Jeremia 44:12 - JAM DE NHIALIC 2011

¹² Ku në biäk de kɔc ke Juda cï döŋ, ku acïk dhel nɔn bï kek lɔ ceŋ ë Rip, abä dhil kiëët nɔn bïï ë keek riɔ̈ɔ̈k kedhie. Abïk thou kedhie ë Rip, röördït, ku kɔc kor, abïk thou ë tɔŋ, ku nɔn ee cɔk. Kɔc abïk aa riɔ̈ɔ̈c në tïŋden, abï kɔc keek aa luööi në abiaan, ku tɔ rinken ee këde aciɛɛn.

Jeremia 44:12 ပူးပေါင်းရင်းမြစ်များ

Yith 1:28

Ku Yen abï raan ëbɛ̈n dhuɔŋ piny, raan lɔ Yen rɛɛc thok ku looi kë rac, abï raan cïï këde ee piŋ ëbɛ̈n nɔ̈k.

Yith 65:15

Kɔckiën cï lɔc abïk rinkun të ye kë ye kɔc cieen. Yɛn Bɛ̈nydït Awärjäŋ yïn bä tɔ thou. Ku gäm kɔckiën ee ya lam rin cï piac cak.

Jeremia 16:4

Abïk thou në jɔɔk tuc thook, ku acïn raan bï keek dhiëëu ku cïn raan tɔ̈ɔ̈u keek. Gupken abïk dhɔt piny cï tiɔɔm awäi cï kut nɔm piny. Abïï keek nɔ̈k ë abätäu ku thoukï në cɔk, ku gupken abïk aa këcam de diɛt ku läi roor.

Jeremia 18:16

Acïk ee pinyë tɔ ee këde riɔ̈ɔ̈c, bï biɔɔn guöp aɣet athɛɛr. Kɔc ee tɛ̈ɛ̈k eenë kedhie ayek gäi në kë cïk tïŋ, ayek kenïïm bet në gäidït.

Jeremia 24:9

Yɛn bï riääk dït bɛ̈ɛ̈i në kegup, ka juöör ke pinynɔm kedhie abïk riɔ̈ɔ̈c. Abïï kɔc ke biɔɔn gup, ku dɔl kɔc ke gup, ku bui keek gup, ku rinken abïï keek tɔ ee këde aciɛɛn në piny nɔm ëbɛ̈n, piny bän keek thiäi thïn.

Jeremia 26:6

Na lak ŋoot ke we cïn riëëu, ke Yɛn bï ee Luaŋdïïtë luöi kë cä luöi Cilo, ku juöör ke piny nɔm ëbɛ̈n abï rin ke ee pänydïïtë tɔ ee ye aciɛɛn looi.”

Jeremia 29:18

Abä keek cop cök ë tɔŋ, ku cɔk, ku jɔɔk, ku juöör ke piny nɔm kedhie abïk riɔ̈ɔ̈c në kë yek tïŋ. Të cän keek thiäi thïn ëbɛ̈n, kɔc abïk aa gäi ku riɔ̈ckï në kë cï tuöl tëde keek. Abïï kɔc ke biɔɔn gup ku tɔ rinken ee këde aciɛɛn.

Jeremia 29:22

Të ye kɔc wään cï jɔt ë Jeruthalem leerë ke Babilonia ke ke mac, të kɔɔr kek bïk raan cieen, abïk aa lueel an, ‘Nhialic abï yïn looi cï Dhedekia ku Aɣap, kɔc wään bïï ë melik de Babilonia ke nyok ke ke pïïr!’

Jeremia 42:1

Na wën ke bäny ke rem de tɔŋ kedhie, adekï yiic Joɣanan wën de Karia, ku Adharia wën de Ɣocaya, agokï bɛ̈n në kɔc kedhie röördït ku kɔc kor, acïk bɛ̈n ë yalɔ̈ɔ̈m.

Jeremia 42:22

Ka ënɔɔnë jakï kënë aa tak: Wek bï thou tɔŋ ku nɔn ee cɔk ku nɔn ee jɔk në piny kaarkï bä wek lɔ rëër thïnë.”

Jeremia 43:11

Nebukadnedhar abï bɛ̈n ku riëëk piny de Rip. Ku gɛm kɔc cï gäm thuɔɔu ë jɔk abïk lɔ thou, ku kɔc cï gäm pɛ̈c, abïï ke peec, ku kɔc cï gäm nääk, abïk ke nɔ̈k ë abätäu.

Jeremia 44:22

Yen ee köölë pinydun adhɔt ke cï riɔ̈ɔ̈k, ku acïn raan ceŋ en. Acï aa tëde riɔ̈ɔ̈c, ku ye kɔc lueel ke ya aciɛɛn, në luɔi cïï Bɛ̈nydït luɔiduön rac bï bɛ guum.

Ɣodh 4:6

Kɔckï abä keek riɔ̈ɔ̈k në biäk kuc kek Ɛn. Në baŋ cä wek ŋïnydï rɛɛc wek bäny ke kake Nhialic, wek cä keek jäi, ka wek cïï bï bɛ ya bänykiën ke kake Nhialic. Në luɔi cä wek nïïm määr në löŋ de Nhialicdun, Yɛn bï nɔm määr ayadäŋ në mïthkun.

Ɣodh 9:6

Tiëŋkï keek alekkï Athiriya. Na cakkï poth në riääk thok, abïï Rip keek määt yiic, ku tɔ̈ɔ̈u keek në Mempeth! Atekken abï keek peec, ku pɛɛnykɛn ɣɔn cïk kɔn ceŋ yiic, abïk yiic cil në thil ku kuɔɔth.

Dhek 8:13

Cït man cä wek kɔn aa kɔc ke aciɛɛn në juööriic baai de Juda wekë baai de Yithriɛl, wek bä bɛ kony ku ta we ye athiɛɛi. Riɛtkï wepiɔ̈ɔ̈th, duökï riɔ̈c.

Kuɛ̈n 5:27

Na tik ë cï tɔ̈c ke mony däŋ, abï pïïu en gäm arɛɛm dït, ku tɔ thum, ku acïn kë bï bɛ bɛ̈n bei në yeɣöi ku abï jɔ ee raan cï riääk në kɔckeniic.