Jeremia 45:3 - JAM DE NHIALIC 2011

³ Aye lueel an, ‘Amawoou, yɛn cï bäp! Bɛ̈nydït acï jiɛthëpiɔ̈n dït ŋuak në nuɛɛnkï yiic. Yɛn cï bäp wo dhiëndepiɔ̈u, acïn lɔ̈ŋ cä yök!’

Jeremia 45:3 ပူးပေါင်းရင်းမြစ်များ

Jop 23:2

“Aɣet cï ëköölë yɛn ŋoot ke ya jai ku ŋoot göönydï wo Nhialic, yɛn ee teer arɛɛm guööm ku acïï rɔt ee lëu.

Diɛt 120:5

Amawoou në yɛn, yɛn raan rɛ̈ɛ̈r ë Mecek ku ciët raan rɛ̈ɛ̈r ë kɔc ke Kedar yiic.

Diɛt 27:13

Aŋiɛc ë gɔk nɔn bän pïïr, aguɔ piath ë Bɛ̈nydït kɔn tïŋ, në ee pinyë nɔm.

Diɛt 42:7

Apiöŋduön de pïïu acï röt luööŋ në yanɔm, cït abäpdit cï göth, ku nɔn ee pïïu cï dhoŋ.

Diɛt 6:6

Yɛn cïï dhiën ë piɔ̈u tɔ bäp, biöŋdï ee ruu ke mɔɔl nɔm ë wɛ̈ɛ̈ric ëbɛ̈n në pïïu ke dhiëëu, ku kɔmdï ee wac në pïïu ke yanyin.

Diɛt 6:7

Yɛn cï nyin tuööp, ku buutë yanyin në dhiën cïï kɔc ke aterdï ya tɔ dhiau.

Diɛt 69:3

Yɛn cï bäp në cɔ̈t kaar en kuɔɔny, ka röldï arem. Nyïïnkï acïk tuööp, ke ya kɔɔr kuɔɔny tëde Nhialic.

Kɛ̈ŋ 24:10

Bäp de piɔ̈u në kööl ë nuɛɛn ee ciën riɛl nyuɔɔth.

Jeremia 45:2

an, “Acïï Bɛ̈nydït Nhialic de Yithriɛl lueel an, ‘Baruk,

Jeremia 8:18

Jiɛthëpiɔ̈ndï acï bï waar. Yɛn tɔ̈k piɔ̈u.

Jeremia 9:1

Aa ya nhiaar duëër nɔmdï aa yinh ë pïïu, ku jɔ nyïïnkï aa awɛɛŋ ke pïïu, aguɔ aa dhiau aköl ku wakɔ̈u në biäk de kɔckiën cï nɔ̈k.

Dhiëëu 1:13

“Acï mac tuööc paannhial, many ee bɛ̈n dɛ̈p ë yayic. Acï yɛn deep ë wïn de dɛ̈p ku bïï ɛn piny. Ku jɔ yɛn pɔ̈l ku nyiëŋ ɛn arɛɛm cie kɔ̈ɔ̈c.

Dhiëëu 1:22

“Guiir löŋden në biäk de karɛcken ëbɛ̈n, luöi ë keek këtuc cït man cï yïn yɛn luöi këtuc në biäk de karɛckï. Yɛn teer ë nuanic, ku yɛn tök piɔ̈u në jɔk.

Dhiëëu 3:32

Aduëër wook tɔ jeth piɔ̈ɔ̈th, ku abï piɔ̈u kok, në biäk de nhiëërdɛn agɔk nhiɛɛr En wook.

2 Kor 4:1

Yen ka, ënɔn de wo nïïm luɔiyë, acït man cï wo kokdepiɔ̈u yök, ke wo cie bäp.

2 Kor 4:16

Yen acïï wok ee bäp, ku na cäk jɔ tiaam en ë raandan nu biic, ke raandan nu thïn aye bɛ cool ë cuɛ̈ɛ̈cëye ë aköölnyïïn kedhie.

Galatai 6:9

Ku duku wopiɔ̈ɔ̈th tɔ bäp në luɔi de këpiɛth: wo bï tem ëkööl piɛth ë tëm, të kën wok bäp.

2 Theth 3:13

Ku week, wek mïthëkɔckuɔ, duökï ee bäp në luɔi de këpiɛth.