Jeremia 43:11 - JAM DE NHIALIC 2011

¹¹ Nebukadnedhar abï bɛ̈n ku riëëk piny de Rip. Ku gɛm kɔc cï gäm thuɔɔu ë jɔk abïk lɔ thou, ku kɔc cï gäm pɛ̈c, abïï ke peec, ku kɔc cï gäm nääk, abïk ke nɔ̈k ë abätäu.

Jeremia 43:11 ပူးပေါင်းရင်းမြစ်များ

Jop 20:29

Yen kë cïï Nhialic kiëët ka, bï kɔc ee karɛc looi aa yök ke ye ariöpden.

Jeremia 15:2

Të ye kek yïn thiëëc ee tënou duëër kek lɔ thïn, lëkë keek nɔn cän e lueel an: Kɔ̈k acï ke gäm thon de jɔɔk, yen të bï kek lɔ thïn ka! Kɔ̈k acï ke gäm thon de abätäu, yen të bï kek lɔ thïn ka! Kɔ̈k acï ke gäm thon de cɔk, yen të bï kek lɔ thïn ka! Kɔ̈k acï ke gäm pɛ̈c bï ë ke peec, yen të bï kek lɔ thïn ka!

Jeremia 25:15

Acï Bɛ̈nydït Nhialic de Yithriɛl Lueel an, “Kënë ee cum de mɔ̈u cä thiɔ̈ɔ̈ŋ në agönhdï. Yiɛ̈në juöör ëbɛ̈n, juöör tuɔɔc Yɛn yïn tënu kek, ku tɔ keek dëk në ye.

Jeremia 25:19

Kënë ee rin ke kɔc kedhie, kɔc bï dek ë cup: melik de Rip, ku bänyke ku wɛ̈ɛ̈t bänyken ku kɔc kedhie, ku kɔc matiic ee ye kuany cök, meliik ke piny de Udh kedhie, meliik ke Pilithiin kedhie, ke pɛ̈ɛ̈nydït ke Acekelon, ku Gadha, ku Ekeron, ku kɔc ke Acedɔd cï döŋ, kɔc ke Edom kedhie, ku Mowap, ku wɛ̈ɛ̈t ke Ammon, meliik ke Tayer kedhie ku Thidon, ku meliik ke piiny ke Wɛ̈ɛ̈rdïït ɣer lɔŋtui kedhie, pɛ̈ɛ̈nydït ke Didan, ku Tema, ku Budh, kɔc ee nhïmken tɛm acek kedhie, meliik ke Arabia kedhie ku meliik ke dhiëën cï liääp ee rëër ë jɔ̈ɔ̈ric, meliik ke Dhimri kedhie, ku Eelam kedhie, ku Media, meliik nu të lɔ rut kedhie, ka mec ku kathiɔ̈k, ke ke kuany kecök. Ku ciɛɛŋ ke pinynɔm ëbɛ̈n nu ë pinynɔm ëbɛ̈n. Ku raan bï dek në kecök ciëën ee melik de Babilon.

Jeremia 42:22

Ka ënɔɔnë jakï kënë aa tak: Wek bï thou tɔŋ ku nɔn ee cɔk ku nɔn ee jɔk në piny kaarkï bä wek lɔ rëër thïnë.”

Jeremia 44:12

Ku në biäk de kɔc ke Juda cï döŋ, ku acïk dhel nɔn bï kek lɔ ceŋ ë Rip, abä dhil kiëët nɔn bïï ë keek riɔ̈ɔ̈k kedhie. Abïk thou kedhie ë Rip, röördït, ku kɔc kor, abïk thou ë tɔŋ, ku nɔn ee cɔk. Kɔc abïk aa riɔ̈ɔ̈c në tïŋden, abï kɔc keek aa luööi në abiaan, ku tɔ rinken ee këde aciɛɛn.

Jeremia 44:13

Yɛn bï kɔc cëŋ ë Rip luöi këtuc, cït man cän Jeruthalem luöi këtuc, ë tɔŋ, ku cɔk ku jɔk.

Edhekiɛl 29:11

Acïn mɛnh ë raan ayï lɛ̈n bï tëëk ëtɛ̈ɛ̈n. Në run kathiërŋuan yiic acïn kë bï ceŋ ëtɛ̈ɛ̈n.

Edhekiɛl 5:12

Biäk töŋ de diäk ë kɔckun abï thou në jɔk ku cɔk ë pänydïtic, ku thou biäk däŋ de diäk në abätäu biic në pänydït thok, ku biäk töŋ de diäk ciëën abä thiäi piny në ɣään ke yom kedhie, ku cuɔp keek në abätäu.

Dhek 11:9

Na wën, ke lɛ̈k luny ë thök an, “Yɛn cïï bï bɛ aa tïndun. Tɔ kɔc thou thou. Tɔ kɔc bï riɔ̈ɔ̈k riäk. Ku kɔc cï döŋ abïk röt lɔ̈ɔ̈k riɔ̈ɔ̈k në röt kapäc.

Nyuuth 13:10

Raan ë kɔc peec tɔŋ, ka bï peec tɔŋ aya: ku raan ë kɔc nɔ̈k ë abätäu ke bï dhil nɔ̈k ë abätäu aya. Ruöt ee kɔc ɣerpiɔ̈ɔ̈th kepiɔ̈ɔ̈th ruut kï, ku gäm ee kek gam kï.”