Jeremia 44:17 - JAM DE NHIALIC 2011

¹⁷ Ku wo bï këriëëc ëbɛ̈n looi, kë cuk lueel an buk looi. Wok bï wal ŋïr nyuöp tiiŋ melik de paannhial, ku abuk wäl nɔm mɔ̈u, cït man ɣɔn ye wok ye looi në kuarkuɔ, ku meliikuɔ ku bänykuɔ ë wuöt ke Juda yiic ku kuɛɛr ke Jeruthalem yiic. Wok cï nïïm dɛ kacaam juëc, ku kuethku, ku aa cïn nuan ë nu.

Jeremia 44:17 ပူးပေါင်းရင်းမြစ်များ

2 Mel 17:16

Acïk lööŋ ke Bɛ̈nydït Nhialicden dhoŋ kɔ̈ɔ̈th ëbɛ̈n, ku luikï röt yiëth ke daau kaarou bïk keek lam, ku loikï yanh tiiŋ cɔl Acera, ku yek kuɛl nhial lam ku luuikï Baal.

2 Mel 22:17

Acïk A rɛɛc ku gëmkï miɔ̈c de wal ŋïr yiëth kɔ̈k, kënë acï agönhdï jat nhial në biäk de këriëëc cïk looi ëbɛ̈n në kecin. Në biäk de ee kënë agönhdï abï dëp ee tënë, ku acïï bï liu.

2 Lëk 28:23

Go miɔ̈c näk gäm yiëth ke Thiriya wään cï yen tiaam ë tɔŋic. Ku lueel an, “Yiëth kë acïk melik de Athiriya kony, na cä keek näk, ka bïk yɛn dhil kony aya.” Kënë acï riäŋ dït bɛ̈n bɛ̈ɛ̈i ë yeguöp ku Yithriɛl ëbɛ̈n.

Neɣe 9:34

Kuarkuɔ, ku Meliikkuɔ, ku bänykuɔ, ku bänykuɔn ke kake Nhialic, akënkï lööŋku döt. Ku akënkï yöökduön cï Yïn ke yɔ̈ɔ̈k piŋ, ku jäny.

Diɛt 106:6

Wok cï wäc cït man ë kuarkuɔ, wok cï kërac looi ku ciɛthku në rɛ̈ɛ̈c yic.

Diɛt 12:4

“Wok ee ka kan kɔɔrku yök në jamdan yok lueel. Kë kɔɔrku abuk lueel, ku acïn raan duëër e pɛ̈n wook.”

Bɛ̈n 16:3

Ku luelkï an, “Aŋuɛ̈n na Bɛ̈nydït ë cï wo nɔ̈k ë Rip. Adï cuëtku në rïŋ, ku ciëmku në kuïïn cït kë kɔɔr ë piɔ̈nda. Ke we bïï wo bei në ee jɔ̈ɔ̈rë yic bäk amatnɔm ëbɛ̈n bɛ̈n nɔ̈k në cɔk.”

Yith 48:5

Ku Yɛn cï wadäŋdun caar ɣɔn thɛɛr, caal ka bï röt looi ke ke guɔ tuöl, pɛ̈n ɛn week kë bäk lueel an ee yiëthkun ku ka yak käär kek ë tɔ ke loi röt.

Jeremia 1:16

Yɛn bï kɔckï luöi këtuc në biäk cï kek awäc looi, acïk A nyääŋ piny, ku lek yiëth kɔ̈k gäm miɔ̈c de wal ŋïr, ku loikï yiëth ku lamkï keek.

Jeremia 11:12

Ëtɛ̈ɛ̈n kɔc ke Juda ku kɔc ke Jeruthalem abïk jɔ lɔ tëde yiëth yek nyuöp wal ŋïr, ku abïk jɔ dhiau ke ke kɔɔr kuɔɔny tëde keek. Ku acïï yiëthkë keek bï kony të le ë riääk bɛ̈n.

Jeremia 18:15

Ku kɔckï acïk nïïm määr ë yɛn, ayek wal ŋïr nyuöp yiëth. Acïk kɔ̈th në kueerdɛn duëër kek lɔ thïn, acïkï kuɛɛrkɛn thɛɛr be kuany yiic, aciɛthkï ë kueer kënë kuaar yic.

Jeremia 19:13

Ɣööt ke Jeruthalem, ku ɣööt ke meliik ke Juda, ku lɔ ɣööt kedhie, ɣööt ye ke wal ŋïr nyuöp kuɛl ë kenïïm, ku të cï mɔ̈u gam thïn ke ye miɔ̈c gɛ̈më yiëth, abïk yiic cuɔl kedhie cït Topeth.”

Jeremia 44:21

“Ku në biäk de wal ŋïr yak nyop, week në kuarkun, ku meliikkun, ku bänykun, ku kɔc ke pänydït, miɔ̈c ɣɔn gamkï keek ë pɛ̈ɛ̈nydït ke Juda yiic ku në kuɛɛr ke Jeruthalem yiic, cäkkï ŋic nɔn ŋic ë Nhialic keek?

