Jeremia 46:11 - JAM DE NHIALIC 2011

¹¹ Kɔc ke Rip lakkï Giliyad, ku kaarkï wal ë baam! Walkun kedhie acïk ciën naamden, acï kë bï yï tɔ waar.

Jeremia 46:11 ပူးပေါင်းရင်းမြစ်များ

Cäk 37:25

Na wën, aŋootkï ke ke cäm, ke ke go kɔc ke Yicmiɛl tïŋ abɔ̈ në thɔ̈rɔ̈lken. Ku thɔ̈rɔ̈lken aake ɣɛ̈ɛ̈c adök, ku wɛ̈ɛ̈l cɔl baam ku mer, aa leerkï keek paan ë Rip.

Cäk 43:11

Ago wuönden lɛ̈k keek an, “Na ee täude ka, ke we nöm kapiɛth cï luɔk pinydanë, ku yiɛ̈nkï keek bɛ̈ny ë Rip ke ye miɔ̈cde. Nɔ̈mkï këthiin ë baam, ku nɔ̈mkï kiëc thiinakäŋ, ku lɔ adök, ku mer, ku mïth miit ke tim cɔl pithaaciyo, ku almon.

Yith 47:1

Aye Bɛ̈nydït lueel an, “Babilon bäär piny në thöönydu nɔm, ku nyuc piny abuui yic ee tënë. Yïn aacï kɔn ciët nyan dhueny kën kɔn yök ke moc, pänydïït kënë kɔn peec, ku yïn cï kɔ̈c ku yïn cïï be ciët täu ɣɔn ril yïn! Yïn cï ya lïm ënɔɔnë!

Jeremia 14:17

Bɛ̈nydït acï yɛn yɔ̈ɔ̈k bä kɔc lɛ̈k jiɛthëpiɔ̈ndï, ku guɛɛr an: “Në ya wat nyin në pïïu aköl ku wakɔ̈u, në ya cïï kääc ë dhiëëu, në biäk cïï kɔckï yiëk gup bɔ̈ɔ̈tdït, ku acï ke gäm gup tëtöök.

Jeremia 31:21

Loi kït, ku nyoth kueer, be kueer ë jël yïn kɔɔr. Bäkkï ciëën kɔc ke Yithriɛl, bäkkï baai, bäkkï ë wuötkuön cäk nyääŋ piny yiic.

Jeremia 31:4

Ku wek bä bɛ nyɔk ë yïk. Ku wek bï göölkun bɛ nööm ku cäŋkï ë miɛtëpiɔ̈u.

Jeremia 51:8

Babilonia ë guɔ wïïk ëthiäu, ku acï riɔ̈ɔ̈k! Dhiëëukï Babilon! Lak käärkï tëtöökke wal ë baam, tɛk däŋ bïk dem.

Jeremia 8:22

Cïn wal ë baam nu ë Giliyad? Cïn akïm nu ëtɛ̈ɛ̈n? Ka eeŋö kën ë kɔckï tɔ waar?

Edhekiɛl 27:17

Juda kekë Yithriɛl ayek kakun ɣɔɔc në agamɔ, ku miök de olip, ku miök de kiëc, ku wal ŋïr.

Maika 1:9

“Në baŋ ye tëtök de Thamaria tëtök cie dem, ee tëtök ee thuɔɔu bɛ̈ɛ̈i, ku abï Juda cuööp. Abï ɣet ë Jeruthalem yic cil, wun ë kɔckï.

Naɣum 3:19

Tëtökdu acï yic dɛ apajic, ka acïn kë duëër ke kɔn bɛ tɔ dem taitai. Raan ëbɛ̈n, raan ë ye piŋ nɔn cï yïn wïïk, ee yecin biɔ̈ɔ̈k në miɛtëpiɔ̈u, në luɔi cïn en raan kën akuöörkuöördu thiëëp thok.

Math 5:26

Yïn yɔ̈ɔ̈k ë yic an, yïn cïï bï bɛ̈n bei ëtɛ̈ɛ̈n anandu, të ŋoot yïn ë yï kën käŋ cool, acïn milim töŋ dɔ̈ŋ.