Jeremia 42:11 - JAM DE NHIALIC 2011

¹¹ Jakkï riɔ̈ɔ̈c yak wek riɔ̈ɔ̈c në melik de Babilonia pɔ̈l. Yɛn tɔ̈u wo week, ku wek bä kony në riɛlde yic.

Jeremia 42:11 ပူးပေါင်းရင်းမြစ်များ

2 Mel 25:26

Ëtɛ̈ɛ̈n go kɔc ke Judai ëbɛ̈n, kɔc kueth ku kɔc kuanynyïïn në bäny ke rem de tɔŋ ëtök, ku rem de tɔŋ, gokï jäl ke ke lɔ Rip, në luɔi ë riɔ̈ɔ̈c kek në kɔc ke Babilon.

Diɛt 118:6

Bɛ̈nydït atɔ̈u kekë yɛn, ka yɛn cï bï riɔ̈ɔ̈c, eeŋö duëër ë raan luöi yɛn?

Diɛt 46:11

Bɛ̈nydït de rɛm atɔ̈u ke wook, Nhialic de Jakop Yen ee tëdan ë thiaan.

Diɛt 46:7

Bɛ̈nydït de rɛm atɔ̈u ke wook, Nhialic de Jakop ee tëdan ë thiaan.

Yith 41:10

Duökï riɔ̈c, Yɛn tɔ̈u wo week! Yɛn ee Nhialicdun, në cïn kë riääc wek! Wek bä ke tɔ ye kɔc ril ku kuɔny week, wek bä ke gël, ku kuɔny week.

Yith 43:2

Të tëëk yïn në pïïuwiic të thiäŋ, Yɛn bï tɔ̈u wo yïn, kadhal yïn acïkï yïn bï tiaam. Të tëëk yïn në macic, yïn cïï bï nyop, këril them yïn ëbɛ̈n acïn kë bïï luöi yïn.

Yith 43:5

Du riɔ̈c, Yɛn täu wo yïn! “Gɔl të lɔ aköl amiäk, ku të lɔ aköl athɛ̈i, Yɛn bï kɔcku dɔ̈k nïïm baai.

Jeremia 1:19

Ku ee köölë yïn bä gäm riɛl bï yïn ke lëu, yïn bï ciët pänydïït cï gël ë mën ë wëëth, ku ciëtë päny de maläŋ. Acïkï yïn bï tiaam, në biäk bä Yɛn tɔ̈u wo yïn ke yï gɛ̈l. Acä lueel, Yɛn Bɛ̈nydït.”

Jeremia 1:8

Du riɔ̈c në keek, Yɛn bï tɔ̈u wo yïn ke yï gɛ̈l. Acä lueel Yɛn Bɛ̈nydït!”

Jeremia 15:20

Yïn bä tɔ cït kal de maläŋ ril të de keek. Abïk thɔ̈ɔ̈r ë yïn, ku acïkï yïn bï tiam, Yɛn bï tɔ̈u wo yïn, ku gɛ̈l yïn ku muɔ̈k yïn aril.

Jeremia 27:11

Ku jur ëbɛ̈n jur lɔ ciɛɛŋ de melik de Babilonia lɔ gam ku le luööi, abä tɔ rëër pinyde, ku bïï aa com, ku rëër ëtɛ̈ɛ̈n. Acä lueel, Yɛn Bɛ̈nydït.”

Jeremia 27:12

Yɛn cï ee këmanë lɛ̈k Dhedekia melik de Juda an, “Gämë rɔt melik de Babilonia. Luööiyë, ku luööiyë kɔcke, ku yïn bï pïïr.

Jeremia 27:17

Duökï jamden piŋ! Luööikï melik de Babilonia ku we bï pïïr! Eeŋö duëër ee pänydït tɔ ee dhuur nɔm?

Jeremia 41:18

Aake riɔ̈c në kɔc ke Babilonia, në biäk cï Yicmiɛl wën de Nethania Gadalia nɔ̈k, raan cï melik de Babilonia tɔ ye bɛ̈ny mac baai.

Kuɛ̈n 14:9

Duökï göth në Bɛ̈nydït, ku duökï riɔ̈c në kɔc cieŋ piny. Abuk keek rum ëthiäu, Bɛ̈nydït atɔ̈u ke wook, ku ë yiëth tiaam, yiëth wään ee keek kuɔny. Ka week duökï riɔ̈c.

Math 10:28

Ku duökï ë riɔ̈ɔ̈c ë kɔc näk raan guöp tei, ku cïkï wëi ke raan lëu ë näk, aŋuän luɔi bä wek aa riɔ̈ɔ̈c në Raan ë wëi ke raan lëu ë näk ayï raan guöp aya ë giɛna yic.

Math 28:20

ku yak keek wɛ̈ɛ̈t, bïk käŋ aa döt kedhie ka cä thɔ̈n week, ku ya kï, yɛn ee cool ë tɔ̈u wo week ë aköölnyïïn kedhie, aɣët thök bï piny thök. Amiin.

Luɔi 18:10

yɛn cath wo yïn, ku acïn raan bï rɔt yiëk ater ke yïn, bï yï nɔ̈k, yɛn de kɔc juëc ë pänydïïtëyic.”

Romai 8:31

Buk ŋö jɔ lueel në këde kake? Të mɛtë Nhialic ke wook, ke eeŋa bï dɛ ater ke wook?

Nyöŋ 20:4

Bɛ̈nydït Nhialicdun alɔ ke week, ku abï week tɔ tiëm.’

2Tim 4:17

Ku Bɛ̈nydït yen aa kääc ë yalɔ̈ɔ̈m, ago a tɔ ril piɔ̈u, luɔi bï jam thök ë guiëër ë yathok, ago Juöör piŋ ëbɛ̈n: ku yɛn cï luäk bei ë köör thok.

Jocua 1:5

Acïn raan lëu bï yï gël nɔm në pïïrdu yic ëbɛ̈n. Yɛn bï tɔ̈u wo yïn, cït man wään täu Ɛn wokë Mothe. Ku yïn cä bï pɔ̈l, ku cä yï bï nyääŋ piny.

Jocua 1:9

Yïn cä yɔ̈ɔ̈k an rit yïpiɔ̈u, ku tɔ rɔt ril. Du rɔt tɔ riëëcë, ku du rɔt pɛ̈l wei, Bɛ̈nydït Nhialic abï tɔ̈u ke yïn alɔ të le yïn thïn.