Jeremia 4:7 - JAM DE NHIALIC 2011

⁷ Acït köör bɔ̈ biic tëdɛn ë thiaan, kën ee juöör riɔ̈ɔ̈k acï bɛ̈n bei. Abï Juda bɛ̈n riɔ̈ɔ̈k. Pɛ̈ɛ̈nydït ke Juda abïï keek nyääŋ piny ke ke cï riääk, ku acïn raan bï ke cieŋ.

Jeremia 4:7 ပူးပေါင်းရင်းမြစ်များ

2 Mel 24:1

Në akööl ke Jeɣoyakim, go Nebukadnedhar melik de Babilonia Juda mak, go Jeɣoyakim tɔ ye raan ee ye luööi në run kadiäk, ku jɔ bɛ rɛɛc thok.

2 Mel 25:1

Ku në ruöön ɣɔn ye Dhedekia run dhoŋuan ke ye melik de Juda, në kööl ë thiëër, në pɛɛi ë thiëër, yen aa bïï Nebukadnedhar melik de Babilon kekë remdɛn ë tɔŋ ëbɛ̈n, bïï ku took Jeruthalem. Gokï piɔ̈ɔ̈t ë pänydït kɔ̈u, ku wilkï kal në thɔc abï nɔm ɣet nhial,

Yith 1:7

Wundun acï riɔ̈ɔ̈k ku pɛ̈ɛ̈nydïtkun acï ke nyuɔp piny në mac. Në we nyïïn ka wek lɔ ke we woi kɔc lei ke ke nöm pinydun ku riäkkï këriëëc ëbɛ̈n.

Yith 5:9

Yɛn cï Bɛ̈nydït de rɛm piŋ ke lueel an, “Ɣön dït läk ëbɛ̈n abïk yiic ciën kɔc, ku abïk dhɔt piny ke ke cï riääk.

Yith 6:11

Na wën ke lɛ̈k ɛn an, “Agut cï nɛn Bɛ̈nydït, yen bï ee kënë tɔ̈u aya?” Go bɛ̈ɛ̈r an, “Agut të bïï pɛ̈ɛ̈nydït riɔ̈ɔ̈k ku cïn raan dɔ̈ŋ thïn, ku cïn raan rɛ̈ɛ̈r ë ɣööt yiic, ku riääk piny ku päl piny.

Jeremia 2:15

Ayek yiic ŋun në biäkde cït kɔ̈ɔ̈r, acïk pinyde tɔ ye jɔ̈ɔ̈r, ku cï pɛ̈ɛ̈nydïtke nyääŋ piny në riääkic ëbɛ̈n.

Jeremia 22:6

“Ɣön ë bääny ë Juda aläk cï piny de Giliyad, ku lɛ̈k cï kur ke Lebanɔn të de Yɛn, ku abä tɔ ee jɔ̈ɔ̈r, të cïn raan bï ceŋ thïn.

Jeremia 22:7

Yɛn tooc kɔc bï ye lɔ riɔ̈ɔ̈k. Abïk yëëpken bɛ̈ɛ̈i kedhie, ku yepkï waikɛn bɛ̈ɛ̈r ke tiim ke thidar piny, ku cuɛtkï keek ë macic.

Jeremia 25:38

Bɛ̈nydït acï kɔcke nyääŋ piny cït man ë köör cï köŋde nyääŋ piny. Riɔ̈ɔ̈cdïït de tɔŋ ku agönh tuc de Bɛ̈nydït acï wut puk ke ee jɔ̈ɔ̈r.

Jeremia 25:9

‘Yɛn bï dhiëën nu të lɔ rut kedhie tuöc, ku tuöc raan ee ya luööi, Nebukadnedhar melik de Babilonia. Abä keek lɔ bɛ̈ɛ̈i bïk tɔŋ yiɛ̈n Juda ku kɔc ceŋ en, ku yïn tɔŋ juöör thiääk ë yen. Yɛn bï ë jurë riääk kekë juöör thiääk ë yen, ku nyääŋ keek ë riääkic aɣet athɛɛr, ee kërɛɛc de gäi në tïŋ. Acä lueel, Yɛn Bɛ̈nydït.

