Jeremia 44:10 - JAM DE NHIALIC 2011

¹⁰ Ku agut cï ee köölë wek kën röt kuɔɔr piny. Wek kën ya riëëu, ku wek kën rɛ̈ɛ̈r në wɛ̈ɛ̈t de lööŋkï yiic, lööŋ cä gäm week ë kuarkun.

Jeremia 44:10 ပူးပေါင်းရင်းမြစ်များ

1 Mel 21:29

“Kënë tïŋ luɔi cï Aɣap rɔt kuɔɔr piny në Yanɔm? Nɔn cï yen ee kënë looi Yɛn cïï riääk bï bɛ yiɛ̈n en në akööl ke pïïrde yic, Yɛn bï riääk bɛ̈ɛ̈i baai de Aɣap në akööl ke wɛ̈ɛ̈tke yiic.

2 Mel 22:19

ku në biäk cï yïn piɔ̈u dhiau, ku kuɔɔrë rɔt piny në Bɛ̈nydït nɔm, wën piŋ yïn luɔi bän kërac looi ee tënë, ku lɔ kɔc ceŋ ee tënë, an duëërkï a ɣään bï pɔ̈l, ɣään cï cieen, ku yïn ë lupɔɔku rɛtiic, ku dhiau në Ya nɔm, Yɛn ayadäŋ yïn cä piŋ röl.

2 Lëk 32:26

Na ɣɔn ciëën, ke Ɣedhekia kekë kɔc ke Jeruthalem acïk röt bɛ̈n kuɔɔr piny, go Bɛ̈nydït piɔ̈u kok ke keek, ku akën keek bɛ̈n luöi këtuc agut thon de Ɣedhekia cök.

2 Lëk 33:12

Na wën aa cï gum arëët, go rɔt kuɔɔr piny ku puk rɔt Bɛ̈nydït Nhialicde, ku lim bïï yen kony.

2 Lëk 33:19

Lɔ̈ŋ de melik ku luɔi cïï Nhialic ye puk nɔm, ku karɛc juëc cï keek looi ɣɔn ŋoot en ke kën yepiɔ̈u puk, ku ɣään ke läm de yiëth ku kïït ke yanh tik Acera cï looi, ku yiëth ye lam, acï ke gɔ̈ɔ̈r kedhie në awerek de kathɛɛr ke tït yiic.

2 Lëk 34:27

ka yïn cï yïpiɔ̈u puk ku kuɔɔrë rɔt piny ë yanɔm, ku rɛtë lupɔɔ ke yïnkɔ̈u yiic ku dhiau, të wën piŋ yïn luɔi cän ye lueel, nɔn bän Jeruthalem luöi këtuc kekë kɔcke. Yɛn cï lɔ̈ŋdu piŋ,

Diɛt 34:18

Bɛ̈nydït ee tɔ̈u tëthiɔ̈k kekë kɔc cï piɔ̈ɔ̈th dhuɔɔŋ, ee kɔc cï ciɛ̈n aŋäth kony.

Diɛt 51:17

Nhialic miɔ̈cdï ee kuur cän rɔt kuɔɔr piny, Yïn cïï raan cï rɔt kuɔɔr piny ku gɛm karɛcke ee rɛɛc.

Diɛt 78:10

Akënkï löŋ cïk mac në Nhialic döt, gokï löŋde kɛ̈n riëëu.

Bɛ̈n 10:3

Go Mothe lɔ tëde melik kekë Aron, ku lek lɛ̈k en an, “Acïï Bɛ̈nydït Nhialic de Ɣeberuu lueel an, ‘Bä jamdï jɔ rɛɛc piŋ agut cï nɛn? Tɔ kɔckï jäl lek A lam.

Bɛ̈n 9:17

Ke yï go yïnɔm ɣääc, ku pɛ̈në kɔckï jäl.

Bɛ̈n 9:30

Ku aŋiɛc nɔn ŋoot yïn ke yï cie riɔ̈ɔ̈c në Bɛ̈nydït Nhialic, wedhie wekë bänyku.”

Kɛ̈ŋ 14:16

Raan pelnɔm ee rɔt tiit ku mec rɔt wei në kërac, ku raan piɔl piɔ̈u acie diɛɛr ë riäŋ bï ye yök.

Kɛ̈ŋ 16:6

Bɛ̈nydït ee kɔc adööt ku kɔc piɛth piɔ̈ɔ̈th päl awɛ̈ɛ̈c. Ka ye Bɛ̈nydït riëëu ke cïn kërac bï yï yök.

Kɛ̈ŋ 28:14

Thieithieei në raan ee diɛɛr anande në luɔi de kërac, ku riɛl ë nɔm aye riääk kɔc lɔ̈ny.

Kɛ̈ŋ 8:13

Të dhuëëŋ yïn Bɛ̈nydït guöp, ke yï man kërac. Yɛn man ɣɛ̈ɛ̈c ë nɔm, ku leec ë rɔt, ku maan jam de yic lueth.

Yith 42:24

Eeŋa ë gëm kɔc ke Yithriɛl cuɛ̈ɛ̈r ee kɔc rum? Aa ye Bɛ̈nydït guöpde, raan cuk luöi awäc! Wok kën rëër në kueer köör wook bïï wok rëër ku rïïuku wëët cï gäm wook.

