Jeremia 44:7 - JAM DE NHIALIC 2011

⁷ “Aguɔ jɔ lueel, Yɛn Bɛ̈nydït Nhialic de Yithriɛl, an, eeŋö ja wek röt luöi kërɛɛc cït ee kënë wapäc. Kaarkï bäk riääk yiɛ̈n röör ku diäär, ku mïth kor, ku mïth ë piacë dhiëëth, ago ciɛ̈n raanduön bï döŋ ë Juda?

Jeremia 44:7 ပူးပေါင်းရင်းမြစ်များ

Kɛ̈ŋ 1:18

Ku kɔc cït ee kɔckë adepkï röt kapäc në wïn ë dɛ̈p, ku abï wïn ë dɛ̈p keek nɔ̈k yiëthken.

Kɛ̈ŋ 15:32

Ee biɔ̈n ë rɔt yen ee raan jiëëm dhɔɔtic, ku nhiëër ë jäny ee yöŋ de käŋiic.

Kɛ̈ŋ 5:22

Awäny de raan ee kërac looi acït wïn ë dɛ̈p. Aye wïn ë dɛ̈p de karɛc yek looi keek dɔm.

Kɛ̈ŋ 8:36

Raan ëbɛ̈n raan kën ɛn kɔɔr abï rɔt yiëk buɔ̈t yetök, raan man ɛn, ka ee thuɔɔu yen ë nhiɛɛr.”

Jeremia 25:6

Acïk we yɔ̈ɔ̈k nɔn cä wek yiëth kɔ̈k bï lam ku luööikï keek, ku duökï Bɛ̈nydït bï tɔ göth në läm de yiëth cäk looi. Na ë we cï Bɛ̈nydït riëëu, adï kën we luöi këtuc.

Jeremia 25:7

Ku acï Bɛ̈nydït lueel guöp, nɔn cä wek këde rɛɛc piŋ. Acäk tɔ göth në yiëthkun ku bɛ̈ɛ̈ikï luɔi bïï ë këtucde looi ë wegup.

Jeremia 26:19

Kɔc ke Juda ku melik Ɣedhekia akënkï Maika bɛ̈n tɔ näk. Ɣedhekia acï Nhialic bɛ̈n riëëu, ku ye kɔɔr bïï tɔ mit piɔ̈u. Go Bɛ̈nydït yenɔm waar, në biäk ë riääk cï lueel an bï yiɛ̈n keek. Ënɔɔnë wok kɔɔr buk riääk bɛ̈ɛ̈i ë wogup.”

Jeremia 3:24

Ku läm de Baal yanh de guöp ayäär, acï thökkuɔ ku ɣɔ̈kkuɔ, ku wɛ̈ɛ̈tku ku duetkuɔ, ku këriëëcda ëbɛ̈n ka cïï kuarkuɔ looi thɛɛr tɔ mär.

Jeremia 38:17

Aguɔ lɛ̈k Dhedekia nɔn cïï Bɛ̈nydït Awärjäŋ, Nhialic de Yithriɛl ye lueel an, “Na lɔ rɔt lɔ gäm bäny ke rem de tɔŋ de melik de Babilonia, ke yïn bï pïïr, ku pänydïïtë acïï bï nyuɔp piny. Yïn wekë baaidu wedhie wek bï pïïr.”

Jeremia 42:20

wek bï awäny rac looi. Wek cï ya thiëëc bä Bɛ̈nydït Nhialicda lɔ̈ŋ në biäkdun, ku wek cï gutguut lueel nɔn bä wek kë cï lueel ëbɛ̈n looi.

Jeremia 44:14

Acïn raan töŋ de Juda cï döŋ cï lɔ Rip bïï lɔ ceŋ ëtɛ̈ɛ̈n bï ban ku nɔn bïï pïïr. Acïn raan töŋ bï rɔt pɔ̈k Juda ë keyiic, të kɔɔrkï bïk bɛ lɔ ceŋ thïn. Acïn raan töŋ bï rɔt puk, ee kɔc liaakäŋ cï kat tei.”

Jeremia 44:8

Eeŋö ya wek Yɛn tɔ göth, në läm ya wek yiëth lam, ku yak yiëth kɔ̈k nyuöp wal ŋïr ë Rip eenë, të cä wek bɛ̈n ceŋ thïn? Ë we loi ee kënë ke we bï we röt riɔ̈ɔ̈k, ago juöör ke piny nɔm ëbɛ̈n, week aa luööi në abiaan, ku yek rinkun tɔ ee kë de aciɛɛn?

