Jeremia 48:44 - JAM DE NHIALIC 2011

⁴⁴ Raan bï kat ë riɔ̈ɔ̈cdït abï lɔ lööny ë pulic, ku raan bï bɛ̈n bei ë pulic, abïï ë wïn ë dɛ̈p dɔm, në biäk cïï Bɛ̈nydït kööl de riääk ë Mowap guiir.

Jeremia 48:44 ပူးပေါင်းရင်းမြစ်များ

1 Mel 19:17

Ku raan lɔ poth në abätäu de Ɣadhiɛl thok, abï Jeɣu nɔ̈k, ku raan lɔ poth në abätäu de Jeɣu thok abï Elica nɔ̈k.

1 Mel 20:30

Ku kɔt kɔc kɔ̈k cï ke ke pïr lekkï pänydït de Apek, ku lööny kal ë päny në aguum kathiërrou ku dhorou 27,000 de kɔc cï döŋ kɔ̈ɔ̈th. Ku kɔt Benɣadad aya ke lɔ pänydït, ku lui rɔt tëde thiaan në ɣöt thar ciëën.

Yith 10:3

Eeŋö bä looi të le Nhialic yï luöi këtuc? Eeŋö bäk looi të le we lɔ yiɛ̈n riääk wun mec? Ee tënou bä wek kuɔɔny lɔ yök thïn? Ee tënou bä wek kajuëckun lɔ thiaan thïn?

Yith 24:17

Piɛŋkï kë luɛɛl yïn raan ëbɛ̈n! Ade riɔ̈ɔ̈c nu, pul ku wïn ë dɛ̈p atitkï week.

Yith 24:18

Raan lɔ kak ë riɔ̈ɔ̈c abï lööny ë pulic, ku raan raan lɔ ban në pulic abïï wïn ë dɛ̈p dɔm. Amaŋ de deŋ abï bɛ̈n tënhial, ku këërkëër ë piny abï lath.

Jeremia 10:15

Acïnkï naamden ku aduëërë keek biɔɔn, abïï keek riɔ̈ɔ̈k të le Bɛ̈nydït bɛ̈n yök ke keek.

Jeremia 11:23

Yɛn cï akööl bän ke riääk yiɛ̈n kɔc ke Anathoth mac, ku të lee aköölkë bɛ̈n, acïn raan bï pïïr ë keyiic.”

Jeremia 16:16

Aye Bɛ̈nydït lueel an, “Yɛn cï kɔc juëc ee dep ë rec cɔɔl, bïk ee kɔckë bɛ̈n dɔm. Ëtɛ̈ɛ̈n Yɛn cï kɔc juëc ee yäp cɔɔl, bïk ee kɔckë bɛ̈n yɔ̈ɔ̈p, ë kuriic ëbɛ̈n, ku kurthii nïïm ëbɛ̈n ku kɔ̈kkiic ku ë kur dït nïïm.

Jeremia 23:12

Kueer yek kuany yic, abï lɔ rieeth rieeth ku cool, abä keek tɔ kɔ̈th ku wïïkkï. Yɛn bï riääk bɛ̈ɛ̈i ë ke gup, kööl bï ë keek luöi këtuc abɔ̈. Acä lueel, Yɛn Bɛ̈nydït.

Jeremia 46:21

Ayïï remdɛn ë tɔŋ ë riɔp, acïk ciɛ̈n naamden cï daau. Akënkï kɔ̈ɔ̈c ku thɔ̈ɔ̈rkï, acïk kekɔ̈ɔ̈th wɛl kedhie ku kɔtkï. Kööl de thonden acï bɛ̈n, kööl bïï ë keek riɔ̈ɔ̈k.

Jeremia 49:8

Kɔc ke Dedan pɔ̈kkï röt ku katkï! Thiankï röt! Yɛn lɔ mïth kuat de Ethau luöi këtuc, në biäk cï akööl bɛ̈n akööl bän ke luöi këtuc.

Jeremia 50:24

Babilonia yïn aa thäär we Yɛn, ku ënɔɔnë yïn cï lööny në wïn ë dɛ̈p yic wïn cä luöi yïn, cakaa nɔn ë kuc yïn en.

Jeremia 50:27

Näkkï remdɛn ë tɔŋ ëbɛ̈n! Tɛmkï keek röt! Amawoou në kɔc ke Babilonia acïk riääk! Akööl acïk bɛ̈n akööl bï ë keek luöi këtuc!”

Jeremia 51:18

Acïnkï naamden, ka aduëër ë keek biɔɔn gup, Abïï keek riɔ̈ɔ̈k të le ë Bɛ̈nydït bɛ̈n gɔ̈m ke keek.

Jeremia 8:12

Kɔckï, ë we kën gup riɔ̈ɔ̈c në biäk cä wek kake ayäär looi? Ei, wek kën gup riɔ̈ɔ̈c taitai, ku wek kuc luöi ye kɔc diɛɛr aya! Ka wek bï wïïk cït man cïï kɔc kɔ̈k wïïk, të lan week lɔ luöi këtuc, kënë yen abï aa thökdun. Acä lueel, Yɛn Bɛ̈nydït.

Dhiëëu 3:47

Wok cï lööny në riääkic ku nuanic, wo rɛ̈ɛ̈r ë diɛɛric kekë riɔ̈ɔ̈c.

Ɣodh 9:7

Akööl ke këtuc abïkï, akööl ke kuɛ̈n acïk thiɔ̈k. Takï ŋic ë Yithriɛl yen ee kënë. Në luɔi cï awɛ̈ɛ̈ckun juëc arëët, ku cï wëlkun kenyïïn ŋuak aläl. Wek ee tiët tɔ ye dhɔ̈n, ku takï raan thiäŋ ke wëi tɔ ye raan cï miɔ̈l.

Amoth 5:19

Abï rac, ka abï ciët raan ë kɔt në köör, ku le piny rɔ̈m kekë köörayuääl. Ku cït raan ë lɔ ɣönde, na wën aa kɛn yeciin në päny, ke kɛc ë kërac.

Maika 7:4

Kɔc arackï kedhie, ku raan ŋuän ë keyiic acït kou, ku adhuɛ̈ŋden acït thil. Akööl acïk bɛ̈n, akööl ɣɔn cï tïtkun week yɔ̈ɔ̈k, akööl bï Nhialic we luöi këtuc. Ka ënɔɔnë, wek cï nïïm nuɔɔn.