Jeremia 4:19 - JAM DE NHIALIC 2011

¹⁹ Arɛɛm! Yɛn cïï arɛɛm bï lëu në guöm! Ya piɔ̈u! Yɛn cï piɔ̈u lɔ lik arëët! Yɛn cïï duëër mim, yɛn cï röl de kɛŋ piŋ akoth, ku awuɔɔu de tɔŋ.

Jeremia 4:19 ပူးပေါင်းရင်းမြစ်များ

Cäk 49:6

Yɛn cï bï aa lɔ tëdɛn rëër kek thïn, ayï amɛɛtken, yɛn cï bï ya lɔ thïn. Ayek kɔc nɔ̈k të cï kek ŋeeny, ku tɔkï miöör ee ŋöl të thuëëc kek.

2 Mel 4:19

Ago wun guɔ cɔɔl an, “Yɛn rem nɔm oou, yɛn rem nɔm oou.” Go ë wun lïm nu ëtɛ̈ɛ̈n yɔ̈ɔ̈k an, “Lɛɛrë meth tëde man.”

2 Mel 8:11

Ëtɛ̈ɛ̈n go Elica ye toom nyin ë daai, abï Ɣadhiɛl guöp riɔ̈ɔ̈c go raan de Nhialic guɔ dhiau.

Diɛt 103:1

Wek wëikï, we bï Bɛ̈nydït thieei, ku guöpdï ëbɛ̈n, abï rinkɛn ɣeriic thieei!

Diɛt 116:7

Yɛn bï yapiɔ̈u päl piny ë määth, në biäk piɛth ë Bɛ̈nydït kekë yɛn.

Diɛt 119:136

Yɛn ee nyin dhiau ë pïïu cït man ë kiir, në biäk cïï kɔc lööŋku ee riëëu.

Diɛt 119:53

Të yan kɔc ee kërac looi tïŋ ke ke dhoŋ lööŋku kɔ̈ɔ̈th, yɛn ee gɔ̈th aläl.

Diɛt 146:1

Lɛckï Bɛ̈nydït! Wëikï, pianykï Bɛ̈nydït!

Diɛt 16:2

Aya lɛ̈k Bɛ̈nydït an, “Yïn aye Bɛ̈nydiëndït, kapiɛth cath në yɛn kedhie abïkï tëde yïn.”

Yith 15:5

Yɛn dhiau piɔ̈u në këde Mowap! Kɔc acïk kɛt wutic Dhowar ku Eglath Celicia. Kɔ̈k acïk kueer ë Luɣith dɔmic ke ke dhiau, ku lɔ kɔ̈k thiaan ë Ɣoronaim ke ke cï piɔ̈ɔ̈th jiɛth arëët.

Yith 16:11

Yɛn kïm në dhiënëpiɔ̈u në biäk de Mowap, ku jiɛth piɔ̈u në biäk de Kirɣereth.

Yith 21:3

Kë cä tïŋ ku piɛŋ në nyuuth yic ë ya thiɔ̈ɔ̈ŋ në arɛɛm ku riɔ̈ɔ̈c, cït arɛɛm de tiiŋ kɔɔr dhiëth.

Yith 21:4

Yɛn ë piɔ̈u päu ku lɛthë ya në riɔ̈ɔ̈c. Yɛn aa kɔɔr luɔi bï wakɔ̈u bɛ̈n, ku acïn kë cï yiɛ̈n ɛn ee riɔ̈ɔ̈cdït yen ë bïï.

Yith 22:4

Ënɔɔnë nyääŋë ya piny ke ya dhiëëu kɔckiën cï thou. Ku duökï them bäk ya duut piɔ̈u.

Jeremia 13:17

Të cä wek bï piŋ, ke yɛn bï dhiau ke ya thiaan në biäk de lɛcdun, yɛn bï dhiau ë jiɛthëpiɔ̈u, ku pïïu ke yɛn nyin abïk riŋ, në biäk cïï kɔc ke Bɛ̈nydït peec.