Jeremia 26:9

Eeŋö lueel yïn en, në rin ke Bɛ̈nydït nɔn bï ee Luaŋdïïtë ciët Cilo, ku nɔn bïï ë pänydïïtë riɔ̈ɔ̈k, ku cïn raan bï rëër thïn?” Go kɔc kenïïm kut ë yalɔ̈ɔ̈m.

Jeremia 27:8

“Ku na de jur ku nɔn ee ciɛɛŋ cïï Nebukadnedhar bï aa luööi, Yɛn bï ee jurë kuum në tɔŋ, ku cɔk, ku jɔɔk agut të bän yen tɔ riɔ̈ɔ̈k ë Nebukadnedhar taitai.

Jeremia 33:10

Go Bɛ̈nydït lueel an, “Aye kɔc lueel an tënë acït jɔ̈ɔ̈ric, an acïn kɔc ayï läi rɛ̈ɛ̈r thïn. Ku këden ee yic, wuöt ke Juda ku kuɛɛr ke Jeruthalem acïnkï yiic kɔc, acïn kɔc ayï läi rɛ̈ɛ̈r thïn. Ku në ee ɣäänkë yiic yïn bï

Jeremia 34:22

Abä ke yɔ̈ɔ̈k ka abïk kenïïm pɔ̈k ee pänydïïtë. Abïk mak ku abïk peec, ku nyopkï piny. Yɛn bï wuöt ke Juda tɔ cït jɔ̈ɔ̈ric të cïn raan ee ceŋ thïn. Acä lueel, Yɛn Bɛ̈nydït.”

Jeremia 4:29

Në awuööu de kɔc ke jöŋgöör, ku kɔc ke dhɛ̈ŋ raan ëbɛ̈n abï kat. Kɔc kɔ̈k abïk kenïïm cɔ̈k roor, ku kɔc kɔ̈k abïk lɔ ë kur nïïm. Wuöt ëbɛ̈n abïk döŋ ke ke cïn yiic kɔc, ku acïn raan bï ke bɛ cieŋ.

Jeremia 44:2

An acïï Bɛ̈nydït de rɛm, Nhialic de Yithriɛl Lueel an, “Wek cï riääk cï yiɛ̈n Jeruthalem kekë pɛ̈ɛ̈nydït kɔ̈k ke Juda kedhie tïŋ ë we nyïïn. Cakaa ënɔɔnë aŋootkï ke ke cï riääk, ku acïn raan ceŋ keek,

Jeremia 46:18

Yɛn Bɛ̈nydït de rɛm, Yɛn ee melik. Yɛn ee Nhialic Pïïr. Cït man bɛ̈ɛ̈r ë kuur ë Tabor ë kur nïïm, ku kääc kuur ë Karmel ke bäär ë wɛ̈ɛ̈r yɔu, yen abï ciët riɛl de raan bï we mak.

Jeremia 49:19

Yɛn bï bɛ̈n cït man ë köör bɔ̈ bei në tiim lɔ thïk në Jordan yɔu, ke bɔ̈ në wal tɔ̈c yiic, ku ta kɔc ke Edom tɔ kɔt ëthiäu pinyden. Ku bɛ̈ny bä lɔc abï jur jɔ ceŋ. Eeŋa duëër ë thɔ̈ɔ̈ŋ ke yɛn? Eeŋa duëër Yɛn guääk? Ee bɛ̈ny ŋa duëër teer ke Yɛn?

Jeremia 5:6

Në biäk de ee kënë yen abïï köör roor keek nɔ̈k, abïï aŋuööth ke jɔ̈ɔ̈ric keek riɔ̈ɔ̈k, ku kuac abï aa cath ë pɛ̈ɛ̈nydïtken yiic. Të lee ee kɔckë lɔ biic, abïï keek rɛt yiic, në biäk juëc awɛ̈ɛ̈cken, ku ayek cool ke ke jäl ë Nhialic lɔ̈ɔ̈m.

