Jeremia 46:25 - JAM DE NHIALIC 2011

²⁵ Acïï Bɛ̈nydït de rɛm, Nhialic de Yithriɛl lueel an, “Yɛn lɔ Amon, ku yanh de Thebeth luöi këtuc kekë kɔc ke Rip ëtök ku yiëthke ku meliikke. Yɛn lɔ melik de Rip jɔt kekë kɔc ee yen ŋɔ̈ɔ̈th kedhie,

Jeremia 46:25 ပူးပေါင်းရင်းမြစ်များ

Bɛ̈n 12:12

“Ee Yɛn Bɛ̈nydït, paan ë Rip abä caathic ëbɛ̈n në ee wɛ̈ɛ̈rë yic, ke ya näk mɛwä kɛ̈ɛ̈i ëbɛ̈n, kɛ̈i ë raan, ku kɛ̈i ë läi. Ku kuööm yiëth ke Rip kedhie në kuöm tuc. Ee Yɛn Bɛ̈nydït.

Yith 19:1

Kënë ee jam në biäk de Rip. Bɛ̈nydït abɔ̈ Rip ke riŋ arëët ë luät kɔ̈u. Yiëth ke Rip alɛthë keek në Ye nɔm, go kɔc ke Rip röt päl wei ë riɔ̈ɔ̈c.

Jeremia 44:30

Yɛn bï Ɣopra melik de Rip gäm kɔc de ater në yen, ku abä gäm kɔc kɔɔr bïk yen nɔ̈k, cït man wään cän Dhedekia melik de Juda gäm Nebukadnedhar melik de Babilonia, aaye raan de aterde ku aa kɔɔr bï yen nɔ̈k.”

Jeremia 49:3

Cɔ̈tkï arëët! Kɔc ke Ɣecbon! Ai acï riɔ̈ɔ̈k! Lak dhiaukï diëër ke Rabba! Tääukï lupɔɔ ke cual ku dhuöörki. Yak riŋ ke wïïl piny në anuɔɔn. Yanhduön Molek abïï peec kekë gucke ku wɛ̈ɛ̈t meliikke.

Edhekiɛl 30:22

Ënɔɔnë, kë luɛɛl kï Yɛn Bɛ̈nydït Awärjäŋ: Yɛn ee Raan de ater wo melik de Rip. Yɛn bï kɔ̈kkë lɔ dhoŋ kedhie, köŋ piɛth ku köŋ wään cï kɔn dhuɔɔŋ, ku abätäu löny në yeciin.

Dhep 2:11

Abïï Bɛ̈nydït ke riääc, të le Yen yiëth ke pinynɔm riɔ̈ɔ̈k kedhie. Ku juöör ëbɛ̈n abïk En jɔ aa lam, ŋɛk tëde.