Jeremia 20:9

Ku të luɛɛl yɛn en an, “Yɛn bï nɔm määr ë Bɛ̈nydït, ku yɛn cïï bï bɛ jam ë rinke,” ke jamdu acït many dɛ̈p ë ya yic thïn. Acä them aläldïïtë në luöi bän ye muk, ku acïn luöi duëër yɛn en bɛ lëu në guöm.

Jeremia 23:9

Piɔ̈ndï acï dhuɔɔŋ, ku yɛn lɛthë. Në biäk de Bɛ̈nydït, ku në biäk de Jamdɛn ɣeric, yɛn cï ciët raan cï wiɛɛt, raan cï dek ë mɔ̈u arëët.

Jeremia 4:21

Agut cï nɛn yen bän tɔŋ aa tïŋ ke näk kɔc, ku piɛŋ röl de kɛŋ koth?

Jeremia 4:5

Kuɔthkï kɛŋ në baai yic ëbɛ̈n! Wuɔukï në röldït lɔ gɔk! Lɛ̈kkï kɔc ke Juda kekë Jeruthalem bïk kat ke ke lɔ në pɛ̈ɛ̈nydït cï gël yiic.

Jeremia 42:14

ku luɛlkï an, “Ei, wo lɔ piny ë Rip, të cïï wok tɔŋ bï tïŋ, ku cuku röl de kaaŋ piŋ, ku wok cïï cɔŋ de kuïn bï dɔm, ku wo bï jɔ ceŋ ëtɛ̈ɛ̈n. Ka wek kɔc cï döŋ ë Juda, duökï jam ë Bɛ̈nydït de rɛm, Nhialic de Yithriɛl bï dhil rɛɛc an, ‘Na lok wenïïm lɔ wɛl Rip,

Jeremia 49:2

Ku akööl abïkï akööl bän kɔc ke Rabba tɔ piŋ awuɔɔu de tɔŋ, ku abï nyääŋ piny ke cï riääk, ku bɛ̈ike abïï ke nyuɔp piny ë mac. Ku ëtɛ̈ɛ̈n Yithriɛl abï pinyde pɔ̈k nɔm ciëën tëde kɔc ɣɔn cï ye nööm tëde keek.

Jeremia 50:22

Awuɔɔu de tɔŋ aye piŋ ë piny yic, ku ade riääk dït.

Jeremia 6:24

Go kɔc ke Jeruthalem lueel an, “Wok cï thok piŋ, goku woyiëth kuak në wocin, wok cï piɔ̈ɔ̈th jiɛth në arɛɛm ku töök de piɔ̈u në riɔ̈ɔ̈c cï tiiŋ rɔ̈p.

Jeremia 8:18

Jiɛthëpiɔ̈ndï acï bï waar. Yɛn tɔ̈k piɔ̈u.

Jeremia 8:21

Piɔ̈ndï acï dhuɔɔŋ, në biäk cï ë kɔckï dhuɔɔŋ, Yɛn cï dhiau ka yɛn cï yäär taitai.

Jeremia 9:1

Aa ya nhiaar duëër nɔmdï aa yinh ë pïïu, ku jɔ nyïïnkï aa awɛɛŋ ke pïïu, aguɔ aa dhiau aköl ku wakɔ̈u në biäk de kɔckiën cï nɔ̈k.

Jeremia 9:10

Acä lueel, an “Yɛn bï kur dhiëëu ku dhiaau në biäk de ɣään ke nyuäth, në biäk cï kek ril wei, ku cïn raan ee cath ë keyiic. Röl de ɣɔ̈k acie bɛ piŋ, diɛt ku läi roor acïk kat ku jiëlkï.”

Dhiëëu 1:16

“Yeka wat yɛn nyin wokë pïïu. Acïn raan dut ɛn piɔ̈u, ku acïn raan riit ɛn piɔ̈u. Raan de ater acï yɛn rum, kɔckï acïn kë cï döŋ tëde keek.

