Jeremia 38:5 - JAM DE NHIALIC 2011

⁵ Go melik Dhedekia bɛ̈ɛ̈r an, “Apiɛth, luɔikï kë kaarkï bäk luöi yen, wek cä bï dɔ̈m kɔ̈ɔ̈c.”

Jeremia 38:5 ပူးပေါင်းရင်းမြစ်များ

2 Tham 19:22

Go Debid lɛ̈k Abicai kekë Jowap mänhë an, “Eeŋa cï we luɔp, wek wɛ̈ɛ̈t ke Dheruia? Wek kɔɔr bäk yɛn luöi nuan? Ee yɛn ee melik de Yithriɛl ënɔɔnë, acïn raan de Yithriɛl bï nɔ̈k ee köölë.”

2 Tham 3:39

Acakaa nɔn ee yɛn melik ë lɔc Nhialic, yɛn ë rɔt yök ke ya kɔ̈c ee köölë. Kek wɛ̈ɛ̈t ke Dheruiakë acïk a yiɛ̈n guöp akuöörkuöör arëët. Abïï Bɛ̈nydït ke luöi këtuuc rɔ̈ŋ ke keek!”

Kɛ̈ŋ 29:25

Riɔ̈ɔ̈c acït wïn ë dɛ̈p, ee raan tɔ diɛɛr në kë bï lueel në biäkde, ku aŋäth ë Bɛ̈nydïtic yen ee kuɔɔny.

Jeremia 26:14

Ku në biäkdï, yɛn nu ë wecin! Luöikï ya kë yak tïŋ ke ee rɔ̈ŋ ku ye yic.

Jeremia 37:17

Na wën ke melik Dhedekia tuc ya raan, ku jɔ yɛn luɔp yatök ɣön ë bääny an, “De jam cï bɛ̈n tëde Bɛ̈nydït?” Aguɔ bɛ̈ɛ̈r ku luɛɛl an, “Ade jam, ku yïn bïï gäm melik de Babilonia.”

Danyel 6:16

Go melik löŋ tääu piny luöi bïï ë Danyel dɔm, ago cuat ɣön cï thiäŋ ke kɔ̈ɔ̈r. Ago lɛ̈k Danyel, “Në Nhialicdu, raan ye luööi ë yïpiɔ̈u ëbɛ̈n kony yïn.

Danyel 6:17

Go kuur tääu ë pul thok, ku tɛ̈ɛ̈u melik kitimdɛn ë bääny ku kitim de adhuëëŋke në kuur kɔ̈u, ago ciën kë bï rɔt waar në biäk de Danyel.

1 Tham 15:24

Na wën ke jɔ Thaulo lɛ̈k Thamwɛl an, “Yɛn cï kërac looi, yɛn kën lööŋ ke Bɛ̈nydït looi, yɛn aa riɔ̈c në kɔckï aguɔ keek tɔ loi kë kɔɔrkï.

1 Tham 29:9

Ago Acic lueel an, “Agam nɔn ee yïn a riëëu guöp cït tunynhial de Nhialic. Ku acïï meliik kɔ̈kkë lueel an cïï bï lɔ tɔŋ wekë wook.