Yith 57:15

“Yɛn adït ku Ya Nhialic ɣeric, raan tɔ̈u aɣet athɛɛr. Yɛn rɛ̈ɛ̈r të thöny ku tëɣeric, ku Yɛn ee rɛ̈ɛ̈r aya wo kɔc cï röt kuɔɔr piny ku cïk kepiɔ̈ɔ̈th puk, aguɔ keek gäm aŋäthdï, ku riëtëpiɔ̈u.

Yith 66:2

Yɛn në guöpdï Yɛn aa cak pinynɔm! Yɛn mit piɔ̈u wo kɔc ee röt kuɔɔr piny ku gɛmkï awɛ̈ɛ̈cken, kɔc ee riɔ̈ɔ̈c në Yɛn ku yek ya riëëu.

Jeremia 10:7

Eeŋa cïï yïn duëër riëëu, yïn ee melik de juöör ëbɛ̈n? Yïn rɔ̈ŋ we riëëu. Acïn raan cït Yïn, në kɔc pelnïïm ke juöör ëbɛ̈n, ku nɔn ee meliikken yiic ëbɛ̈n.

Jeremia 26:4

Go ë Bɛ̈nydït lɛ̈k yɛn bä lɔ lɛ̈k kɔc an, “Acä lueel Yɛn Bɛ̈nydït ë biäk bä wek Yɛn riëëu, në luɔi bä wek wɛ̈ɛ̈t cä gäm week kuany yic,

Jeremia 32:23

Ku wään cï kek bɛ̈n ee pinyë ku nömkï, akënkï lööŋku bɛ̈n riëëu, ku akënkï rëër ë wëëtdu yic, acïn kë cïk looi në ka wään cï lɛ̈k keek yiic. Ago ee riääkkë ëbɛ̈n jɔ yiɛ̈n keek.

Jeremia 36:24

Ku melik ku bänyke akënkï bɛ̈n riɔ̈ɔ̈c wën piŋ kek ee jamë, ku akënkï luöi cï kek wäc nyuɔɔth aya.

Jeremia 44:23

Ku riääkkë aa bɔ̈ tëde week në biäk ya wek yiëth kɔ̈k nyuöp wal ŋïr, ku luöikï Bɛ̈nydït kërac, ku kɛ̈nkï lööŋke riëëu kedhie.”

Jeremia 5:3

Ee yic Bɛ̈nydït ee kɔc ee piɔ̈ɔ̈th adööt kɔɔr. Acï we luöi këtuc, ku akɛ̈nkï yök në wepiɔ̈ɔ̈th, acï we dum yiic, ku we kën wëët. Wek aake ril nïïm, ku wek cïï köör bäk röt puk në karɛckun yiic.

Jeremia 6:15

Ë ke ye gup yäär të wään ye kek karɛc cït ee kakë looi? Ei, acïkï gup ee yäär taitai, ku acïkï ŋic aya luöi duëër kek ye pɔ̈l. Ka keek abïk wïïk cït man cï kɔc kɔ̈k wïïk, wään luöi Yɛn keek këtuc, yen abï aa thökden. Acä lueel, Yɛn Bɛ̈nydït.”

Jeremia 8:12

Kɔckï, ë we kën gup riɔ̈ɔ̈c në biäk cä wek kake ayäär looi? Ei, wek kën gup riɔ̈ɔ̈c taitai, ku wek kuc luöi ye kɔc diɛɛr aya! Ka wek bï wïïk cït man cïï kɔc kɔ̈k wïïk, të lan week lɔ luöi këtuc, kënë yen abï aa thökdun. Acä lueel, Yɛn Bɛ̈nydït.

Edhekiɛl 9:4

“Lɔ caathë pänydït ë Jeruthalem yic ëbɛ̈n, ku ye raan cï yök ke nuan, ku jiɛth piɔ̈u në biäk de karɛc ku kanhiany ye kɔc keek looi ë pänydïtic, ye jak nɔm në kït.”

Malakai 4:2

Ku na week, wek kɔc ee rinkï riëëu, wek bä yiɛ̈n piathëpiɔ̈u ku rëër lɔ dïu cït man ye akɔ̈l thok bɛ̈n. Wek bï nïïm lääu, ku miɛtkï piɔ̈ɔ̈th cït man ë dɛɛu cï luöny bei kɛl.

Math 27:54

Na wën, ke bɛ̈ny de rem, kekë kɔc cath në yen, kɔc tit Yecu, të cï kek niɛŋ cï piny rɔt niɛŋ tïŋ, ku tïŋkï ka cï looi, agokï riɔ̈ɔ̈c arëët, ku luelkï an, “Ee yic, kënë ee Wën ë Nhialic!”

Luk 23:40

Go raan däŋ cï piäät kekë yen bɛ̈ɛ̈r, jiëëny an, “Cï ye cak riɔ̈ɔ̈c ë Nhialic, nɔn jiɛɛm yïn wuya, ke yïn cï këtuc manë yök aya?

Romai 11:20

Ee yicdu, në baŋ de reec de gäm yen a dhuŋë ke bei, ku yïn, yïn kääc në gäm. Du yïnɔm muk nhial, ye riɔ̈ɔ̈c tei.

1 Pet 5:6

Yen kuɔɔr wek röt piny ë Nhialic cin cin ril ëtör, ke bï we jat nhial ëkööldɛn piɛth.

Nyuuth 15:4

Eeŋa cïï duëër riɔ̈ɔ̈c ë yïn, ku cïï rinku e leec, yïn Bɛ̈nydït? Yïn yïtök yïn aɣeric. Juöör abïk bɛ̈n kedhie bïk bɛ̈n lam ë yïnɔm, në tïc cï luɔiduön piɛth guɔ tïc.”