Jeremia 4:6 - JAM DE NHIALIC 2011

⁶ Nyuɔthkï kueer lɔ Dhiɔn! Kuɔnykï röt wei! Duökï gääu! Bɛ̈nydït abïï riääk, riäŋdïït bɔ̈ në biäk të lɔ rut.

Jeremia 4:6 ပူးပေါင်းရင်းမြစ်များ

Yith 62:10

Kɔc ke Jeruthalem, lakkï biic në pänydït yic Ku luɔikï kueer de kɔckuön dök ciëën! Guiɛɛrkï kueer dït yic, nyaaikï kur thïn! Tääukï beer nhial ke bï ë juöör ŋic.

Jeremia 10:22

Piëŋkï! Thok acï bɛ̈n! Ade awuɔɔu looi ë jur nu të lɔ rut, rem de tɔŋde abï pɛ̈ɛ̈nydït ke Juda tɔ ye jɔ̈ɔ̈r, të bï kɔ̈ɔ̈rgɔl aa ceŋ thïn.”

Jeremia 18:11

Ka ënɔɔnë lɛ̈kë kɔc ke Juda ku kɔc ke Jeruthalem, nɔn luöi Yɛn keek kiɛɛr rac, ku cä rɔt kiëët bä ke luöi këtuc. lɛ̈kë keek bïk rëër de rɛ̈ɛ̈c pɔ̈l, ku bïk kuɛɛrken waar ku bïk ka loikï keek pɔ̈l.

Jeremia 21:7

Ku në ee kakë cök Yɛn bï Dhedekia melik de Juda gam, kekë kɔc ee ye luööi, ku kɔc nu ee pänydïïtë yic, kɔc bï poth në jɔɔkiic, ku tɔŋic, ku cɔkic, abä ke gäm Nebukadnedhar melik de Babilon, ku gäm ke remdɛn ë tɔŋ, ku gäm ke kɔc kɔɔr bïk keek nɔ̈k. Abïï keek nɔ̈k në abätäu, acïï ke bï nyuöth kokëpiɔ̈u, ku cïï kie päl, ku cïï ke tɔ pïïr. Acä lueel, Yɛn Bɛ̈nydït.”

Jeremia 22:7

Yɛn tooc kɔc bï ye lɔ riɔ̈ɔ̈k. Abïk yëëpken bɛ̈ɛ̈i kedhie, ku yepkï waikɛn bɛ̈ɛ̈r ke tiim ke thidar piny, ku cuɛtkï keek ë macic.

Jeremia 25:9

‘Yɛn bï dhiëën nu të lɔ rut kedhie tuöc, ku tuöc raan ee ya luööi, Nebukadnedhar melik de Babilonia. Abä keek lɔ bɛ̈ɛ̈i bïk tɔŋ yiɛ̈n Juda ku kɔc ceŋ en, ku yïn tɔŋ juöör thiääk ë yen. Yɛn bï ë jurë riääk kekë juöör thiääk ë yen, ku nyääŋ keek ë riääkic aɣet athɛɛr, ee kërɛɛc de gäi në tïŋ. Acä lueel, Yɛn Bɛ̈nydït.

Jeremia 4:21

Agut cï nɛn yen bän tɔŋ aa tïŋ ke näk kɔc, ku piɛŋ röl de kɛŋ koth?

Jeremia 50:2

“lɛ̈kë thok juöör! Guiir jam! Nyuɔɔthë kïït ku caalë thok! Du muk ke ee kë cï moony! Babilon acï wïïk! Marduk yanhde acï dhuööŋ! Yiëth ke Babilon acï keek tɔ yäär gup, yiëthkɛn nhiany gup acï ke dum yiic!

Jeremia 50:22

Awuɔɔu de tɔŋ aye piŋ ë piny yic, ku ade riääk dït.

Jeremia 51:12

Gamkï kïn bïï ë kɛ̈l ke Babilon mak. Takï kɔc ee tïït ril! Takï rem de tɔŋ ee tïït biic lɔ tëden! Takï kɔc ee kɔc buuth thiaan!” Bɛ̈nydït acï këdɛn cï lueel an bïï luöi kɔc ke Babilonia looi.

Jeremia 51:27

“Gamë kïn bïï ë mɛk! Kuɔthkï kaaŋ ago ë juöör piŋ! Guiɛɛrkï juöör në tɔŋ bïk thɔ̈ɔ̈r ë Babilonia! Lɛ̈kë ciɛɛŋ ke Ararat, ku Minni, ku Acekenadh bïk mɛk looi. Kuanykï bɛ̈ny de tɔŋ bï tɔŋ de mɛk wat. Bɛ̈ɛ̈ikï jöŋgöör cït tëŋ de kɔyɔm.

Jeremia 51:54

Aye Bɛ̈nydït lueel an, “Piɛŋkï awuɔɔu de dhiëëu në Babilon, piɛŋkï awuɔɔu de dhuöör de riääk ë baai yic.

Jeremia 6:1

Acïï Bɛ̈nydït lueel an, “Bääkï wëikun wei, wek kɔc ke Benjamin! Bäkkï bei në Jeruthalem! Kuɔthkï kaaŋ në Tekowa, ku kuɔthkï many de tɔŋ në Bethɣakerem. Wek bïï riääk bɔ̈ të lɔ rut yök ee nïnkë.

Jeremia 6:22

Aye Bɛ̈nydït lueel an, “Kɔc abïkï piny nu të lɔ rut, jur ril mec arëët aguiir tɔŋ.

Edhekiɛl 9:1

Na wën, guɔ röl de Bɛ̈nydït piŋ ke jam an, “Bäkkï tënë, wek kɔc lɔ pänydït luöi këtuc. Bɛ̈ɛ̈ikï tɔɔŋkun ë week ë tök.”

Edhekiɛl 9:2

Ënɔɔnë thiinë, go kɔc kadhetem bɛ̈n të lɔ rut në kal thoŋ biic de Luaŋdït, ŋɛk amuk tɔɔŋke. Ku raan tök ë keyiic aceŋ lupɔ de linɔn ku amuk këde gäär në yeciin. Gokï bɛ̈n kedhie ku kɛ̈ɛ̈ckï në yïïŋ de maläŋ kɔ̈u.

Dhep 1:10

Go Bɛ̈nydït lueel an, “Wek bï kiɛɛu piŋ, ku lɔ röl ë kɔc dhiau në kal thoŋ cɔl Rɛ̈c ë Jeruthalem, ku piɛŋkï arɔ̈ɔ̈l ku gök de röl dïït cï määr ë kuriic wut biäk ë piɛc yïk.

Dhek 6:6

Abël thel ë jöŋgöör col, alɔ piny de Babilonia të lɔ rut. Ku abël thel ë jöŋgöör ɣer, alɔ të lɔ aköl athɛ̈i. Ku abël thel ë jöŋgöör kän lëk, alɔ të lɔ wöuwic.