Dhiëëu 1:20

“Bɛ̈nydït, tïŋ tɔ̈ɔ̈kdï, tïŋ arɛɛm de yɛn piɔ̈u! Piɔ̈ndï acï dhuɔɔŋ kekë jiɛthëpiɔ̈u në biäk de karɛckï. Ade kɔc näk kɔc ë kuɛɛriic, ayï biökiic aya thuɔɔu anu thïn.

Dhiëëu 2:11

Nyïïnkï acï ke but në dhiëëu, ku rem a piɔ̈u. Yɛn cï bäp wokë dhiënëpiɔ̈u në riääk cïï ë kɔckï riɔ̈ɔ̈k. Mïthkor ku mïththii ateteet ayek thɔ̈ɔ̈k në kuɛɛr ke pänydït yiic.

Danyel 4:19

Cöökë acï Danyel ku yen ye cɔl Beltecadhar tɔ mum nɔm aläl abï lɔ dïu ke cïï jam. Go ë melik lɛ̈k en an, “Beltecadhar, du nyuöth kekë wɛ̈r de yen yic tɔ mum yïnɔm. Go Beltecadhar bɛ̈ɛ̈r an, “Yïn melik, anhiaar adï jɔ nyuöth kekë wɛ̈r de yen yic rɔt puɔ̈k kɔc ke aterdu, ke cie yïn.

Danyel 7:15

Nyuuth cä ke tïŋ acïk ya mum nɔm, ka yɛn cï piɔ̈u jiɛth aläl.

Danyel 7:28

Kënë yen ee thök de ka cï röt looi. Yɛn aacï riɔ̈ɔ̈c aläl, arëk abä nɔm mum, ku yɛn cï këriëëc ëbɛ̈n muɔ̈k ë yapiɔ̈u.

Danyel 8:27

Yɛn aacï guöp thou ku dɔm juäi ya në nïn juëc. Na wën ke ya jɔt rɔt ku laar ë luɔɔi yic, luɔɔi cïï melik gäm ɛn. Ku yɛn aacïï nyuuth tɔ mum nɔm ku akɛ̈n bɛ̈n yökic.

Amoth 3:6

Të cïï kaaŋ de tɔŋ kooth, cïï kɔc ke pänydït ee päu? Duëër pänydït riääk, ke cie Bɛ̈nydït Yen ee yen bɛ̈ɛ̈i?

Ɣabakuk 3:16

Yɛn ëbɛ̈n lath yäc wën piɛŋ ɛn ee kënë ëbɛ̈n, yɛn cï bɛ̈n lath röl në riɔ̈ɔ̈c. Guɔ guöp lɔ bath, ku lɛthë yacök të wën kääc ɛn. Yɛn bï tïït ë lik në bɛ̈n bïï ë kööl bïï ë Nhialic kɔc ee wook mak bɛ̈n luöi këtuc.

Kuɛ̈n 10:9

Ku të yiɛ̈n wek kɔc ke ater tɔŋ, kɔc yɔŋ week, ke we koth kɛŋ ke tɔŋ. Ku yɛn, yɛn Bɛ̈nydït Nhialicdun, wek bä kony ku luäk week në kɔc ke ater.

Romai 10:1

Wek mïthëkɔckuɔ, kë kaar ë yapiɔ̈u kï, yɛn guöp, ku läŋ ɛn Nhialic në biäk de Yithriɛl kï, ee kuny bï ke kony wëi.

1 Kor 14:8

Ayï kaaŋ, të cï en e röl guɛ̈l, röl dhal kɔc, eeŋa bï rɔt guik ë tɔŋ?

Galatai 4:19

Wek mïthkiën thiikë, yɛn ë bɛ rɔ̈ɔ̈p ë dhiënhdun, aɣet të bï Kërtho cuëëc ë weyiic.

Bäny 5:21

Ku lak Amool de Kicon keek wei në kuëërdïït de Kiir ë Kicon. Yɛn bï lɔ tueŋ ke ya cath në riɛl.