Jeremia 48:27 - JAM DE NHIALIC 2011

²⁷ Tak yïnɔm apiɛth Mowap, wëën ë yï cïï kɔc ke Yithriɛl ee dɔl gup? Aa yak keek luööi cït man ë kɔc cïï cuɛ̈ɛ̈r keek gëk.

Jeremia 48:27 ပူးပေါင်းရင်းမြစ်များ

Jop 16:4

Yɛn ayadäŋ, adï cä dhiɛl jam në ee jamduönë, na ye wek ë cïï ee riäŋdiënë yök, adï cä bëërdït agök kiëët, lɛɛr ɛn wecök,

Diɛt 44:13

Yïn cï wo tɔ geet gup në kɔc thiääk në wook, ku dɔlkï wo gup ku buikï wo gup.

Diɛt 64:8

Liemden yen abï keek lɛɛr në riääkic, kɔc bï ke tïŋ, abïk kenïïm aa bet.

Diɛt 79:4

Juöör thiääk në wook ayek wook läät, abiɔnkï wook ku yek wook dɔl gup.

Jeremia 18:16

Acïk ee pinyë tɔ ee këde riɔ̈ɔ̈c, bï biɔɔn guöp aɣet athɛɛr. Kɔc ee tɛ̈ɛ̈k eenë kedhie ayek gäi në kë cïk tïŋ, ayek kenïïm bet në gäidït.

Jeremia 2:26

Aye Bɛ̈nydït lueel an, “Cït nɔn ee cuɛ̈ɛ̈r guöp yäär të cïï ë yen dɔm, yen abä wek gup yäär wedhie baai de Yithriɛl, week në meliikkun ku bänykun, ku bänykuön ke ka ke Nhialic ku tït.

Dhiëëu 1:12

Ku ye kɔc tɛ̈k kueer ëbɛ̈n yöök an, “Tïŋ ɛn! Acïn raan cï arɛɛm kɔn yök cït man ë yɛn. Arɛɛm ë yïïn ë Bɛ̈nydït yɛn në akööl ke agönhde.

Dhiëëu 1:7

Acï döŋ yetök ënɔɔnë, yen Jeruthalem, ku ee läkdɛn ɣɔn thɛɛr tak. Wään lööny en, në kɔc ke ater cin, acïn raan cï yen bɛ̈n kony. Ku kɔc ke aterde acïk en dɔl guöp ɣɔn wïïk en.

Edhekiɛl 25:8

Acïï Bɛ̈nydït Awärjäŋ lueel an, “Në biäk cïï Mowap ye lueel an cït Juda juöör kɔ̈kë ëbɛ̈n,

Edhekiɛl 35:15

cït man wään cä wek piɔ̈ɔ̈th miɛt në riäŋ baai de Yithriɛl, kɔc ke nɔmdï. Kur ke Theyir, piny de Edom ëbɛ̈n, abï yic ciën kɔc. Ëtɛ̈ɛ̈n abïï raan ëbɛ̈n ŋic nɔn ee Yɛn Bɛ̈nydït.”

Edhekiɛl 36:2

Yɛn Bɛ̈nydït Awärjäŋ piŋ: kɔc ke ater ke Yithriɛl acïï tiɛɛl ke dɔm, ayek lueel an, ‘Ënɔɔnë kur thɛɛrkë ayek kakuɔ!’

Edhekiɛl 36:4

Ka ënɔɔnë piŋ kë luɛɛl Yɛn Bɛ̈nydït Awärjäŋ, lɛ̈kë ee kurkë ku kur kor, ku nyïïn ku wɛ̈k, ku ɣään cï nyääŋ piny ke ke cï riääk, ku pɛ̈ɛ̈nydït cï nyääŋ piny cï ke yak yiic, ku ye ke dɔl gup në juöör thiääk në week.

Dhep 2:10

Yen këtuc bï luöi kɔc ke Mowap kekë Ammon ka, në biäk de lɛc kekë ɣɛ̈ɛ̈cë nɔmden ye kek kɔc ke Bɛ̈nydït de rɛm läät.

Dhep 2:8

Acïï Bɛ̈nydït Awärjäŋ Nhialic lueel an, “Yɛn ë kɔc ke Mowap kekë Ammon piŋ ke ke lɛ̈ɛ̈t kɔckï, ku yekï ke jääm në wël kɔ̈ɔ̈th ke ke ɣɛ̈ɛ̈c kenïïm an bïk keek yak në riɛl pinyden.

Math 26:55

Ee thaar manë guöp, ke Yecu yöök kuut ke kɔc, an, “Ë we bɔ̈ biic cït man ë ka yïn raan tɔŋ, raan ë käŋ rum, ke we muk abätɛ̈ɛ̈u ku thieec, bäk a bɛ̈n dɔm? Ë aköölnyïïn kedhie yɛn ë rëër wo week ëtök Luaŋdït, ke ya wɛ̈ɛ̈t, ku wek kën a dɔm.

Math 27:38

Ku ade kɔc cï piäät ë yen ëtök Kaarou, kɔc ë käŋ rum, tök ë baŋ cuëc, ku tök ë baŋ cam.

Math 7:2

Jäny aa we kɔc jɔ̈ɔ̈ny, yen abï wek aa jɔ̈ɔ̈ny aya, ku thëm aa wek käŋ them, yen, abï week aa them aya.