Jeremia 40:15 - JAM DE NHIALIC 2011

¹⁵ Na wën ke lëk ë Joɣanan yen tëden kapäc an, “Tɔ yɛn lɔ bä Yicmiɛl lɔ nɔ̈k, ku acïn raan bï raan ë näk en ŋic. Eeŋö duëërë yen pɔ̈l anäk yïn? Kënë aduëër kɔc ke Judai cï kenïïm kut ë yïlɔ̈ɔ̈m tɔ thiäi, ku abï riääkdït yiɛ̈n kɔc kedhie kɔc lik cï döŋ ë Juda.”

Jeremia 40:15 ပူးပေါင်းရင်းမြစ်များ

2 Tham 18:3

Go kɔc bɛ̈ɛ̈r an, “Yïn cïï bï lɔ we wook! Acïn këde kɔc ke ater yic thïn, na lɔ kɔc kɔ̈k kat ë woyiic, ku cakaa biäk tök yen ë näk ë woyiic, ku yïn wär aguum kathiëër ke rem de tɔŋ. Abï piath na lɔ döŋ wutic, ku ye wook yiɛ̈n kuɔɔny.”

2 Tham 21:17

Go Abicai wën ë Dheruia Debid kony ku nɛ̈k raan de Pilithiin. Na wën ke kɔc ke Debid ë ke kuëëŋ ë yenɔm nɔn cïï yen bï bɛ lɔ tɔŋ ke keek ë kööl däŋ, luelkï an, “Yïn ee aŋäth de Yithriɛl, ku wok cïn piɔ̈ɔ̈th luɔi bïï ë yïn nɔ̈k.”

Jop 31:31

ku na kën kɔc ke baaidï e lueel an, eeŋa kën kɔn kuɛth në kuïn eenë?

Jeremia 40:8

Go Yicmiɛl wën de Nethania, ku Joɣanan wën de Karia, ku Theraya wën de Tanɣumeth, ku wɛ̈ɛ̈t ke Epai raan de Netopa, ku Jedhania raan de Maaka, gokï lɔ në kɔcken tëde Gadalia ë Midhpa.

Jeremia 42:2

Agokï lɛ̈k tiët Jeremia an, “Loi kë lɛ̈kku yïn! Läŋ Bɛ̈nydït Nhialicda ë biäkda. Läŋë ë biäkda wodhie, wok kɔc cï poth. Ɣɔn thɛɛr wok juëc, ku ënɔɔnë, wok cï döŋ ke wo lik cït man woi yïn en.

Jɔn 11:50

Ku cäkï thɔ̈ɔ̈ŋ ë wepiɔ̈ɔ̈th nɔn piɛth en tëde wook, të thouwë raan tök ë nyin ë kɔc yiic, go jurda cuö riääk ëbɛ̈n.”

1 Tham 24:4

Gokï lɛ̈k en, an, “Kënë ee miɛtë guöpdu. Acïï Bɛ̈nydït lɛ̈k yïn, nɔn bïï Yen kɔc ke aterdu tääu në yïcin, ku aduëërë luöi këduön kɔɔr bä luöi en.” Go Debid mol ke lɔ të nu Thaulo ku teem lupɔ de Thaulo thok ke kuc Thaulo.

1 Tham 26:8

Go Abicai lɛ̈k Debid an, “Nhialic acï kɔc ke aterdu tääu në yïcin ee köölë, ka ënɔɔnë tɔ thäär piny në tɔŋ tök, ku acä duëër thɔ̈ɔ̈r raanrou!”