Jeremia 46:12 - JAM DE NHIALIC 2011

¹² Juöör acïk ayärdu piŋ, dhiëndu acï piŋ ë raan ëbɛ̈n. Raan de tɔŋ ee löny ë raanë kɔ̈u, ku wïïkkï piny kedhie.

Jeremia 46:12 ပူးပေါင်းရင်းမြစ်များ

Yith 10:4

Wek bïï nɔ̈k tɔŋ ku nɔn thel week ke we mac. Cakaa yen ë tɔ̈u aya, agönh de Bɛ̈nydït abï ŋoot ke cïï thök, abï ŋoot ke nu ciin biic ke kɔɔr bï këtuc looi.

Yith 19:2

Aye Bɛ̈nydït lueel an, “Yɛn bï tɔŋ tɔ loi rɔt ë Rip, ku ta raan kekë mänhë thäär, ku raan ke raan thiëëk kek. Pänydït kekë pänydït, ku melik de ciɛɛŋ kekë melik de ciɛɛŋë abïk bääny tɛ̈ɛ̈r.

Yith 24:11

Kɔc adhiaukï në kuɛɛriic në biäk de ciɛ̈n mɔ̈u. Miɛtëpiɔ̈u ë jäl athɛɛr, ë määr ë piny nɔm.

Jeremia 14:2

an, “Juda adhiau, pɛ̈ɛ̈nydïtke arilkï wei. Kɔcke atɔ̈ukï piny ë jiɛthëpiɔ̈u, ku Jeruthalem adhiëëu kuɔɔny.

Jeremia 2:36

Wek cï weyiic tɔ piɔl në kë cä wek röt yal tëde yiëth ke juöör kɔ̈k. Wek bïï kɔc ke Rip riɔ̈ɔ̈k piɔ̈ɔ̈th, cït wään cïï kɔc ke Athiriya ye kɔn luöi week.

Jeremia 46:6

Kɔc ee riŋ aläl acïkï bï ban, ku rem ë tɔŋ acïkï bï poth. Abïk kɔ̈th ë kueer lɔ të lɔ rut ku wïïkkï ë wɛ̈ɛ̈r ë Yuparat yɔu.”

Jeremia 47:2

Ago lueel an, “Tïŋ! Pïïu athɔckï röt të lɔ rut, ku abïk bɛ̈n ke ke riŋ cït kiir de amool. Abïk piny kum nɔm ayïï kë tɔ̈u thïn ëbɛ̈n, pɛ̈ɛ̈nydït ayï kɔc ceŋ ëtɛ̈ɛ̈n. Kɔc abïk kuɔɔny kɔɔr, raan nu ë piny nɔm bɛ̈n abï dhiau arëët.

Jeremia 48:34

“Kɔc ke Ɣecbon ku Eliɛla adhiaukï, ku dhiënden abïï piŋ ë Jaɣadh tëmec, ku aduëërë piŋ ë kɔc ke Dhowar, ku piŋ ë Ɣoronaim ku Eglath Celicia. Ayï awuöl de Nimrim acï ril wei.

Jeremia 49:21

Të le Edom lɔ wïïk abï dɛ awuɔɔu dïït agök, ka piny nɔm ëbɛ̈n abïï niɛŋ, ku kiɛɛu de ka lëk kɔc abïï piŋ tëmec cït Wɛ̈ɛ̈r Thith.

Jeremia 50:46

Të lee ë Babilon löny, abï dɛ awuɔɔudït arëët, ka piny nɔm abïï lath nɔm ëbɛ̈n, ku awuɔɔu de lëk lëk ë kɔc abïï piŋ ë juöör kɔ̈k.”

Jeremia 51:54

Aye Bɛ̈nydït lueel an, “Piɛŋkï awuɔɔu de dhiëëu në Babilon, piɛŋkï awuɔɔu de dhuöör de riääk ë baai yic.

Naɣum 2:5

Ku bäny ke Ninebe aye ke kuaath tɔŋ, ku ayek kɔ̈th të le kek tɔŋ. Kɔc bïï tɔŋ acïk ɣëët ke ke bɛ̈k kal ë wut, ku loikï gëlgël ril.

Dhep 1:10

Go Bɛ̈nydït lueel an, “Wek bï kiɛɛu piŋ, ku lɔ röl ë kɔc dhiau në kal thoŋ cɔl Rɛ̈c ë Jeruthalem, ku piɛŋkï arɔ̈ɔ̈l ku gök de röl dïït cï määr ë kuriic wut biäk ë piɛc yïk.

1 Tham 5:12

Ku kɔc wën cï poth ë thuɔɔu thok acïï apeŋeŋ ke bɛ̈n dɔm, agokï kiɛɛu dït luɔc paan nhial bïï ke kony.