Jeremia 44:25

Acïï Bɛ̈nydït de rɛm, Nhialic de Yithriɛl lueel an, “Week ku diëërkun, wek cï gutguut lɛ̈k tiiŋ melik de paannhial. Wek cï gutguut lueel, nɔn bä wek ye nyuöp wal ŋïr, ku wälkï nɔm miɔ̈c de mɔ̈u, ku wek cï gutguutdun döt. Apiɛth tei! Dötkï kuëëŋdun!

Jeremia 44:9

Cäk nïïm määr në karɛc wäänë kedhie, karɛc wään looi ë kuarkun keek në wuöt ke Juda yiic ku kuɛɛr ke Jeruthalem yiic, kak ë looi meliik ke Juda keek ë diëërken, ku kak ë luɔikï week ë diëërkun?

Jeremia 7:17

Cï kë yek looi ë pɛ̈ɛ̈nydït ke Juda ee tïŋ ayï kë loikï në Jeruthalem?

Jeremia 7:18

Mïth ayek tiim lɔ määt yiic, ku loi röör mac, ku jɔ diäär awac nuaai, bï kek kuïn cï pam luöi yanh tiiŋ cɔl Tiiŋ melik Nhial. Ayek miɔ̈c ye poor në mɔ̈u gäm yiëth kɔ̈k aya, në biäk bïï kek Ɛn yiëk buɔ̈t.

Edhekiɛl 20:32

Acäk tak ë wepiɔ̈ɔ̈th, nɔn kaar wek bäk ciët juöör kɔ̈k, ku bäk ciët dhiëën kɔ̈k rëër në juöör kɔ̈k yiic, ku bäk tiim ayï kur lam. Ku kënë acïï rɔt duëër looi.

Edhekiɛl 20:8

Ku acïk a rɛɛc, ku cïkï yɛn ee piŋ thok. Akënkï yiëth rackɛnkë cuat wei ku mɛ̈lkï në yiëth ke Rip. Yɛn aa cï rɔt guiir, bä ke tɔ yök agönhdiën tuc wään ë Rip.

Edhekiɛl 23:41

Ayek jɔ nyuc në thööc läk nïïm, ku ayek pam cï thiëth nɔm kapiɛth tääu ë kenïïm, ayï walkiën ŋïr, ku miök de olip cä gäm keek.

Edhekiɛl 8:16

Go yɛn lɛɛr ë kal de Luaŋdït yic thïn. Të thiääk ke tëɣeric, në kaam de yïk kekë kueer, të de yic röör kathiërrou ku dhïc. Acïk kekɔ̈ɔ̈th wel tëɣeric, ku acïk kenïïm guöt piny të lɔ aköl amiäk, ke ke lam akɔ̈l bɔ̈ thok.

Ɣabakuk 1:16

Na lë, ke ke jɔ boiken lam, ku nyupkï keek miɔ̈c ë wɛ̈ɛ̈l ŋïr, ku lueelkï an, “Kek ë boikë, ayek yiëth ee kek tɔ wo kueth.

Kuɛ̈n 30:12

Ku na cï wun ye pɛ̈n luɔi bï yen ë tääu në yeyeth, yen kë cï yen kuëëŋ, të wën piŋ yen en, acï bïï tɔ tɔ̈u në yeyeth. Abï Bɛ̈nydït päl awäc, në luɔi cïï wun ye pɛ̈n luɔi duëër ë ye tääu në yeyeth.

Kuɛ̈n 30:2

Të cï raan gutguut lueel an, de kë bï gäm Bɛ̈nydït, ku nɔn kuëëŋ në luɔi bï yen mɔ̈l në kë däŋ, ë cïï löŋdɛn cï lueel dhoŋ kɔ̈u, ku abï kë cï lueel ëbɛ̈n an bï looi, dhiil në luɔi.

Mak 6:26

Go melik piɔ̈u dhiau arëët, ku në baŋ de gutguut wën cï lueel, ku në baŋ de kamaan rɛ̈ɛ̈r në yen ëtök tën ee cam, ka cïn piɔ̈u luɔi bï en jai.

Nyöŋ 23:23

ku na cï gutguut lueel, abä them ëgɔk nɔn bï yïn en döt.

Pilipoi 3:19

këdɛn bïk yök rial ee riääk ëliŋliŋ, yäc en aye yanhden, ku dhuëëŋden ee yäär ee kek yäär, ayek kepiɔ̈ɔ̈th tuöm ka ke piny nɔm.

1 Pet 1:18

Në ŋïny ŋiɛc wek en an, acie ka duëër dhiap, cït ateek ku adhääp, kek ë wëërë we bei në täuduön ɣɔ̈ric cäk yök tëde kuarkun,

Bäny 11:36

Go bɛ̈ɛ̈r an, “Wäär yïn cï jamdu gäm Bɛ̈nydït, ka luöiyë yɛn cït man cï yïn ë lueel, ënɔɔnë Bɛ̈nydït acï yɛn tɔ tiam kɔc ke Ammon kɔc ke aterdu,