Jeremia 46:14 - JAM DE NHIALIC 2011

¹⁴ “Luel ë wuöt ke Rip yiic, ku në Migdol, ku Mempeth, ku Tapaneth an, ‘Kiëëtkï röt bäk röt gël, kakuön tɔ̈u tëde week ëbɛ̈n abï keek riɔ̈ɔ̈k tɔŋ!

Jeremia 46:14 ပူးပေါင်းရင်းမြစ်များ

2 Tham 2:26

Na wën ke Abener ë cɔl Jowap an, “Buk jɔ tɔ̈u ke wo thäär aɣet athɛɛr? Yic bä dhil ŋic ee jiɛthëpiɔ̈u yen bïï yiɛ̈n kɔc! Wok ee mïthëkɔckun. Lɛ̈kkï kɔcku tɔ ke päl cum cop kek wook?”

Bɛ̈n 14:2

“lɛ̈kë kɔc ke Yithriɛl ë ke puk röt, lek piɔ̈ɔ̈t në Pai Ɣaɣiroth nɔm tueŋ. Në kaam de Migdol kekë Wɛ̈ɛ̈r Thith, në wɛ̈ɛ̈r yɔu të tiŋ Baal Dhepon nɔm.

Yith 1:20

Ku na lak A rɛɛc thok, ke wek bï nɔ̈k abäk thou, ee Yɛn Bɛ̈nydït Yɛn ë jam.”

Yith 19:13

Bäny ke Dhowan ku Mempeth apiɔlkï piɔ̈ɔ̈th. Adï ee kek wat dhiëënken, ku ënɔɔnë acïk Rip mɔ̈ɔ̈r.

Yith 31:8

Athiriya Abï riɔ̈ɔ̈k tɔŋ, ku acie riɛl mɛnh ë raan. Kɔc ke Athiriya abïk kat në tɔŋ, ku dhuökken abïï ke tɔ ee lïïm.

Yith 34:6

Abätäude abï kɔ̈u thiäŋ në riɛmden ku kɔlden, cït man de riɛm ku kɔl de amɛ̈l ku bɔɔth ke miɔ̈c näk. Bɛ̈nydït abï ee miɔ̈cë gam ë pänydït de Bothera yic, abï ë nääkdïïtë looi piny de Edom.

Jeremia 12:12

Ë wuöt ke kur ë jɔ̈ɔ̈ric ëbɛ̈n, kɔc acïk bɛ̈n bïk bɛ̈n rum. Yɛn cï tɔŋ tuɔɔc bïï piny lɔ riɔ̈ɔ̈k ëbɛ̈n, acïn raan bï rëër ë mätic.

Jeremia 2:16

Ɣɛɛ, kɔc ke Mempeth ku Tapaneth acïk nɔmde ɣaar yic.

Jeremia 2:30

Yïn cä luöi këtuc, ku acïn këpiɛɛth cï looi, yïn kën Yɛn pɔ̈l bä yï jɔ̈ɔ̈ny. Yïn cï tïtku nɔ̈k në abätäu, cï köör cï wäth.

Jeremia 44:1

Go Bɛ̈nydït jam ke yɛn në biäk de kɔc ke Judai tɔ̈u ë Rip Kedhie, kɔc nu ë pɛ̈ɛ̈nydït ke Migdol, ku Tapaneth, ku Mempeth, ku kɔc nu piny de Pathroth.

Jeremia 46:10

Kënë ee kööl de Bɛ̈nydït Awärjäŋ, abï rɔt guöör ee köölë, ee köölë abï kɔc ke aterde luöi këtuc. Abïï abätäude ke cam abïï kuɛth, ku dek riɛmden abï thiäŋ. Ee köölë Awärjäŋ anäk kɔc ke aterde të lɔ rut, ë wɛ̈ɛ̈r ë Yuparat yɔu.

Jeremia 46:19

Kɔc ke Rip kiëëtkï röt ke we bïï jɔt ke we mac! Mempeth abïï looi ke ee jɔ̈ɔ̈r, të cï riääk cïn raan bï ceŋ thïn.

Jeremia 46:2

gɔl në Rip. Kën ë lueel kï në biäk de rem ë tɔŋ de Neko melik de Rip, wään bïï Nebukadnedhar melik ë Babilonia tiaam, në Karcemic tëthiääk ke wɛ̈ɛ̈r ë Yuparat, ë ruöön ë ŋuan ye Jeɣoyakim melik de Juda.

Edhekiɛl 21:28

“Mɛnh ë raan, Cäärë. Caalë kë cä lueel yɛn Bɛ̈nydït Awärjäŋ, lɛ̈kë kɔc ke Ammon ee Yithriɛl läät. lɛ̈kë keek an, ‘Abätäu acï coc ke bï riɔ̈ɔ̈k, acï gɔɔk ke bï näk, abï lɔ biliny cï wilëdeŋ.

Edhekiɛl 30:13

Aye Bɛ̈nydït Awärjäŋ lueel an, “Yɛn bï yiëth riɔ̈ɔ̈k ku nyaai yiëth alueth në Mempeth. Abï ciën wën melik bï Rip mac, ku yɛn bï kɔc riääc ëbɛ̈n ë Rip.

Ɣodh 9:6

Tiëŋkï keek alekkï Athiriya. Na cakkï poth në riääk thok, abïï Rip keek määt yiic, ku tɔ̈ɔ̈u keek në Mempeth! Atekken abï keek peec, ku pɛɛnykɛn ɣɔn cïk kɔn ceŋ yiic, abïk yiic cil në thil ku kuɔɔth.

Naɣum 2:13

Alueel ë Bɛ̈nydït de rɛm, an, “Tiëŋkï, Yɛn ee nɔm week. Abëëlkuön ke tɔŋ abä keek ɣɔ̈k mac, ku remduön ë tɔŋ abï keek nɔ̈k tɔŋ, ku acïn kë bä buɔ̈th week në ka wään ruömkï, ku kɔckuön wään yak tooc an bïk athölbɔ̈ bɛ̈n aa kut acïï ke bï bɛ piŋ röt.

Nyöŋ 32:42

Wiɛth ke dhɛ̈ŋkï abïk jol në riɛmden, ku abätäudï abï kɔc ë teer ë yɛn nɔ̈k ëbɛ̈n. Yɛn cïï raan ee ya yiɛ̈n tɔŋ bï pɔ̈l, ayï kɔc de gup bɔ̈ɔ̈t ku kɔc mac abïk thou.