Jeremia 48:13 - JAM DE NHIALIC 2011

¹³ Ëtɛ̈ɛ̈n kɔc ke Mowap abïk gup riɔ̈ɔ̈c në yanhden Cemoc, cït man ɣɔn cï baai de Yithriɛl gup kɔn riɔ̈ɔ̈c në Bethel, yanh wään yek ŋɔ̈ɔ̈th.

Jeremia 48:13 ပူးပေါင်းရင်းမြစ်များ

1 Mel 11:33

Në luɔi cï Tholomon A pɔ̈l, ku le yiëth kɔ̈k lam yï Acetoreth yanh ë Thidon ku Cemoc yanh ë Mowap ku Molek yanh de Ammon. Tholomon acïï kuɛɛrkï kuany yiic, ku looi yic në Yanɔm ku döt lööŋkï, ku lööŋ ɣɔn cä tääu piny bï ke lɔ̈ɔ̈k aa looi cït man ɣɔn ye wun Debid ke looi.

1 Mel 11:7

Go Tholomon të ye Cemoc yanh de Mowap lam thïn yïk në kuur nɔm, në Jeruthalem biäk të lɔ aköl amiäk, ku yïk të ye Molek lam thïn, yanh de Ammon.

1 Mel 18:40

Go Elija lɛ̈k keek, an, “Damkï tït ke Baal, duökï de töŋ takï bän.” Go kɔc ke dɔm kedhie, ku lee ë Elija ke piny në nyin ë Kicon le ke nɔ̈k ëtɛ̈ɛ̈n.

2 Lëk 25:15

Kënë acï Bɛ̈nydït bɛ̈n tɔ göth, ago tiët tuöc Amadhia, go ë tiët lɛ̈k en an, “Eeŋö tɔ yïn lam yiëth ke alɛi, yiëth kën kɔcken lëu në kuny në riɛl cath ke week?”

Yith 16:12

Kɔc ke Mowap anɛ̈kkï röt piny ke ke lɔ në kuurdɛn yaath nɔm, ku lek lɔ̈ŋ tëdɛn ɣeric, ku acïn piath bïï luöi keek.

Yith 2:20

Të le köölë bɛ̈n, abïk yiëthkɛn ë cïk thɔ̈ɔ̈th në adhääp ku ateek ɣɔn yek lam cuɛ̈t luɔny ku ŋaplaŋathɔ̈ɔ̈t.

Yith 45:16

Kɔc ee yiëth looi abïk yäär kedhie, keek kedhie abïï ke yɔ̈ɔ̈r gup.

Yith 45:20

Aye Bɛ̈nydït lueel an, “Bäkkï tëtök, kɔc ke juöör, kɔc wään cï poth në wïïk de ciɛɛŋ thok, nyuɔɔthkï röt në löŋ nɔm! Kɔc ee röt kueer në yiëthkɛn ke tiim ku lɛ̈ŋkï yiëth cïï keek bï kony kek ee kɔckë acïn kë ŋickï taitai!

Jeremia 48:12

“Ka ënɔɔnë, akööl abïkï akööl bän Mowap lɔ pɔɔr wei cï mɔ̈u. Abïk tönykɛn ke mɔ̈u wäl yiic wei ku kuem keek abïk lɔ thorthor.

Jeremia 48:39

Acä lueel Yɛn Bɛ̈nydït an, Dhiaukï! Mowap acï dhoŋ! Mowap acï yäär. Atɔ̈u ke cï riääk, ku aye juöör thiääk ë yen ëbɛ̈n dɔl guöp.”

Jeremia 48:46

Amawoou në kɔc ke Mowap! Kɔc ke Cemoc acï ke riɔ̈ɔ̈k, ku wɛ̈ɛ̈tken ku duetken acï ke peec ke ke mac.

Jeremia 48:7

“Mowap yïn ŋäth riɛldu ku wëuku, ku ënɔɔnë yïn bï peec, yanhdu Cemoc abï peec, kekë kɔc ee ye luööi ku gucke.

Bäny 11:24

Cäkkï kë cï yanhdun Cemoc gäm week bï gël? Acït man, bï wok kë cïï Bɛ̈nydït Nhialicda gäm wook gël.