Jeremia 51:22

kë bän röör ku diäär nɔ̈k, kë bän kɔcdït ku dhuök tɛm röt, kë bän mïthwät ku duet nɔ̈k,

Jeremia 7:19

Ku ee Yɛn yïkkï buɔ̈t ë yic? Ei, ee kek ayïk röt bɔ̈ɔ̈t kapäc, ku jɔkï ayäär bɛ̈ɛ̈i në kegup.

Jeremia 9:21

Thuɔɔu acï bɛ̈n thïn në awëërkuɔ nyïïn, ku le ë ɣöötkuɔn ke bääny yiic, acï mïth dhuɔŋ piny ë kuɛɛr yiic, ku dhoŋ dhuök piny ë ɣään ke ɣööc yiic.

Dhiëëu 2:11

Nyïïnkï acï ke but në dhiëëu, ku rem a piɔ̈u. Yɛn cï bäp wokë dhiënëpiɔ̈u në riääk cïï ë kɔckï riɔ̈ɔ̈k. Mïthkor ku mïththii ateteet ayek thɔ̈ɔ̈k në kuɛɛr ke pänydït yiic.

Dhiëëu 2:22

Yïn cï kɔc ke aterdï cɔɔl, cï kamaan bɔ̈ në dhuëëŋ de këcamic. Acïn raan cï bɛ̈n poth ee köölë, wën cï Yïn gɔ̈th. Acïk mïthkï nɔ̈k, mïthkiën cä muk ku nhiaarke.

Edhekiɛl 33:11

Lɛ̈kë keek, ee yic, ke ya ye Bɛ̈nydït Awärjäŋ, yɛn ee Nhialic pïïr, acä nhiaar bä kɔc de gup awɛ̈ɛ̈c tïŋ ke ke thou. Aya nhiaar bä raan bä ke tïŋ ke ke päl luɔidɛn de awɛ̈ɛ̈c ku pïïrkï. Baai de Yithriɛl jɔ luɔiduön de awɛ̈ɛ̈c ye looi pɔ̈l. Eeŋö kɔɔr yïn bä thou?

Edhekiɛl 9:6

Näkkï röördït, ku dhuök, ku diäär kor, ku märken ke mïth, ku mïth. Ku duökï raan de nɔm kït jak. Galkï thar eenë tëɣeric.” Agokï gɔl në bäny ë kääc ëtɛ̈ɛ̈n Luaŋdït.

Ɣabakuk 2:10

Ku kiɛɛr rɛɛcdun ë bɛ̈ikun yiɛ̈n yiic ayäär. Ku në biäk de juöör juëc cäk keek riɔ̈ɔ̈k, ee riääk yen acäk yiɛ̈n röt.

Kuɛ̈n 16:38

Acïk yiic ɣɛɛr të wën gëmë keek Bɛ̈nydït në yïk nɔm. Tɔ nöm abɔ̈c ke tool ke kɔc cï näk awänyden, ku thɔ̈ɔ̈th kek aduuk ke ye akum de yïk nɔm. Yen abï kɔc ke Yithriɛl jɔ aa jɔ̈ɔ̈ny ë ceŋ.

Nyöŋ 32:25

Ku tɔŋ abï thuɔɔu bɛ̈ɛ̈i në kuɛɛriic, ku riɔ̈ɔ̈c abï keek yuöp piny në ɣöötic. Dhuök ku duet abïk thou, ku acïn mɛnh koor ayï monydït bïï pɔ̈l.

Jocua 6:21

Agokï këriëëc jɔ nɔ̈k ëbɛ̈n wutic në abätɛ̈ɛ̈u, röör ku diäär, mïth ku kɔcdït, ɣɔ̈k ku thök, ku mul.

Bäny 21:11

ku näkkï röör ëbɛ̈n ku diäär cie dhueec.”

1 Tham 15:3

Lɔ ku makë kɔc ke Amalek, ku riäk këriëëcdɛn cath ke keek liŋliŋ. Cïn kë nyääŋë piny, näk röör ku diäär, ayï mïthdït ayï mïthkor, ayï ɣɔ̈k, ayï thök ayï thɔ̈rɔ̈ɔ̈l ku mul.”

1 Tham 22:19

Go thaulo kɔc ke Nop, wun de bäny ke kake Nhialic tɔ näk ayadäŋ, ku tɔ röör ku diäär ku mïthdït ku mïthkor, ku ɣɔ̈k, ku thɔ̈k, ku mul näk kedhie.