Jeremia 39:16 - JAM DE NHIALIC 2011

¹⁶ bä Ebedmelek lɔ yɔ̈ɔ̈k raan de Ethiopia nɔn cï Bɛ̈nydït de rɛm, Nhialic de Yithriɛl ye lueel an, “Cï man cän ye lueel, abä looi, yɛn bï ee pänydïïtë yiɛ̈n riääk ke cie kuɛth. Ku të le ee kënë rɔt looi, yïn bï tɔ̈u ëtɛ̈ɛ̈n ke bä tïŋ.

Jeremia 39:16 ပူးပေါင်းရင်းမြစ်များ

2 Lëk 36:21

Go jam de Bɛ̈nydït aa yic, jam ɣɔn cï lɛ̈k Jeremia an, “Aɣet të bï pinydun döŋ yetök ke cïn raan nu thïn. Në run kathiërdhorou yiic, acï lɔ̈ŋ de kööl ë Thabath guɔ looi.”

Diɛt 92:11

Yɛn cï tiëm cïï ë kɔc ke aterdï tiaam tïŋ, ku piɛŋ dhiën de kɔc ee karɛc looi.

Jeremia 26:15

Ku kënë abäk dhil ŋic ë gɔk: Të la wek yɛn nɔ̈k, week në kɔc ke ee pänydïïtë, we bï gup dɛ awäc ë nääk de raan cï kë cï looi, në biäk yen Bɛ̈nydït Yen ë toc yɛn bä week bɛ̈n yɔ̈ɔ̈k.”

Jeremia 26:18

“Wään ye Ɣedhekia melik de Juda, tiët Maika wun ë Moreceth, acï kɔc ëbɛ̈n bɛ̈n yɔ̈ɔ̈k, an acïï Bɛ̈nydït de rɛm lueel nɔn, ‘Bï ë Dhiɔn puur cï dom, ku Jeruthalem abï aa dhuur nɔm, ku kuur de Luaŋdït abï aa roor.’

Jeremia 26:20

(Aa de monydäŋ, Yuria wën de Cemaya raan wun ë Kiriath Jiriim, raan cï jam në rin ke Bɛ̈nydït, në biäk ee pänydïïtë ku jur cït man cï ë Jeremia ye looi.

Jeremia 34:22

Abä ke yɔ̈ɔ̈k ka abïk kenïïm pɔ̈k ee pänydïïtë. Abïk mak ku abïk peec, ku nyopkï piny. Yɛn bï wuöt ke Juda tɔ cït jɔ̈ɔ̈ric të cïn raan ee ceŋ thïn. Acä lueel, Yɛn Bɛ̈nydït.”

Jeremia 35:17

Ka ënɔɔnë aluɛɛl, Yɛn Bɛ̈nydït, Nhialic de rɛm, Nhialic de Yithriɛl, wek kɔc ke Juda ku Jeruthalem wedhie, wek bä yiɛ̈n riääk wään cä lueel. Yɛn bï ee kënë looi në biäk cä wek kë cä lɛ̈k week ee piŋ, ku wek cïï cɔ̈tdï ee bɛ̈ɛ̈r të caal Ɛn week.”

Jeremia 36:31

Yïn bä luöi këtuc, wekë kuatdu, ku bänyku, në biäk de karɛc cäk looi wedhie. Yïn wekë kɔc ke Jeruthalem ku kɔc ke Juda we kën yöökdï piŋ, ka wek bä yiɛ̈n riääk cä lueel wedhie.”

Jeremia 40:3

ku ënɔɔnë acï kë cï lueel an bï looi looi. Kakë kedhie aake loi röt në biäk cïï kɔckun karɛc luöi Bɛ̈nydït ku rɛɛckï riëëu.

Jeremia 44:27

Ku we bä tiit ke we cïï bï kuɛth, ku wek bïï keek riɔ̈ɔ̈k. We bï thou wedhie, në cɔk ku nɔn ee jɔk, abïï ciɛ̈n raan töŋ bï döŋ ë we yiic.

Jeremia 5:14

Yen Kë cïï Bɛ̈nydït lueel kï, Bɛ̈nydït Awärjäŋ an, “Jeremia, në biäk cïï ee kɔckë ka cït ee kakë lueel, Yɛn bï jamdï tɔ cït mac në yïthok. Ku kɔc abïk ciët tiim, ku abïï mac keek nyop taitai.”

Danyel 9:12

Yïn cï ka wään bä lueel an bä ke luöi wook në bänykuɔ looi. Yïn cï Jeruthalem luöi këtuc aläl awär këtuc cï luöi pänydït kɔ̈k ë pinynɔm,

Amoth 9:4

Ku të cïï ë keek cak peec në kɔckɛn ke ater, ke abä keek tɔ näk në abätäu. Acä dhel ë Yapiɔ̈u bä ke riɔ̈ɔ̈k ke ke cä luäk.

Dhek 1:6

Yɛn aacï awuutkï tït tɔ jäny kuarkun, ku yöökkï keek. Agokï jamden dhɔ̈lic, gokï këtuc yök. Gokï kërɛɛcden puɔ̈l ku gamkï yɛn luelkï an, ‘Bɛ̈nydït de rɛm ë wo luöi këtuc, kë rɔ̈ŋ ke keek, cït man ë kë kɔɔr në yapiɔ̈u.’

Math 24:35

Tënhial abï nyai ayï piny, ku wëlkï acïkï bï nyai ananden.