Jeremia 48:12 - JAM DE NHIALIC 2011

¹² “Ka ënɔɔnë, akööl abïkï akööl bän Mowap lɔ pɔɔr wei cï mɔ̈u. Abïk tönykɛn ke mɔ̈u wäl yiic wei ku kuem keek abïk lɔ thorthor.

Jeremia 48:12 ပူးပေါင်းရင်းမြစ်များ

Diɛt 2:9

Abä keek dhuööŋ në thieny ë wëëth, abä ke dhuɔŋ piny cït man ë töny ë tiɔp.”’

Yith 16:2

Atïtkï në kiir de Arnon yɔu kek duet ke Mowap acïn kë lëukï, ayek lɔ ciëën ku lek tueŋ, acïk ciët diɛt cï cuöp bei në ɣöötken yiic.

Yith 30:14

Wek bï lɔ thorthor cït tööny ë tiɔp, ka bï ciɛ̈n abɔ̈ny thiin duëër ë atiap muk, ku nɔn gemë pïïu në awuölic.”

Jeremia 14:3

Kɔc kueth ayek kɔc ee keek luööi tuöc pïïu, ayek lɔ në awuuliic ku cïn pïïu yökkï ke, ayek bɛ̈n ciëën në aguut cïn yiic pïïu. Ayek kenyïïn thiaan në ayäär ku ciën aŋäth.

Jeremia 19:10

Go ë Bɛ̈nydït lɛ̈k yɛn bä gul dhoŋ në kɔc ë cath ë yɛn nïïm,

Jeremia 25:34

Dhiaukï, wek bäny, wek kɔc ee kɔc tiit, dhiaukï arëët! Dhiaukï ku dalkï ë abuui yic. Akööl bï ë week tɛm röt acïk bɛ̈n, ku wek bïï tɛm röt cï nyök ke amääl.

Jeremia 25:9

‘Yɛn bï dhiëën nu të lɔ rut kedhie tuöc, ku tuöc raan ee ya luööi, Nebukadnedhar melik de Babilonia. Abä keek lɔ bɛ̈ɛ̈i bïk tɔŋ yiɛ̈n Juda ku kɔc ceŋ en, ku yïn tɔŋ juöör thiääk ë yen. Yɛn bï ë jurë riääk kekë juöör thiääk ë yen, ku nyääŋ keek ë riääkic aɣet athɛɛr, ee kërɛɛc de gäi në tïŋ. Acä lueel, Yɛn Bɛ̈nydït.

Jeremia 48:11

Go Bɛ̈nydït lueel an, “Mowap acï ceŋ ke rëër në mätic ku akën ë kɔn peec. Mowap acï ciët mɔ̈n cï pɔ̈l ke kiët ke cïï tɔɔric ku akënë wuöl në gulic tɛ̈ɛ̈uwë ë guldäŋic. Awäude akënë kɔn riɔ̈ɔ̈k, ku amit arëët.

Jeremia 48:13

Ëtɛ̈ɛ̈n kɔc ke Mowap abïk gup riɔ̈ɔ̈c në yanhden Cemoc, cït man ɣɔn cï baai de Yithriɛl gup kɔn riɔ̈ɔ̈c në Bethel, yanh wään yek ŋɔ̈ɔ̈th.

Jeremia 48:15

Mowap kekë pɛ̈ɛ̈nydïtke acï keek riɔ̈ɔ̈k, dhuökkɛn piɛth acï keek tɛm röt. Ee Yɛn melik, Bɛ̈nydït de rɛm, ku Yɛn cï jam.

Jeremia 48:38

Dhiëëu atɔ̈u në ɣööt ke Mowap nïïm ëbɛ̈n ayï për ke Mowap yiic kedhie, në biäk cän Mowap dhoŋ cït man ë gul cïn raan kɔɔr en.

Jeremia 48:8

Acïn wun be poth në riääkic, wak ayï riaaŋ abïk riääk kedhie. Acä lueel, Yɛn Bɛ̈nydït.

Naɣum 2:2

(Ku Bɛ̈nydït abï dhuëëŋ de kɔc ke Juda pɔ̈k nɔm keek, cït man ë dhuëëŋ de kɔc ke Yithriɛl aya. Në luɔi cïï kɔc ke aterden ke rum, cït man ye apäm puɔ̈ɔ̈t bei në tim guöp.)