raan ëbɛ̈n raan ee tëëk në ye kueerë yic.

Maika 6:16

Kënë abï rɔt looi në biäk cä wek lööŋ rac ke melik Omri kekë wëndɛn melik Aɣap kuany yiic. Wek cï kë yek lɛ̈k week lɔ̈ɔ̈k aa looi, ku wek bä tɔ riäk, ka wek bïï raan ëbɛ̈n dhɔ̈l gup. Ku kɔc ke pinynɔm kedhie, abïk week aa luööi arac abï we luööi në män.”

Dhep 2:15

Yen kë ee rɔt looi ka tëde kɔc ee kenïïm ɣääc në riɛlden kapäc, ku yek tak an rëërkï në mätic, ayek ŋic an pänydïïtden, ee yen adït ë pinynɔm, ku yen abï ja aa wun cï riääk cieŋ ë läi roor! Ku raan ëbɛ̈n ee tëëk ë ye këc abïï aa geet ku lɛt ë yeciin.

Nyöŋ 29:22

“Në rɛm bï bɛ̈n wadäŋ abïï mïth ke mïthkun ku alɛi tɔ̈u tëmec tïŋ, yen riääk ku nuan cï Bɛ̈nydït bɛ̈ɛ̈i pinydun.