Jeremia 46:2 - JAM DE NHIALIC 2011

² gɔl në Rip. Kën ë lueel kï në biäk de rem ë tɔŋ de Neko melik de Rip, wään bïï Nebukadnedhar melik ë Babilonia tiaam, në Karcemic tëthiääk ke wɛ̈ɛ̈r ë Yuparat, ë ruöön ë ŋuan ye Jeɣoyakim melik de Juda.

Jeremia 46:2 ပူးပေါင်းရင်းမြစ်များ

2 Mel 18:21

Wek ŋäth melik de Rip an bï we yiɛ̈n kony, ku kënë acït raan muk apäth ke ye wai thɛny en piny, ku abï dhuɔɔŋ ku riɔ̈l we, le cot ë we cin. Yen luɔi tɔ̈u ë mel de Rip ka, kekë raan ee rɔt kan në yen.”

2 Mel 23:29

Në akööl wään ye Jothia melik, go Neko melik de Rip rem de tɔŋ jɔt ke lɔ melik de Athiriya kony në wɛ̈ɛ̈r ë Yuparat. Ago melik Jothia ye them luɔi bï yen thɔ̈ɔ̈r ke rem de tɔŋ ë Rip në Megido, gokï Jothia nɔ̈k ë tɔŋic.

2 Mel 23:33

Go bäänyde thök wään bïï Neko melik de Rip ye dɔm tɔ mac në Ribila, piny de Ɣamath, ku tɔ Juda tɔ kut aguum kadiäk ku bot kaŋuan 3,400, ke kilɔɔ ke ateek, ku thiërdiäk ku ŋuan ke kilɔɔ ke adhääp, ke ye athölbö.

2 Mel 24:7

Ku melik de Rip akën bɛ bɛ̈n bei pinyde, në luɔi cïï akɛɛth ɣɔn ee kake melik de Rip nööm në melik de Babilonia, gɔl në wɛ̈ɛ̈r ë Yuparat lɔŋ të lɔ rut abïï bɛ̈n guööt në aken ë Rip nɔm.

Yith 10:9

Yɛn cï pɛ̈ɛ̈nydït ke Kalano ku Karcemic peec, pɛɛc pɛ̈ɛ̈nydït ke Ɣamath ku Arapad. Ku pɛɛc Thamaria kekë Damathko.

Yith 19:1

Kënë ee jam në biäk de Rip. Bɛ̈nydït abɔ̈ Rip ke riŋ arëët ë luät kɔ̈u. Yiëth ke Rip alɛthë keek në Ye nɔm, go kɔc ke Rip röt päl wei ë riɔ̈ɔ̈c.

Yith 19:19

Të lee köölë bɛ̈n, abï dɛ yïïŋ ë Bɛ̈nydït piny de Rip, ku mën ë kuur bï gäm En në aken ë Rip nɔm.

Jeremia 25:1

Në ruöön ë ŋuan wään ye Jeɣoyakim wën de Jothia melik de Juda, yɛn cï jam yök tëde Bɛ̈nydït në biäk ë kɔc ke Juda kedhie. (Kënë aaye ruöön tueŋ ye Nebukadnedhar melik de Babilonia.)

Jeremia 25:19

Kënë ee rin ke kɔc kedhie, kɔc bï dek ë cup: melik de Rip, ku bänyke ku wɛ̈ɛ̈t bänyken ku kɔc kedhie, ku kɔc matiic ee ye kuany cök, meliik ke piny de Udh kedhie, meliik ke Pilithiin kedhie, ke pɛ̈ɛ̈nydït ke Acekelon, ku Gadha, ku Ekeron, ku kɔc ke Acedɔd cï döŋ, kɔc ke Edom kedhie, ku Mowap, ku wɛ̈ɛ̈t ke Ammon, meliik ke Tayer kedhie ku Thidon, ku meliik ke piiny ke Wɛ̈ɛ̈rdïït ɣer lɔŋtui kedhie, pɛ̈ɛ̈nydït ke Didan, ku Tema, ku Budh, kɔc ee nhïmken tɛm acek kedhie, meliik ke Arabia kedhie ku meliik ke dhiëën cï liääp ee rëër ë jɔ̈ɔ̈ric, meliik ke Dhimri kedhie, ku Eelam kedhie, ku Media, meliik nu të lɔ rut kedhie, ka mec ku kathiɔ̈k, ke ke kuany kecök. Ku ciɛɛŋ ke pinynɔm ëbɛ̈n nu ë pinynɔm ëbɛ̈n. Ku raan bï dek në kecök ciëën ee melik de Babilon.

Jeremia 25:9

‘Yɛn bï dhiëën nu të lɔ rut kedhie tuöc, ku tuöc raan ee ya luööi, Nebukadnedhar melik de Babilonia. Abä keek lɔ bɛ̈ɛ̈i bïk tɔŋ yiɛ̈n Juda ku kɔc ceŋ en, ku yïn tɔŋ juöör thiääk ë yen. Yɛn bï ë jurë riääk kekë juöör thiääk ë yen, ku nyääŋ keek ë riääkic aɣet athɛɛr, ee kërɛɛc de gäi në tïŋ. Acä lueel, Yɛn Bɛ̈nydït.

Jeremia 36:1

Në ruöön ë diäk wään ye Jeɣoyakim wën de Jothia melik de Juda, go ë Bɛ̈nydït lɛ̈k ɛn an,

Jeremia 43:11

Nebukadnedhar abï bɛ̈n ku riëëk piny de Rip. Ku gɛm kɔc cï gäm thuɔɔu ë jɔk abïk lɔ thou, ku kɔc cï gäm pɛ̈c, abïï ke peec, ku kɔc cï gäm nääk, abïk ke nɔ̈k ë abätäu.

Jeremia 45:1

Në ruöön ye Jeɣoyakim wën de Jothia melik de Juda, go Baruk kë cï tiët Jeremia lɛ̈k yen gäär piny. Ago Jeremia lɛ̈k en

Jeremia 46:14

“Luel ë wuöt ke Rip yiic, ku në Migdol, ku Mempeth, ku Tapaneth an, ‘Kiëëtkï röt bäk röt gël, kakuön tɔ̈u tëde week ëbɛ̈n abï keek riɔ̈ɔ̈k tɔŋ!