Jeremia 48:37 - JAM DE NHIALIC 2011

³⁷ Keek kedhie acïk kenïïm muut, ku temkï nhïm de kek thook. Ku acïk kecin ŋuɔt kedhie, ku raan ëbɛ̈n aceŋ lupɔ de cual.

Jeremia 48:37 ပူးပေါင်းရင်းမြစ်များ

Cäk 37:29

Na wën, apuk Ruben enɔm, ku yök Jothep ke liu në yithic, ke diu piɔ̈u ku ret lupɔɔke yiic.

Cäk 37:34

Ago Jakop piɔ̈u riääk arëët, ku ret lupɔɔke yiic, ku tɛ̈ɛ̈u lupɔɔ ke cual ë yekɔ̈u. Ku dhiëëu wënde në nïn juëc arëët.

1 Mel 18:28

Agokï lɔ̈ŋ në röldït, ku temkï kegup në leem ku abätɛ̈ɛ̈u cït man ye kek e looi ëcaŋawën, agut të bïï riɛm wat.

1 Mel 21:27

Wën jɔ Elija thök ë jam, go Aɣap lupɔɔ ke yen kɔ̈u rɛtiic në jiɛthëpiɔ̈u, ku bïï ke biic ë yekɔ̈u ku pot rɔt në ŋeth, ku reec cäm ku tɔ̈ɔ̈c ë ŋethic, ku jiël ke cï rɔt tak në kë ë lui yë.

2 Mel 6:30

Na wën aa lɔ melik ee kënë piŋ, go lupɔɔke rɛtiic në jiɛthëpiɔ̈u, ku ciɛth ë kal ë pänydït nɔm, ku kɔc ë thiɔ̈k në kal ë pänydït, acïk tïŋ ke ceŋ lupɔɔ ke cual në biäk thïn.

1 Lëk 19:4

Go Ɣanun tuuc ke Debid dɔm ku muut kethook, ku tem lupɔɔken ë ke ɣöi, ku tɔ keek puk röt ciëën.

Yith 20:2

Na wën cï run kadiäk wan, go Bɛ̈nydït Yithaya wën Amoth yɔ̈ɔ̈k an, “Bɛ̈ɛ̈iyë lupɔɔku bei ëbɛ̈n, ayï wɛɛrku. Go Yithaya looi cït man cïï ye lɛ̈k en, ago piny aa kuany ke cïn kɔ̈u lupɔɔ ku cïn cök war në run kadiäk.

Yith 3:24

Luɔi duëër en aa miök tum ke go aa ŋuäc yen ŋörkï, ku luɔi duëër en aa thiönh läk ke go aa wïïn kek cieŋkï, ku luɔi duëër en aa nhïm läk cï ŋiëc nai yen nu në kenïïm ke go aa baar enɔm, ku luɔi duëër en aa lupɔɔ läk kek cieŋkï ke go ye anuɛɛr, ku puk läkden rɔt ke ye ayäär!

Yith 37:1

Na wën aa cï melik Ɣedhekia këdɛn cïk lueel piŋ, go lupɔɔ rɛtiic në dhiënëpiɔ̈u, ku tɛ̈ɛ̈u lupɔɔ ke cuɔl ë yekɔ̈u, ku le Luaŋdït.

Jeremia 16:6

Kɔc kueth ku kɔc kuanynyïïn abïk thou ee pinyë, ku acïn raan bï ke tɔ̈ɔ̈u ku cïn raan bï ke dhiëëu. Acïn raan bï rɔt ŋuɛ̈ɛ̈t ku cïn raan mut yenɔm bïï yen ke dhiëndepiɔ̈u nyuɔɔth.

Jeremia 41:5

go röör kathiërbɛ̈t bɛ̈n në Cekem, ku Cilo, ku Thamaria. Acïk nhïm de kethook muut, ku retkï lupɔɔken yiic, ku ŋuëëtkï kegup. Aake bïï rap ku wal ŋïr bïk bɛ̈n gam ë Luaŋdït yic.

Jeremia 47:5

Jiɛthëpiɔ̈u dït acï bɛ̈n në kɔc ke Gadha gup, ku kɔc ke Acekelon alek lik. Agut cï nɛn yen bïï kɔc kɔ̈k ke Pilithtiya jɔ dhiau?

Jeremia 49:3

Cɔ̈tkï arëët! Kɔc ke Ɣecbon! Ai acï riɔ̈ɔ̈k! Lak dhiaukï diëër ke Rabba! Tääukï lupɔɔ ke cual ku dhuöörki. Yak riŋ ke wïïl piny në anuɔɔn. Yanhduön Molek abïï peec kekë gucke ku wɛ̈ɛ̈t meliikke.

Edhekiɛl 27:31

Acïk kenïïm muut në këdu ku tɛ̈ɛ̈ukï lupɔɔ ke cual në kekɔ̈ɔ̈th. Acïk piɔ̈ɔ̈th jiɛth arëët të dhiɛɛu kek.

Edhekiɛl 29:18

“Mɛnh ë raan, melik Nebukadnedhar de Babilon amɛk Tayer. Acï remdɛn ë tɔŋ tɔ ɣɛ̈ɛ̈c kathiek, arëk abïk nïïm baar, ku acïk kök nyuääth, ku acïn kë cïï melik bɛ̈n yök kekë remdɛn de tɔŋ në ee nuandïïtë yic ëbɛ̈n.

Edhekiɛl 7:18

Keek abïk lupɔɔ ke cuɔl tääu në kekɔ̈ɔ̈th ku abï ke lath ëbɛ̈n. Abïï ke muut nïïm, ku abïk gup yäär kedhie.

Lebai 19:28

Duökï wegup ee tɛm të dhiëëu wek raan cï thou, ku duökï kït ke käŋ ee käär ë wegup.

Amoth 8:10

Aköölkuön ke dhuëëŋ abä ke puk abïk ya akööl ke dhiëëu, ku pɔ̈k aköölkuön ke diɛt ke miɛtëpiɔ̈u, ke ke ye akööl ke diɛt ke jiɛthëpiɔ̈u ke tuaar. Wek bä tɔ mut wenïïm, ku ciɛŋkï lupɔɔ ke cual, ka wek bï ciët wun meth kekë man meth dhiëëu wëndɛn tök. Ku yen ee köölë abï thök ke kec.

Maika 1:16

Muɔ̈tkï wenïïm, dhiëëukï mïth nhiaarkï. Lɛnykï wenïïm abäk ciët anyigoon, në biäk bïï ë mïthkun lɛɛr piny lei.

Mak 5:5

Ku ë aköölnyïïn kedhie, wakɔ̈u ku aköl, ee tɔ̈u ë kuurdït kɔ̈ɔ̈th ku të nu rɛ̈ŋ, ke ye cööt, ku ye rɔt ŋuɛ̈ɛ̈t ë kɔi.

Nyuuth 11:3

Ku yɛn bï cäätɔɔkï kaarou gäm riɛl, ku abïk këden aa guiir agum töŋ de nïn ku bot kaarou ku thiërdhetem, ke ke ceŋ lupɔɔ ke cual.”