Jeremia 4:8 - JAM DE NHIALIC 2011

⁸ Ka tääukï lupɔɔ ke cual në we kɔ̈ɔ̈th, ku dhiaukï, ku dhuöörkï, në biäk kën agönh tuc de Bɛ̈nydït thök, akën rɔt yal wei në Juda.

Jeremia 4:8 ပူးပေါင်းရင်းမြစ်များ

Diɛt 78:49

Acï keek yiɛ̈n gökdïït de riääk, wën wɛ̈l en agönhde në ŋeeny dït aläl, ŋeenydɛn ë bɔ̈ cït tuny de thuɔɔu.

Yith 10:4

Wek bïï nɔ̈k tɔŋ ku nɔn thel week ke we mac. Cakaa yen ë tɔ̈u aya, agönh de Bɛ̈nydït abï ŋoot ke cïï thök, abï ŋoot ke nu ciin biic ke kɔɔr bï këtuc looi.

Yith 13:6

Arɔ̈ɔ̈l në arɛɛm! Kööl ë Bɛ̈nydït ë thiɔ̈k, kööl bï Nhialic Awärjäŋ riääk bɛ̈ɛ̈i.

Yith 22:12

Bɛ̈nydït Awärjäŋ aa cɔl week bäk bɛ̈n dhiau ku dhuöörkï, ku mɔ̈tkï wenïïm në dhiënë piɔ̈u ku cieŋkï lupɔɔ ke cuɔl.

Yith 32:11

Wek aa cïn kë dhäl tëde week, ku cäkkï ee diɛɛr, ku ënɔɔnë takï röt lɛthë në riɔ̈ɔ̈c! Yɔ̈ɔ̈tkï lupɔɔ bei ë wekɔ̈ɔ̈th, ku duötkï we yiic anuɛɛr.

Yith 5:25

Bɛ̈nydït agöth ke kɔcke, ku ë Yecin jɔ̈t keek bï ke luöi këtuc, kur abï ke lath, ku gup ke kɔc cï thou abïï ke nyääŋ piny në kuɛɛriic ëbɛ̈n cït man ë nuöön. Cakaa yen ë tɔ̈u aya, agönh de Bɛ̈nydït abï ŋoot ke cïï thök, abï ŋoot ke nu ciin biic ke kɔɔr bï këtuc looi.

Yith 9:12

Kɔc ke Thiriya të lɔ aköl amiäk ku Pilithiin të lɔ aköl athɛ̈i, acïk kethook ŋaam bïk Yithriɛl cuääl. Ku kënë aŋoot ke kën agönh ë Bɛ̈nydït tɔ thök, aŋoot ke nu ciin biic ke kɔɔr bï këtuc looi.

Yith 9:17

Në biäk de ee kënë Bɛ̈nydït acïï wɛ̈ɛ̈t dhuökken bï tɔ poth, ku acïn kokdepiɔ̈u bïï nyuöth mïthkɛn abɛɛr ku diëër abɛɛr, në biäk cïï kɔc kedhie Nhialic kuc ku yek karɛc looi, raan ëbɛ̈n ee jamde pialëpiɔ̈u bɛ̈ɛ̈i bei në yethok. Cakaa yen ë tɔ̈u aya, agönh de Bɛ̈nydït abï ŋoot ke cïï thök, ku ciinde abï ŋoot ke nu biic ke kɔɔr bï këtuc looi.

Yith 9:21

Kɔc ke Manatha ku kɔc ke Eparaim abïk röt mak piɔ̈tkï, ku bekï mat ëtök ku mɛkkï Juda. Ku ŋoot agönh ë Bɛ̈nydït ke cïï thök, aŋoot ke nu ciin biic ke kɔɔr bï këtuc looi.

Jeremia 25:34

Dhiaukï, wek bäny, wek kɔc ee kɔc tiit, dhiaukï arëët! Dhiaukï ku dalkï ë abuui yic. Akööl bï ë week tɛm röt acïk bɛ̈n, ku wek bïï tɛm röt cï nyök ke amääl.

Jeremia 30:24

Agönh tuc de Bɛ̈nydït acï rɔt bï puk, ke kën këdɛn kɔɔr bïï looi looi. Ku kënë abäk yökic në akööl ciëën bï bɛ̈n.

Jeremia 48:20

Abïk bɛ̈ɛ̈r an, ‘Mowap acï wïïk, dhiëëukï, ee këde ayäär. Caalkï në kiir de Arnon yɔu nɔn cïï ë Mowap riɔ̈ɔ̈k!’

Jeremia 6:26

Aye Bɛ̈nydït lueel an, “Tääukï lupɔɔ ke cual ku daalkï röt në ŋethic. Dhiaukï në jiɛthëpiɔ̈u cït man ee raan wëndɛn tök dhiëëu, në biäk bïï raan riäk week we mak ëthiäu.

Dhiëëu 1:12

Ku ye kɔc tɛ̈k kueer ëbɛ̈n yöök an, “Tïŋ ɛn! Acïn raan cï arɛɛm kɔn yök cït man ë yɛn. Arɛɛm ë yïïn ë Bɛ̈nydït yɛn në akööl ke agönhde.

Edhekiɛl 21:12

Dhiau mɛnh ë raan, yen abätäuwë aa luiyë kɔc ku në biäk de bäny ke Yithriɛl. Abï keek lɔ nɔ̈k, në kɔckiën kɔ̈kë kedhie. Biäkï weɣɔ̈ɔ̈m në jiɛthëpiɔ̈u!

Edhekiɛl 30:2

“Mɛnh ë raan, cäärë ku caalë kë cä lueel, yɛn Bɛ̈nydït Awärjäŋ, aluɛɛl an, Yïn bï ee wëlkë aa wuoou: Kööl de riɔ̈ɔ̈cdït abɔ̈!

Jowɛl 1:13

Dhiaukï, wek bäny ke kake Nhialic, ku jiɛthkï piɔ̈ɔ̈th, wek bäny ee luui në yïk kɔ̈u. Niɛnkï ke we kïïu, wek kɔc ee Nhialicdï luööi. Në luɔi cïï miɔ̈c ë rap, ku miɔ̈c ye dek tɛɛm wei ɣön ë Nhialicdun.

Amoth 8:10

Aköölkuön ke dhuëëŋ abä ke puk abïk ya akööl ke dhiëëu, ku pɔ̈k aköölkuön ke diɛt ke miɛtëpiɔ̈u, ke ke ye akööl ke diɛt ke jiɛthëpiɔ̈u ke tuaar. Wek bä tɔ mut wenïïm, ku ciɛŋkï lupɔɔ ke cual, ka wek bï ciët wun meth kekë man meth dhiëëu wëndɛn tök. Ku yen ee köölë abï thök ke kec.

Maika 1:16

Muɔ̈tkï wenïïm, dhiëëukï mïth nhiaarkï. Lɛnykï wenïïm abäk ciët anyigoon, në biäk bïï ë mïthkun lɛɛr piny lei.

Kuɛ̈n 25:4

Go Bɛ̈nydït lɛ̈k Mothe an, “Math bäny ke Yithriɛl nïïm kedhie, ku nɛ̈k keek aköl në yanɔm, ku päl keek adhɔt piny ëtɛ̈ɛ̈n, ke agönhdï abï thök wokë kɔc ke Yithriɛl.