Jeremia 4:24 - JAM DE NHIALIC 2011

²⁴ Ku tiëŋ kur ke ke lɛthë, ku kur kor ayek röt jäp ciëën ku tueŋ.

Jeremia 4:24 ပူးပေါင်းရင်းမြစ်များ

1 Mel 19:11

Go ë Bɛ̈nydït lɛ̈k en, an, “Lɔɔ, ku kääcë ë kuur nɔm ë Bɛ̈nydït nɔm.” Go Bɛ̈nydït tëëk, go yom dïït ril ago kur ɣääriic ku dhoŋ kur kor ë Bɛ̈nydït nɔm, ku Bɛ̈nydït acïï nu ë yomic: na wën, aacï yom wan, ke piny nieŋ rɔt, ku Bɛ̈nydït ë cïï nu të nieeŋ piny ë rɔt.

Diɛt 18:7

Ago piny rɔt nieeŋ ku lɛthë, ku lɛthë këërkëër ke kur ku kuemkï röt, në luɔi cï Bɛ̈nydït piɔ̈u diu.

Diɛt 77:18

Awuɔɔu de reldu ë rɔt lɔ̈ɔ̈r bei, ku nyop wil de deŋ pinynɔm ëbɛ̈n, go piny lath ku nieŋë.

Diɛt 97:4

Ku wilde ee pinynɔm riaau, aye pinynɔm tïŋ ku lɛthë.

Bɛ̈n 19:18

Go tol kuur ë Thinai paat piny, në luɔi ë cïï Bɛ̈nydït bɛ̈n piny në kuur nɔm në macic. Go tol cït tol ë purun rɔt cɔ̈k nhial. Ago kɔc riääc arëët kedhie, ku lɛthë keek.

Yith 13:13

Yɛn bï paannhial niɛŋ, ku ta piny lɛthë abï rɔt wuuk tëde, në kööl bän agönhdï nyuɔɔth, Yɛn Bɛ̈nydït de rɛm.

Yith 24:20

Piny guöpde abï tuëk ë käŋkäŋ cï raan cï wiɛɛt, ku tɛɛny rɔ cï kät beŋ ë amaŋ. Piny nɔm acïï awɛ̈ɛ̈cke tiaam, abï wïïk ku acïï rɔt bï bɛ jɔt.

Yith 5:25

Bɛ̈nydït agöth ke kɔcke, ku ë Yecin jɔ̈t keek bï ke luöi këtuc, kur abï ke lath, ku gup ke kɔc cï thou abïï ke nyääŋ piny në kuɛɛriic ëbɛ̈n cït man ë nuöön. Cakaa yen ë tɔ̈u aya, agönh de Bɛ̈nydït abï ŋoot ke cïï thök, abï ŋoot ke nu ciin biic ke kɔɔr bï këtuc looi.

Jeremia 10:10

Ku Yïn Bɛ̈nydït, Yïn aye Nhialic yic, Yïn ee Nhialic pïïr, ku ye Melik athɛɛr. Të cï Yïn gɔ̈th, piny nɔm aye lath, juöör acïkï agönhdu duëër guum.

Jeremia 8:16

Kɔc ka aterda acïk guɔ ɣëët pänydïït ë Dan, wok ee ë jöŋgöörken piŋ atïïm. Piny nɔm ëbɛ̈n aye lath të ye jöŋgöörken kac. Kɔc ke aterda acïk bɛ̈n bïk pinyda bɛ̈n riɔ̈ɔ̈k ku ka tɔ̈u thïn kedhie, pänydïïtda ku kɔcke kedhie.”

Jeremia 9:10

Acä lueel, an “Yɛn bï kur dhiëëu ku dhiaau në biäk de ɣään ke nyuäth, në biäk cï kek ril wei, ku cïn raan ee cath ë keyiic. Röl de ɣɔ̈k acie bɛ piŋ, diɛt ku läi roor acïk kat ku jiëlkï.”

Edhekiɛl 38:20

Rɛ̈c ku dit ëbɛ̈n, ayï läi dït ku läi kor, ayï mɛnh ë raan tɔ̈u në pinynɔm abï lath në riɔ̈ɔ̈c riɔ̈ɔ̈c en në yɛn. Kur abïk löny, ayï kur nïïm abïk röt kuem, ku wiëëk pɛ̈ɛ̈ny ëbɛ̈n.

Maika 1:4

Ka kur abïk lɛ̈ɛ̈ŋ në yecök, cït man ë kɔl cï tääu mɛɛc. Ku abïk dhuöör ë ke lɔ piny në wakic cït pïïu bɔ̈ piny nhial ë kuur nɔm.

Ɣabakuk 3:10

Të cïï kur Yïn tïŋ aye ke lath, Yïn ë pïïu wäl piny nhial. Piääu dït riŋ piny ayek roor, ku moc apiöŋ ë wɛ̈ɛ̈r rɔ nhial ya.

Ɣabakuk 3:6

Të jɔt En rɔt ciɛth, piny aye lath, të cï Yen E nyin cuat, kɔc juöör aye ke lath. Ee kur ɣɔn thɛɛr tɔ lɔ thorthor abïk wɛɛr, ku tɔ kur kor cur piny kur wään Yen cath thïn ɣɔn thɛɛr.

Nyuuth 6:14

Go tënhial nyaai cït man ë awerek cï dolic, ku nyiɛɛiyë kurdït kedhie tëden ayï tuöör.