Jeremia 4:22 - JAM DE NHIALIC 2011

²² Aye Bɛ̈nydït lueel an, “Kɔckï apiɔlkï piɔ̈ɔ̈th, akuckï Yɛn. Acïtkï mïth piɔl piɔ̈ɔ̈th, acïnkï ŋïny de käŋ. Keek ayek atëët ke luɔi de kërac, ku ayek löny në luɔi de këpiɛth.”

Jeremia 4:22 ပူးပေါင်းရင်းမြစ်များ

Cäk 39:16

Na wën, ke tik ë päl lupɔ arɛ̈ɛ̈r ëtɛ̈ɛ̈n abï bɛ̈ny ë Jothep bɛ̈n baai.

2 Tham 13:3

Ku Amnon ade nɔm wën mɛ̈ɛ̈th kek pel nɔm cɔl Jonadap, wën ë Cama mänhë ë Debid.

Diɛt 36:3

Jamden aa rac ëbɛ̈n ku athiäŋ ke tör, acïn këpiɛth ku këde pɛlënɔm yek bɛ looi.

Diɛt 36:4

Ee kiɛɛr rac yen yek tak ëbɛ̈n të cï kek tɔ̈c, ku acïn këpiɛth yek bɛ looi, ku acïn kërɛɛcdɛn yek bɛ rɛɛc.

Diɛt 53:4

Nhialic ee lop an, “Kek kɔc rac kuckï käŋ? Ayek pïïr në rum ye kek kɔckï rum, ku acïkï yɛn ee lɔ̈ŋ ë taitai.”

Diɛt 82:5

Acïnkï ŋïny de käŋ ku yöŋ de käŋiic, ayek cath ë mɔ̈ɔ̈thic, këërkëër de piny acï ke lath kedhie.

Kɛ̈ŋ 28:5

Kɔc ee karɛc looi akuckï luɔi de yic, ku kɔc ee Bɛ̈nydït riëëu ayek yökic ëbɛ̈n.

Yith 1:3

Ɣɔ̈k aŋickï raan de keek, ku ŋic mul të ye wuönden ke cääm. Ku acïï kɔckiën ke Yithriɛl ee ŋic aya. Acïkï ee yökic taitai.”

Yith 27:11

Kër ke tiim acïk biɔɔr ku dhoŋkï, go diäär ke kuany ke ke ye tiim ke thät. Në biäk kën ë kɔc e yökic, Nhialic Aciëŋden acïï piɔ̈u bï kok ke keek, acï ke bï nyuöth kokdepiɔ̈u.

Jeremia 10:8

Keek kedhie ayek dhän ku piɔlkï piɔ̈ɔ̈th. Eeŋö duëërkï ŋic tëde yiëth cï looi ë tim? Kë ye yiëthken wɛ̈ɛ̈t acïn kony.

Jeremia 13:23

Duëër raan ë Kuc kïn de yen guöp waar, duëër kuac kïtke nyaai? Na lëukï, ke week wek kɔc ee karɛc looi, wek duëër yith ŋic ë luɔi.

Jeremia 2:8

Bäny de kake Nhialic akënkï thiëëc an, tɔ̈u Bɛ̈nydït ënou? Bäny ke kake Nhialic de nɔmdï akuckï Yɛn. Bäny ke baai acïk A rɛɛc, ku jam tït në rin ke Baal, ku lɛmkï yiëth cïn naamden.

Jeremia 4:21

Agut cï nɛn yen bän tɔŋ aa tïŋ ke näk kɔc, ku piɛŋ röl de kɛŋ koth?

Jeremia 5:21

Daaikï apiɛth, wek kɔc dhän cie piŋ, kɔc de kenyïïn, ku acïkï ee daai, ku adekï yïth, ku acïkï ee piŋ.

Jeremia 5:4

Aguɔ lueel an, “Kakë akuɛnykï nyïïn ku acïnkï nïïm. Ayek käŋ looi në dhɔ̈ɔ̈n, akuckï kë kɔɔr ë Nhialicden, kë kɔɔr ë Bɛ̈nydït bïk looi.

Jeremia 9:2

Aa ya nhiaar duëër nɔm dɛ të duëër ɛn ceŋ ë jɔ̈ɔ̈ric, të bä yɛn mɛc wo kɔckï. Ayek kɔc cïn adöt ëbɛ̈n, kuut de kɔc ee kɔc nyiɛɛn.

Jeremia 9:3

Ayek röt kiëët në tör de lueth, ruëëny ë nyin de yicic yen amac piny. Aye Bɛ̈nydït lueel an, “Kɔckï ayek kërac looi ku cuthkï ë luɔi, ku acïkï Yɛn ee ŋic nɔn Yan Nhialicden.”

