Jeremia 46:6 - JAM DE NHIALIC 2011

⁶ Kɔc ee riŋ aläl acïkï bï ban, ku rem ë tɔŋ acïkï bï poth. Abïk kɔ̈th ë kueer lɔ të lɔ rut ku wïïkkï ë wɛ̈ɛ̈r ë Yuparat yɔu.”

Jeremia 46:6 ပူးပေါင်းရင်းမြစ်များ

2 Mel 23:29

Në akööl wään ye Jothia melik, go Neko melik de Rip rem de tɔŋ jɔt ke lɔ melik de Athiriya kony në wɛ̈ɛ̈r ë Yuparat. Ago melik Jothia ye them luɔi bï yen thɔ̈ɔ̈r ke rem de tɔŋ ë Rip në Megido, gokï Jothia nɔ̈k ë tɔŋic.

2 Mel 24:7

Ku melik de Rip akën bɛ bɛ̈n bei pinyde, në luɔi cïï akɛɛth ɣɔn ee kake melik de Rip nööm në melik de Babilonia, gɔl në wɛ̈ɛ̈r ë Yuparat lɔŋ të lɔ rut abïï bɛ̈n guööt në aken ë Rip nɔm.

Diɛt 27:2

Të cïï kɔc rac yɛn mak, akɔɔrkï bïk a nɔ̈k, abïk kɔ̈th ku wïïkkï.

Wɛ̈ɛ̈t 9:11

Ku yɛn cï rɔt puk guɔ këdäŋ tïŋ ë piny nɔm, acie raan ŋic kat yen ee tiam aköölnyïïn, acie jööt kek ee tɔŋ tiaam aköölnyïïn, acie kɔc pelnïïm kek ee këcam yök aköölnyïïn, acie kɔc tiëër nïïm kek ee kuɛth aköölnyïïn, acie kɔc ŋic käŋ kek ee miɛtëpiɔ̈u yök tëde kɔc aköölnyïïn. Piäl ë guöp ee këde raan ëbɛ̈n.

Yith 8:15

Kɔc juëc abïk kɔ̈th, abïk wïïk ku abï ke duöm piny. Abïï keek dɔm ë wïn ë dɛ̈p.”

Jeremia 1:14

Go lɛ̈k yɛn an, “Riääk abï bɛ̈n ë biäk të lɔ rut, ku abï bɛ̈n ë kɔc ceŋ ee pinyë gup ëbɛ̈n,

Jeremia 20:11

Ku yïn Bɛ̈nydït yïn tɔ̈u we yɛn, Yïn ril ku wärjäŋ, ku kɔc ee yɛn yɔŋ abïk thueet. Abïk yäär aɣet athɛɛr, në biäk cïï kek duëër tiam. Ayärden acïï kɔc nïïm bï määr ë yen.

Jeremia 25:9

‘Yɛn bï dhiëën nu të lɔ rut kedhie tuöc, ku tuöc raan ee ya luööi, Nebukadnedhar melik de Babilonia. Abä keek lɔ bɛ̈ɛ̈i bïk tɔŋ yiɛ̈n Juda ku kɔc ceŋ en, ku yïn tɔŋ juöör thiääk ë yen. Yɛn bï ë jurë riääk kekë juöör thiääk ë yen, ku nyääŋ keek ë riääkic aɣet athɛɛr, ee kërɛɛc de gäi në tïŋ. Acä lueel, Yɛn Bɛ̈nydït.

Jeremia 4:6

Nyuɔthkï kueer lɔ Dhiɔn! Kuɔnykï röt wei! Duökï gääu! Bɛ̈nydït abïï riääk, riäŋdïït bɔ̈ në biäk të lɔ rut.

Jeremia 46:10

Kënë ee kööl de Bɛ̈nydït Awärjäŋ, abï rɔt guöör ee köölë, ee köölë abï kɔc ke aterde luöi këtuc. Abïï abätäude ke cam abïï kuɛth, ku dek riɛmden abï thiäŋ. Ee köölë Awärjäŋ anäk kɔc ke aterde të lɔ rut, ë wɛ̈ɛ̈r ë Yuparat yɔu.

Jeremia 46:12

Juöör acïk ayärdu piŋ, dhiëndu acï piŋ ë raan ëbɛ̈n. Raan de tɔŋ ee löny ë raanë kɔ̈u, ku wïïkkï piny kedhie.

Jeremia 46:16

Remduön ë tɔŋ acïk kɔ̈th ku wïïkkï, aye ŋɛk lɛ̈k ŋɛk an, ‘Dɛpku lɔ wut tëde kɔckuɔ, ku buk ban në abätäu de kɔc ke ater thok!’

Jeremia 50:32

Jurduön e guöp lɛc, abï tuëk ku wïïk, acïn raan bï ye kuɔny bä rɔt jat nhial. Yɛn bï pɛ̈ɛ̈nydïtku ɣök mac, ku këriëëc tɔ̈u ëtɛ̈ɛ̈n ëbɛ̈n abï riääk.”

Jeremia 6:1

Acïï Bɛ̈nydït lueel an, “Bääkï wëikun wei, wek kɔc ke Benjamin! Bäkkï bei në Jeruthalem! Kuɔthkï kaaŋ në Tekowa, ku kuɔthkï many de tɔŋ në Bethɣakerem. Wek bïï riääk bɔ̈ të lɔ rut yök ee nïnkë.

Danyel 11:19

Ku yen ee melikë abï rɔt pɔ̈k në wuötkɛn cï gël yiic, ku abïï lɔ tiaam, ku yen abï aa thökde.

Danyel 11:22

Raan ëbɛ̈n raan reec yen, ayï bɛ̈nydïït ë kake Nhialic, abïï nap wei ku copë wëi.