Jeremia 46:4 - JAM DE NHIALIC 2011

⁴ Kiëëtkï jöŋgöörkun, ku guëkkï kekɔ̈ɔ̈th! Kääckï tëdun ku tääukï akuup ke tɔŋ! Thɛɛrkï tɔɔŋkun! Tääukï aluluut ee tɔɔŋ gël.’

Jeremia 46:4 ပူးပေါင်းရင်းမြစ်များ

2 Lëk 26:14

Go Yudhia rem de tɔŋ gäm kööt, ku tɔɔŋ, ku akuup, ku aluluut dhïl ee guöp gël, ku dhɛ̈ŋ, ku wiɛth, ku kur ye ë kɔc biöök.

Neɣe 4:16

Gɔl Në ee köölë biäk de kɔckiën ke luɔi, acïk bɛ̈n luui ku lɔ biäk däŋë ke ke tït, ke ke ceŋ aluluut dhïl ee guöp gël, ku mukkï tɔɔŋ ku kööt ku dhɛ̈ŋ. Ku bänykuɔ akɛ̈ɛ̈ckï në kɔc arëët.

Yith 8:9

Määtkï wenïïm ëtök në riɔ̈ɔ̈c wek kɔc cieŋ piny! Piëŋë yïn piny mec nu biäk tui. Cuɔckï röt thäärkï ku yak riɔ̈ɔ̈c! Ɣɛɛ, cuɔckï röt ku yak riɔ̈ɔ̈c!

Jeremia 46:14

“Luel ë wuöt ke Rip yiic, ku në Migdol, ku Mempeth, ku Tapaneth an, ‘Kiëëtkï röt bäk röt gël, kakuön tɔ̈u tëde week ëbɛ̈n abï keek riɔ̈ɔ̈k tɔŋ!

Jeremia 51:11

Bɛ̈nydït acï meliik ke Media tuök nhial, në biäk cï Yen ye guiir nɔn bïï En Babilonia riɔ̈ɔ̈k. Yen kueer bïï Yen riääk de luaŋde guöör ka. Bɛ̈ny de rem mɛk wut ee kɔc yɔ̈ɔ̈k an, “Cuɔthkï wiɛthkun thook! Guiirkï köötkun apiɛth!

Jeremia 51:3

Duökï remdɛn de tɔŋ gëm kaam bïï kek dhɛ̈ŋken moc, duökï gëm kaam bïï kek kɔ̈ɔ̈c në lupɔɔkɛn ke tɔŋ. Duökï dhuök päl! Riäärkï rem de tɔŋ ëbɛ̈n!

Edhekiɛl 21:28

“Mɛnh ë raan, Cäärë. Caalë kë cä lueel yɛn Bɛ̈nydït Awärjäŋ, lɛ̈kë kɔc ke Ammon ee Yithriɛl läät. lɛ̈kë keek an, ‘Abätäu acï coc ke bï riɔ̈ɔ̈k, acï gɔɔk ke bï näk, abï lɔ biliny cï wilëdeŋ.

Jowɛl 3:9

Lɛ̈kkï juöör ee jamë an: ‘Guiɛkkï tɔŋ, ku thɛrkï tɔɔŋkun thook, ku määtkï jöötkuön ke tɔŋ yiic. Takï rem de tɔŋ cut rɔt tëthiɔ̈k, ku ë ke miööc tɔŋ.

1 Tham 17:38

Ku gëm Debid kakɛn ë tɔŋ ye ke cieŋ. Gëm akup ë maläŋ, ku lupɔ de tɔŋ.

1 Tham 17:5

Ku aceŋ akup ë maläŋ ë yenɔm, ku aceŋ lupɔɔ ke tɔŋ lëu kilɔɔ ke maläŋ kathiërdhïc ku dhorou.