Jeremia 46:5 - JAM DE NHIALIC 2011

⁵ Go Bɛ̈nydït thiëc an, “Ku eeŋö wɔi? Apukï röt ciëën ë riɔ̈ɔ̈cdït. Remdɛn de tɔŋ acï ke cuɔp ciëën acïï riɔ̈ɔ̈c ke thööŋ, ariŋkï aläldïïtë, ku acïkï kekɔ̈ɔ̈th ee lieec.

Jeremia 46:5 ပူးပေါင်းရင်းမြစ်များ

Cäk 19:17

Na wën, aa cïk keek bɛ̈ɛ̈i bei, ke lëkkï keek an, “Katkï ke we bï wëikun luök. Duökï kääc kueer, ku duökï wekɔ̈ɔ̈th liec. Ɣɛtkï ë kuriic ke we cï bï thou.”

Yith 13:8

Keek kedhie abïk riɔ̈ɔ̈c ku abïï arɛɛm ke tiaam, cït arɛɛm de tiiŋ dhiëth. Abïk röt aa liec ë ŋäny ŋäny në riɔ̈ɔ̈c, ku dëpkï nyïïn ë liapliap në ayäär.

Yith 19:16

Kööl abɔ̈ kööl bïï ë kɔc ke Rip röt kuɔɔr piny cï diäär. Abïï ke lath në riɔ̈ɔ̈c të le kek Bɛ̈nydït de rɛm tïŋ ke jɔt yeciin bïï ke luöi këtuc.

Yith 42:17

Raan ëbɛ̈n raan ee yath ŋɔ̈ɔ̈th, raan ee ka cï käär tɔ ee yath, abï ke kuɔɔr piny ku tɔ ke yäär gup.”

Yith 5:25

Bɛ̈nydït agöth ke kɔcke, ku ë Yecin jɔ̈t keek bï ke luöi këtuc, kur abï ke lath, ku gup ke kɔc cï thou abïï ke nyääŋ piny në kuɛɛriic ëbɛ̈n cït man ë nuöön. Cakaa yen ë tɔ̈u aya, agönh de Bɛ̈nydït abï ŋoot ke cïï thök, abï ŋoot ke nu ciin biic ke kɔɔr bï këtuc looi.

Jeremia 20:10

Yɛn ee raan ëbɛ̈n piŋ ke ŋun an, “Akuöörkuöör anu ë pinynɔm ëbɛ̈n! Ka lok lëkku bäny ke baai!” Ayï määthkï nɔm atitkï wïïkdï. Ayek lueel an, “Tɛkdäŋ bïï math, ku ëtɛ̈ɛ̈n abuk dɔm ku jɔku röt guöör.”

Jeremia 46:15

Eeŋö tɔ Apith yanhduön ril löny? Eeŋö kën yen kɔ̈ɔ̈c? Acïï Bɛ̈nydït dhuɔŋ piny!’

Jeremia 46:21

Ayïï remdɛn ë tɔŋ ë riɔp, acïk ciɛ̈n naamden cï daau. Akënkï kɔ̈ɔ̈c ku thɔ̈ɔ̈rkï, acïk kekɔ̈ɔ̈th wɛl kedhie ku kɔtkï. Kööl de thonden acï bɛ̈n, kööl bïï ë keek riɔ̈ɔ̈k.

Jeremia 49:29

Dɔm pɛɛnyken ku thökken, ku lupɔɔ ke pɛɛnyken ku ka tɔ̈u ë pɛɛnyken yiic. Nöm thɔ̈rɔ̈ɔ̈lken ku lëkkë kɔc an, ‘Riɔ̈ɔ̈cdït acï we gɛɛu cil!

Jeremia 49:5

Yɛn bï riɔ̈ɔ̈cdït yiɛ̈n week në aguuk kedhie. Ka wek bï kat wedhie. Ŋɛk abï wëike aa bääk, ku acïn raan bï remduön ë tɔŋ bɛ määt yiic.

Jeremia 6:25

Wok cï riɔ̈ɔ̈c në lɔ wut këc ayï cäth ë kuɛɛr yiic, në biäk cïï kɔc ke aterda abätäu nööm ku dɔm riɔ̈ɔ̈c wook.”

Edhekiɛl 32:10

Kë cä luöi yïn abï juöör juëc tɔ päu. Të lan abätäudï met yic, meliik abïï ke lath në riɔ̈ɔ̈c. Në ee köölë yïn bï wïïk, keek kedhie abïï keek lath ë biäk de wëiken.”

Edhekiɛl 39:18

Abïk gup ke rem de tɔŋ bɛ̈n cuet, ku dekkï rim ke bäny cieŋ pinynɔm, keek kedhie abïï keek nɔ̈k cït nyök ke amɛ̈l, ku nɔn ee kek nyök bɔɔth, ku nɔn ee miöör.

Naɣum 2:8

Ninebe ee ciët awuöl cïï pïïuke wɛt wei, ka bänyke ayek cööt an, “Kääckï! Kääckï!” Ku acïn raan bɔ̈ ciëën.

Naɣum 2:9

Go kɔc ke ater röt aa lɛ̈k an, “Pɛckï atek ku adhɛ̈p! Pänydït athiäŋ yic ke kajuëc tuc ë ɣööcden cïk kuɛ̈t röt, acie ka bï thök!

Dhep 1:14

Kööl bï Bɛ̈nydït löŋ de kɔc guiir ë thiɔ̈k arëët, ka ë ɣëët, yen ee köölë abï kɔc gäm gök de dhiënëpiɔ̈u, ku ayï jööt man ril ke tɔŋ abïk dhiau arëët në ciën aŋäth de kuny yökkï.