Jeremia 50:17

Aye Bɛ̈nydït lueel an, “Kɔc ke Yithriɛl acïtkï amɛ̈l cïï ë köör ke cop ku thiɛ̈i ke wei. Wään tueŋ, acï melik de Athiriya keek mak, ku be Nebukadnedhar melik de Babilonia yomken reem.

Jeremia 50:44

“Yɛn Bɛ̈nydït Awärjäŋ, Yɛn bï bɛ̈n ku ta kɔc ke Babilonia tɔ kɔt ëthiäu në pɛ̈ɛ̈nydïtken yiic, cït man ë köör bɔ̈ bei ë roor lɔ dïu ë Jordan yɔu, köör lɔ piny de yic wal tɔ̈c. Ku bɛ̈ny bä lɔc abï jur kuum. Eeŋa bïï thɔ̈ɔ̈ŋ ke Yɛn? Eeŋa duëër Yɛn guääk? Ee bɛ̈ny cɔl ŋa duëër teer ke Yɛn?

Jeremia 8:16

Kɔc ka aterda acïk guɔ ɣëët pänydïït ë Dan, wok ee ë jöŋgöörken piŋ atïïm. Piny nɔm ëbɛ̈n aye lath të ye jöŋgöörken kac. Kɔc ke aterda acïk bɛ̈n bïk pinyda bɛ̈n riɔ̈ɔ̈k ku ka tɔ̈u thïn kedhie, pänydïïtda ku kɔcke kedhie.”

Jeremia 9:11

Aye Bɛ̈nydït lueel an, “Yɛn bï Jeruthalem tɔ e dhuur de ka cï riääk, të bï kɔ̈ɔ̈rgɔl aa ceŋ thïn, pɛ̈ɛ̈nydït ke Juda abïk aa jɔ̈ɔ̈r, të cïn raan bï rëër thïn.”

Edhekiɛl 12:20

Pɛ̈ɛ̈nydït cï yiic thiäŋ ë kɔc ë nɔɔnë abïï ke riɔ̈ɔ̈k, ku pinyden abï döŋ ke ye jɔ̈ɔ̈r. Ëtɛ̈ɛ̈n abïk jɔ ŋic nɔn ee yɛn Bɛ̈nydït.”

Edhekiɛl 21:31

Wek bï agönhdï yök, të la yɛn en pɔ̈l ke lääuwic në yïguöp cït many dɛ̈p. Wek bä gäm kɔc rac, kɔc ŋic riääk de käŋ.

Edhekiɛl 32:2

“Mɛnh ë raan, jäny melik de Rip aläldïïtë. lɛ̈kë ee jamdiënë: yïn ee käŋ looi cï köör në juöör yiic, ku yïn cït nyaŋ ee bok kiir. Yïn ee pïïu tup nyïïn në yïcök abï pïïu ke kiɛɛr tuööp.

Danyel 5:19

Aa dït aläl ka kɔc ke wuöt ë piny nɔm ëbɛ̈n, ku juöör, ku dhiën ku thook, aake ye riɔ̈ɔ̈c në yen abï ke lath. Na kɔɔr bïï raan nɔ̈k, aye nɔ̈k, ku na kɔɔr bïï raan tɔ pïïr aye tɔ pïïr. Raan kɔɔr bï riëëu ayï riëëu ku raan kɔɔr bï yɔ̈ɔ̈r aye yɔ̈ɔ̈r.

Danyel 7:4

Kë tueŋë acït köör, ku ade wuök cï cuɔɔr. Ku të wën daai yɛn, wuök acï keek guɔ cuän bei. Go läi jat nhial ku tɔ kääc në yecök. Na wën ke gëmë nɔm de raan.

Lebai 26:31

Yɛn bï pɛ̈ɛ̈nydïtkun riäär piny, ku riääk ɣäänkuön ke läm, ku rɛɛc miɔ̈cduön ye gam.

Lebai 26:33

Yɛn bï tɔŋ yiɛ̈n week ku thiäi we piny ë juööriic. Pinydun abï yic ciën kɔc ku pɛ̈ɛ̈nydïtkun tɔ̈u ke ke cï riääk.