Jeremia 4:31 - JAM DE NHIALIC 2011

³¹ Yɛn cï dhiëëu piŋ, cït dhiën de tiiŋ rɔ̈p, ee kiɛɛu cït kiɛɛu de nyan kaai. Ee kiɛɛu de pänydït de nyan de Dhiɔn, ee wëi gap nhial, ee yeciin riny ke lueel an, “Amawoou, yɛn cï thou! Abïk yɛn bɛ̈n nɔ̈k!”

Jeremia 4:31 ပူးပေါင်းရင်းမြစ်များ

Cäk 27:46

Ago Rebeka lɛ̈k Yithaak an, “Yɛn ë pïïr maan në këde duet ke Ɣit, diäär ke Ethau. Ku na lɔ Jakop bɛ thiëëk në keyiic në nyan cït keek, ke pïïr bä bɛ yɔ̈k miɛt adï?”

Jop 10:1

Pïïrdï acä maan, yɛn bï jam në kɛc de piɔ̈ndï, në nɔm lääu yɛn bï rɔt gɔ̈ɔ̈ny bei.

Diɛt 120:5

Amawoou në yɛn, yɛn raan rɛ̈ɛ̈r ë Mecek ku ciët raan rɛ̈ɛ̈r ë kɔc ke Kedar yiic.

Yith 1:15

“Të la wek we cin taar në lɔ̈ŋ, wek cä bï lieec, na we cak lɔ̈ŋ në lɔ̈ŋ yïndï, ke acä bï piŋ, në luɔi cïï cinkun thiäŋ në rim.

Yith 13:8

Keek kedhie abïk riɔ̈ɔ̈c ku abïï arɛɛm ke tiaam, cït arɛɛm de tiiŋ dhiëth. Abïk röt aa liec ë ŋäny ŋäny në riɔ̈ɔ̈c, ku dëpkï nyïïn ë liapliap në ayäär.

Yith 21:3

Kë cä tïŋ ku piɛŋ në nyuuth yic ë ya thiɔ̈ɔ̈ŋ në arɛɛm ku riɔ̈ɔ̈c, cït arɛɛm de tiiŋ kɔɔr dhiëth.

Yith 26:17

Bɛ̈nydït Yïn ë wo tɔ dhiau, cït man ye tiiŋ dhiëth dhiau në arɛɛm.

Yith 42:14

Aye Nhialic lueel an, “Yɛn cï mim të bäär yic, Yɛn kën kë lueel kɔckï bɛ̈ɛ̈r. Ku ënɔɔnë kööl bï Yɛn këdäŋ looi acï bɛ̈n, guɔ jɔ dhiau cï tiiŋ rɔ̈p.

Yith 6:5

Aguɔ lueel an, “Acïn aŋäth tɔ̈u ke yɛn! Amawoou në yɛn! Në luɔi ye wël rac bɛ̈n bei në yethok, ku yɛn rɛ̈ɛ̈r wokë kɔc ee wël rac bɛ̈ɛ̈i bei në kethook. Ku yɛn cï Melik, Bɛ̈nydït de rɛm tïŋ në yanyin.”

Jeremia 10:19

Kɔc ke Jeruthalem ayek dhiau an, “Amawoou, wok cï yiëk gup bɔ̈ɔ̈t arëët! Bɔ̈ɔ̈tkuɔ acïkï bï dem. Aa yok tak an ee kë buk guum!

Jeremia 13:21

Eeŋö bäk jɔ lueel, të le kɔc yak keek tɔ ee määthkun we peec ku jɔkï week ceŋ? Wek bï tɔ̈u arɛɛmic cï tiiŋ kɔɔr dhiëth.

Jeremia 14:18

Të wën lan roor, guɔ gup ke kɔc cï nɔ̈k tɔŋ tïŋ, wën bä yɛn wutic, guɔ kɔc nɛ̈k cɔk tïŋ. Tït ku bäny ke kake Nhialic aloikï luɔiden, ku akuckï kë loikï.”

Jeremia 15:18

Eeŋö jan tɔ̈u ë nuanic? Eeŋö cïï kënë tëtöökkï waar? Eeŋö kën kek dem? Kɔɔr bä ya tɔ jeth piɔ̈u cï nyin ee dëu mɔ̈i?”

Jeremia 18:21

Ku ënɔɔnë Bɛ̈nydït, tɔ mïthken thou në cɔk, tɔ keek näk në abätäu. Tɔ diäär tɔ cïn nïïm röör ku mïth, tɔ röör thou në jɔk, ku tɔ dhuök näk ë tɔŋic.

Jeremia 22:23

Yïn ee lɔ̈ŋ në tiim ke thidar ë Lebanɔn yiic, ku ee jiɛthëpiɔ̈u bï ciët ŋö bä yök të le arɛɛm yï yup, arɛɛm, cït arɛɛm de tiiŋ rɔ̈p.

