Jeremia 43:2 - JAM DE NHIALIC 2011

² Go Adharia wën de Ɣocaya, ku Joɣanan wën de Karia, ku lɔ röör cïn piɔ̈ɔ̈th kedhie, gokï ya yɔ̈ɔ̈k an, “Yïn tör käŋ! Bɛ̈nydït Nhialicda akën yïn tooc bä bɛ̈n lɛ̈k wook an, duökï lɔ Rip ku bäk lɔ ceŋ ëtɛ̈ɛ̈n.

Jeremia 43:2 ပူးပေါင်းရင်းမြစ်များ

Cäk 19:14

Ago Lɔt lɔ tëde kɔc bï duɛtke thiaak, ku lëk keek an, “Jatkï röt ku dapkï jäl ë tënë, Bɛ̈nydït akɔɔr nɔn bï En ee wunë riɔ̈ɔ̈k.” Agokï yök cït man alɛɛŋ tei.

2 Lëk 36:13

Go Melik Dhedekia Melik Nebukadnedhar rɛɛc, raan cï ye dɔm ë riɛl bï kuëëŋ në rin ke Nhialic ago yen aa riëëu. Ago jai në riɛl ë nɔm ke cïï yepiɔ̈u puk ku cïï rɔt puk Bɛ̈nydït Nhialic de Yithriɛl.

Diɛt 119:21

Yïn ee kɔc ee röt lɛɛc jɔ̈ɔ̈ny, aciɛɛn abï nu ë kɔc cïï lööŋku ë riëëu yiëth.

Diɛt 12:3

Bɛ̈nydït, miɛɛmë liëp ee käŋ töör! Thiök thook ee kake lɛc lueel an,

Diɛt 123:4

Wok cï lɛ̈ɛ̈t ë kaam bäär yic në kɔc kueth ku dɔl wook gup në kɔc ee röt lɛɛc.

Bɛ̈n 5:2

Go melik puk nɔm an, “Bɛ̈nydït eeŋa, ka yɛn duëër jamde jɔ piŋ, ku ta kɔc ke Yithriɛl jäl? Yɛn kuc Bɛ̈nydït, ku kɔc ke Yithriɛl acä ke bï tɔ jäl.”

Bɛ̈n 9:17

Ke yï go yïnɔm ɣääc, ku pɛ̈në kɔckï jäl.

Kɛ̈ŋ 16:5

Raan ee rɔt lɛɛc ëbɛ̈n ee kërɛɛcdïït mɛɛn Bɛ̈nydït, ku acïï bï poth ke kënë luöi këtuc.

Kɛ̈ŋ 30:9

ku cä bï kuɛth abä nɔm määr në Yïn, ku na cä dak, ke yɛn duëër dhil kual ku ta rinku lɛ̈ɛ̈të.

Kɛ̈ŋ 8:13

Të dhuëëŋ yïn Bɛ̈nydït guöp, ke yï man kërac. Yɛn man ɣɛ̈ɛ̈c ë nɔm, ku leec ë rɔt, ku maan jam de yic lueth.

Yith 7:9

Yithriɛl acïï ril në Thamaria pänydɛn dït, ku Thamaria acïï ril në melik Peka wën ë Remalia. “Na cïï gämdun ee kɔ̈ɔ̈c ke wek cïï bï kɔ̈ɔ̈c.”

Yith 9:8

Bɛ̈nydït acï löŋ de ciɛɛŋ de Yithriɛl guiir, acï löŋ de käu de Jakop lueel.

Jeremia 13:15

Kɔc ke Yithriɛl! Acïï Bɛ̈nydït lueel. Kuɔɔrkï röt piny ku piɛŋkï kë lueel.

Jeremia 18:18

Go kɔc jɔ lueel an, “Loiku këdäŋ në biäk de Jeremia! Wok bï nïïm aa dɛ bäny de kake Nhialic bï wook aa wɛ̈ɛ̈t, kɔc pel nïïm bï wook aa wɛ̈ɛ̈t, ku tït bï wook aa lɛ̈k jam de Nhialic. Lok ciëku thok, ke wo bï kɔ̈ɔ̈c në pïŋ piŋ wok ka ye lueel.”

Jeremia 40:8

Go Yicmiɛl wën de Nethania, ku Joɣanan wën de Karia, ku Theraya wën de Tanɣumeth, ku wɛ̈ɛ̈t ke Epai raan de Netopa, ku Jedhania raan de Maaka, gokï lɔ në kɔcken tëde Gadalia ë Midhpa.

Jeremia 41:16

Go Joɣanan kekë bäny ke rɛm, kɔc cï Yicmiɛl ke jɔt në Midhpa ke ke mac wään cï yen Gadalia nɔ̈k nööm, rem de tɔŋ, ku diäär, ku mïth, ku rooc.

Jeremia 41:18

Aake riɔ̈c në kɔc ke Babilonia, në biäk cï Yicmiɛl wën de Nethania Gadalia nɔ̈k, raan cï melik de Babilonia tɔ ye bɛ̈ny mac baai.

Jeremia 42:1

Na wën ke bäny ke rem de tɔŋ kedhie, adekï yiic Joɣanan wën de Karia, ku Adharia wën de Ɣocaya, agokï bɛ̈n në kɔc kedhie röördït ku kɔc kor, acïk bɛ̈n ë yalɔ̈ɔ̈m.

Jeremia 42:20

wek bï awäny rac looi. Wek cï ya thiëëc bä Bɛ̈nydït Nhialicda lɔ̈ŋ në biäkdun, ku wek cï gutguut lueel nɔn bä wek kë cï lueel ëbɛ̈n looi.

Jeremia 42:5

Na wën ke lɛ̈kkï yɛn an, “Në Bɛ̈nydït bï aa yic ku ye cäätɔ adöt ë kaamda na cuku lööŋ kedhie lɔ riëëu, lööŋ bï Bɛ̈nydït ke gäm yïn ë biäkda.

Jeremia 43:1

Na wën aacï Jeremia jɔ thök ë jam ke kɔc kedhie, ku cï ke lɛ̈k wël ke Bɛ̈nydït Nhialicden kedhie, wël ë tooc ë Bɛ̈nydït Nhialicden Jeremia bï lɛ̈k keek.

Jeremia 44:16

“Wo cï jam cï lɛ̈k wook ë rin ke Bɛ̈nydït rɛɛc gam.

Jakop 4:6

Acie yen, ee dhuëëŋdepiɔ̈u ŋuak nyin. En a lueel en en an, “Nhialic ee kɔc ee röt tɔ dït ŋɛ̈ny, ku ye kɔc ee röt tɔ kor miɔɔc ë dhuëëŋdepiɔ̈u.”

1 Pet 5:5

Ku week aya, wek kɔc kor, yak ka ke röördït piŋ. Yeka, week wedhie, yak wethook piëëŋ abäk kuur aa wek röt kuɔɔr piny cieŋ cït man ë lupɔ: Nhialic ee kɔc ee röt tɔ dït ŋɛ̈ny, ku ye kɔc ee röt kuɔɔr piny gäm dhuëëŋdepiɔ̈u.