Jeremia 9:5

Raan ëbɛ̈n ee raan thiëëk kek math, ku acïn raan ee yic lueel, acïk liëpken wɛ̈ɛ̈t bïk aa jam ë lueth, ayek awɛ̈ɛ̈c looi, ku ayek gup ŋɛɛr bïk kepiɔ̈ɔ̈th puk.

Edhekiɛl 16:30

Kën ye Bɛ̈nydït Awärjäŋ lueel kï an, “Yïn cï ee kakë kedhie looi, ke ye tiiŋ akɔɔrröör cïï guöp ee yäär.

Ɣodh 4:1

Piɛŋkï jam ë Bɛ̈nydït wek kɔc ke Yithriɛl, Bɛ̈nydït ade gääk wël nɔm week, wek kɔc cieŋ ee pinyë. “Wek cïn piɔ̈n adöt, ku ciënkï nhiëër, ku wek cïï Nhialic ŋic.

Ɣodh 4:6

Kɔckï abä keek riɔ̈ɔ̈k në biäk kuc kek Ɛn. Në baŋ cä wek ŋïnydï rɛɛc wek bäny ke kake Nhialic, wek cä keek jäi, ka wek cïï bï bɛ ya bänykiën ke kake Nhialic. Në luɔi cä wek nïïm määr në löŋ de Nhialicdun, Yɛn bï nɔm määr ayadäŋ në mïthkun.

Ɣodh 5:4

Kërɛɛcdɛn cïk looi yen apën keek puŋ puk kek röt Nhialicden. Acïï dhööm ke thiɔ̈ɔ̈ŋ piɔ̈ɔ̈th, ka acïk ŋïny de Bɛ̈nydïtden rɛɛc.

Amoth 3:10

Aye Bɛ̈nydït lueel an, “Kek ee kɔckë akuckï luɔi de këpiɛth. Acïk ɣöötdïtken thiɔ̈ɔ̈ŋ në kak ë peckï në riɛl tëde kɔc.

Maika 2:1

Amawoou në kɔc ee kërac cät, kɔc ee kërac kiëët ke ke tɔ̈u piny ë biökken yiic, na lë ruu piny, ke ke loi kërɛɛcden cïk kiëët, në luɔi ril kek.

Maika 7:3

Acïk luɔi de kërac ŋic aläl kedhie, ku bäny ayek ariöp cɔɔl. Ku bäny ee lööŋ guiir ayek kumthok nööm. Ku kɔc ril acïk kethook mat kedhie, ku ayek kë kɔɔrkï tɔ loi.

Luk 16:8

Go bɛ̈nyde raan rac nu ë dhiënde nɔm leec në luɔi cï en pɛl: wɛ̈ɛ̈t ke piny de ënɔɔnë ayek wɛ̈ɛ̈t ke ɣɛɛrëpiny wöör në pɛl ë remdenic.”

Jɔn 16:3

Ku kakë abïk ke luöi week, në kuny kuc kek Wäär, ayïk ɛn.

Romai 1:22

Aake ye röt tɔ ye kɔc pelnïïm, ku acïk aa kɔc piɔlpiɔ̈ɔ̈th,

Romai 1:28

Reec cï kek ŋïny de Nhialic rɛɛc muk ë kepiɔ̈ɔ̈th, yen aa koonë Nhialic keek, abïk nïïm rac ëtaiwei, bïk käŋ aa looi ka cïï röŋ ë luɔi duëër raan ke looi.

Romai 16:19

Ku piŋ piɛŋ wek löŋ acï ɣet tëde kɔc kedhie. Aguɔ piɔ̈u miɛt në baŋdun, ku ënɔɔnë yɛn kɔɔr luɔi bä wek aa kɔc pelnïïm të lɔ këpiɛth, ku yak kɔc kuc käŋ të lɔ kërac.

Romai 3:11

Acïn raan ŋic käŋ, acïn raan ee Nhialic kɔɔr,

1 Kor 14:20

Wek mïthëkɔckuɔ, duökï bï aa mïthiikë në ŋïnydekäŋ, yak aa mïththii ateteet në racdepiɔ̈u tei, ku në ŋïnydekäŋ yak aa röördït.

Nyöŋ 32:28

“Yithriɛl ee jur cie miëër, acïnkï nɔm pɛl taitai.

Nyöŋ 32:6

Yen kueer bä wek Bɛ̈nydït aa luööi ka, wek kɔc dhän cie tak? Ee wuöördun, ee Aciëŋdun, raan ë loi week ku tɔ we ee jur.