Jeremia 30:6

Ënɔɔnë kääckï ku takkï wenïïm! De mony duëër meth dhiëëth? Ka eeŋö yan moc ëbɛ̈n tïŋ ke bom ye yäc në yeciin cï tiiŋ rɔ̈p? Eeŋö ye kɔc kedhie kenyïïn nyuiin?

Jeremia 45:2

an, “Acïï Bɛ̈nydït Nhialic de Yithriɛl lueel an, ‘Baruk,

Jeremia 48:41

ku wuöt ku pɛ̈ɛ̈nydït ril abïï ke peec. Në ee köölë rem ë tɔŋ de Mowap abïk riɔ̈ɔ̈c cï tiiŋ rɔ̈p.

Jeremia 49:22

Kɔc ke ater abïk Bothera mak, cït man ye cuɔɔr lööny piny ke cï ye wuök peer. Yen ee köölë rem de tɔŋ de Edom abï riɔ̈ɔ̈c ë riɔ̈ɔ̈c de tiiŋ rɔ̈p.”

Jeremia 49:24

Kɔc ke Damathko akɔ̈ckï ku acïk kat në riɔ̈ɔ̈cdït. Atɔ̈ukï arɛɛmic ku këcïmoony cït man ë tiiŋ rɔ̈p.

Jeremia 50:43

Go melik de Babilonia thok piŋ, ku gɛ̈ɛ̈k cinke të wën thɛny yen yethok. Acïï arɛɛm de piɔ̈u dɔm, arɛɛm cït arɛɛm de tiiŋ rɔ̈p.

Jeremia 6:2

Nyan de Dhiɔn aläk, ku abïï riɔ̈ɔ̈k,

Dhiëëu 1:17

“Yɛn cï ya ciin ɣaak biic, ku acïn raan bï yɛn kony. Bɛ̈nydït acï yɛn cöl kɔc ke ater në juööriic ëbɛ̈n. Ayek ɛn luööi cït man ë kë nhiany.

Dhiëëu 1:20

“Bɛ̈nydït, tïŋ tɔ̈ɔ̈kdï, tïŋ arɛɛm de yɛn piɔ̈u! Piɔ̈ndï acï dhuɔɔŋ kekë jiɛthëpiɔ̈u në biäk de karɛckï. Ade kɔc näk kɔc ë kuɛɛriic, ayï biökiic aya thuɔɔu anu thïn.

Dhiëëu 2:21

Kɔc kor ku röördït atɔ̈ukï piny ke ke cï thou ë kuɛɛriic. Dhuök ku diäär acï keek nɔ̈k në abätäu de raan ater. Acï keek tɛm röt të cïn kokdepiɔ̈u në kööl de agönhdu.

Ɣodh 13:13

Abä keek luöi këtuc, ka abïk ciët tiiŋ rɔ̈p. Acït mɛnh cï riëëu yiëëc, në akööl ke dhiëth, go dhiënhde yic riɛl.

Maika 4:10

Dhiaukï arëët wek kɔc ke nyan de Dhiɔn, cït man ë tiiŋ cïï arɛɛm ë dhiëth nuaan, në biäk bïï ë we jat wei ë pänydït yic ënɔɔnë, ku lak rëër roor baaŋ të cïn ɣööt. Wek bïï lɛɛr Babilon, yen të bï we lɔ luök thïn ka. Bɛ̈nydït abï we lɔ wɛ̈ɛ̈r bei ëtɛ̈ɛ̈n në kɔckuön ke ater cin.

Maika 4:9

Ku ënɔɔnë, eeŋö tɔ we dhiau arëët aya abäk ciët ka cïn nïïm melik? Cï raan ee we riit piɔ̈ɔ̈th thou? Eeŋö tɔ we dëŋ aya, abäk ciët tiiŋ rɔ̈p?

Maika 7:1

Amawoou, yɛn cïï gök yök! Yɛn cï ciët raan nɛ̈k cɔk, ku cïn mïth ke tiim amäi nhiɛɛr ye cam cï yök në tim nɔm.

Math 21:5

“Yɔ̈ɔ̈kkï nyan de Dhiɔn an, “Tïŋ, melikdu abɔ̈ të nu yïn! Ë rɔt kuɔɔr piny, ku acath ë mul kɔ̈u, ku ciɛth ë dau kɔ̈u dan ë mul.”

1 Kor 9:16

Na ya cak wëlpiɛth aa guiir, ke yɛn cïn nɔm ke bän rɔt leec, yɛn cï mac thok, an, bä wëlpiɛth dhil aa guiir, yeka, amawoou në yɛn, të cän wëlpiɛth ee guiir.

1 Theth 5:3

Ku të lueel kek en an, “Piny arɛ̈ɛ̈r ëdïu, ku acïn riɔ̈ɔ̈c nu,” en a bï riääk ë kegup ëthiäu, cït man ë kɛ̈c cï tik käc, ku acïn kë duëër kek poth.