Jeremia 46:21 - JAM DE NHIALIC 2011

²¹ Ayïï remdɛn ë tɔŋ ë riɔp, acïk ciɛ̈n naamden cï daau. Akënkï kɔ̈ɔ̈c ku thɔ̈ɔ̈rkï, acïk kekɔ̈ɔ̈th wɛl kedhie ku kɔtkï. Kööl de thonden acï bɛ̈n, kööl bïï ë keek riɔ̈ɔ̈k.

Jeremia 46:21 ပူးပေါင်းရင်းမြစ်များ

2 Tham 10:6

Go kɔc ke Ammon ŋic nɔn cïï kek Debid tɔ ye raan de aterden, agokï aguum kathiërrou de rem ë tɔŋ ë Thiriya tɔ̈u ë Bethreɣop riɔp, ku aguum kathiëër ku rou në Tɔp, ku lɔ melik de Maaka kekë agum töŋ de kɔc.

2 Mel 7:6

Bɛ̈nydït ë kɔc ke Thiriya tɔ piŋ awuɔɔu de abëël ku jöŋgöör ke rem de tɔŋdït, go kɔc ke Thiriya cät an, cï melik de Yithriɛl meliik ke Ɣit ku Rip riɔp bïk ke bɛ̈n mak.

Diɛt 37:13

Ku Bɛ̈nydït ee kɔc rac geet gup, në luɔi ŋic en en nɔn cï aköölken guɔ thiɔ̈k.

Kɛ̈ŋ 15:17

Baai nyiiyë këcam nyin ku nu nhiëër apiɛth në baai ciɛmë miöök ku nu män thïn.

Yith 10:3

Eeŋö bä looi të le Nhialic yï luöi këtuc? Eeŋö bäk looi të le we lɔ yiɛ̈n riääk wun mec? Ee tënou bä wek kuɔɔny lɔ yök thïn? Ee tënou bä wek kajuëckun lɔ thiaan thïn?

Yith 34:7

Kɔc abïk aa wïïk cï ɣɔ̈k roor ku miöör kor, ku piny abï aa thiir ke riɛm thiäŋ ke kɔl.

Jeremia 18:17

Yɛn bï kɔckï thiɔ̈i në kɔc ke aterden nïïm, cït man de abuui cï yom de aköl amiäk kuɔɔth wei. Yɛn bï ya kɔ̈u wël keek, acä ke bï luök të le riääk bɛ̈n.”

Jeremia 46:22

Rip akɔt, ariŋ ke ɣöc yeyɔu cï kërac, të wën le kɔc ke ater ke ke bɔ̈ thïn. Acïk mak në yëëp, cït man de kɔc yep tiim piny

Jeremia 46:5

Go Bɛ̈nydït thiëc an, “Ku eeŋö wɔi? Apukï röt ciëën ë riɔ̈ɔ̈cdït. Remdɛn de tɔŋ acï ke cuɔp ciëën acïï riɔ̈ɔ̈c ke thööŋ, ariŋkï aläldïïtë, ku acïkï kekɔ̈ɔ̈th ee lieec.

Jeremia 46:9

Yɔ̈ɔ̈kë jöŋgöör bïk lɔ thïn, ku abëël ke tɔŋ bïk röt laar tɔŋ! Tuɔɔcë rem ë tɔŋ biic: Kɔc ke Ethiopia ku Libya, aɣɛ̈ɛ̈ckï kööt, ku kɔc ke Ludia amukkï dhɛ̈ŋ.’”

Jeremia 48:44

Raan bï kat ë riɔ̈ɔ̈cdït abï lɔ lööny ë pulic, ku raan bï bɛ̈n bei ë pulic, abïï ë wïn ë dɛ̈p dɔm, në biäk cïï Bɛ̈nydït kööl de riääk ë Mowap guiir.

Jeremia 49:8

Kɔc ke Dedan pɔ̈kkï röt ku katkï! Thiankï röt! Yɛn lɔ mïth kuat de Ethau luöi këtuc, në biäk cï akööl bɛ̈n akööl bän ke luöi këtuc.

Jeremia 50:11

Aye Bɛ̈nydït lueel an, “Wek kɔc ke Babilonia, wek cï jurdï rum. Wek mitpiɔ̈ɔ̈th ku lak piɔ̈ɔ̈th yum, wek wïïl piny cï weŋ käm rap, ku ciëtkï jöŋgör kïïu,

Jeremia 50:27

Näkkï remdɛn ë tɔŋ ëbɛ̈n! Tɛmkï keek röt! Amawoou në kɔc ke Babilonia acïk riääk! Akööl acïk bɛ̈n akööl bï ë keek luöi këtuc!”

Edhekiɛl 30:22

Ënɔɔnë, kë luɛɛl kï Yɛn Bɛ̈nydït Awärjäŋ: Yɛn ee Raan de ater wo melik de Rip. Yɛn bï kɔ̈kkë lɔ dhoŋ kedhie, köŋ piɛth ku köŋ wään cï kɔn dhuɔɔŋ, ku abätäu löny në yeciin.

Edhekiɛl 35:5

“We aaye kɔc ke ater de Yithriɛl ë caŋɣɔn, ku takï kɔcke temë röt në akööl ke riääkde yic, akööl ciëën ke këtuc cï luöi yen në biäk de awɛ̈ɛ̈cke.

Ɣodh 9:7

Akööl ke këtuc abïkï, akööl ke kuɛ̈n acïk thiɔ̈k. Takï ŋic ë Yithriɛl yen ee kënë. Në luɔi cï awɛ̈ɛ̈ckun juëc arëët, ku cï wëlkun kenyïïn ŋuak aläl. Wek ee tiët tɔ ye dhɔ̈n, ku takï raan thiäŋ ke wëi tɔ ye raan cï miɔ̈l.

Amoth 6:4

Amawoou në week, wek kɔc ee wekɔ̈ɔ̈th tääc në biök piɛth yiic, ku rëërkï në thöckun nïïm, ku yak cuet në nyök ke thökkun yiic, ku miöör në ɣɔ̈kkun yiic!

Obadaya 1:13

Yïn cïï wun ë kɔckï duëër caathic në kööl cïï riääk ke yök, get ke gup në nuanden yic ku yakkï kaken.

Maika 7:4

Kɔc arackï kedhie, ku raan ŋuän ë keyiic acït kou, ku adhuɛ̈ŋden acït thil. Akööl acïk bɛ̈n, akööl ɣɔn cï tïtkun week yɔ̈ɔ̈k, akööl bï Nhialic we luöi këtuc. Ka ënɔɔnë, wek cï nïïm nuɔɔn.

Math 22:4

Na wën, ke be lïïm kɔ̈k tooc, lueel an, “Lɛ̈kkï kɔc cï kɔn lɛ̈k thiëëk an, ‘Tiëŋkï, yɛn ë këcamdït guik, miöörkï ku ɣɔ̈kkiën cuai kɔ̈k acï ke nɔ̈k, ku käŋ acïk thök kedhie, bäkï ë thiëëkic!’

Nyöŋ 32:15

“Kɔc ke Bɛ̈nydït acïk lɔ ke ke kueth, ku reeckï gäm, acïk cuai ku kuethkï në këcam. Acïk Nhialic Aciëŋden nyääŋ piny ku reeckï Awärjäŋ Konyden.