Jeremia 38:17 - JAM DE NHIALIC 2011

¹⁷ Aguɔ lɛ̈k Dhedekia nɔn cïï Bɛ̈nydït Awärjäŋ, Nhialic de Yithriɛl ye lueel an, “Na lɔ rɔt lɔ gäm bäny ke rem de tɔŋ de melik de Babilonia, ke yïn bï pïïr, ku pänydïïtë acïï bï nyuɔp piny. Yïn wekë baaidu wedhie wek bï pïïr.”

Jeremia 38:17 ပူးပေါင်းရင်းမြစ်များ

Cäk 12:13

Ka yïn ye lɛ̈k keek nɔn yïn nyankäi, ke ke bï ya ŋiëc looi në biäkdu, ku acïkï ya bï bɛ nɔ̈k në këdu.”

2 Mel 24:12

go Jekonia melik de Juda rɔt thɔ̈n melik de Babilon kekë man, ku kɔckɛn ee ye luööi, ku mïthke, ku bäny nu baai de melik ëbɛ̈n. Në ruöön ye Nebukadnedhar run bɛ̈t ë bäänyic, go melik Jekonia jɔt ke mac,

2 Mel 25:27

Në kööl de thiërrou ku dhorou, në pɛɛi de thiëër ku rou, në ruöön de thiërdiäk ku dhorou, ɣɔn cï kɔc ke Juda peec, yen aa gɔl ë Ebilmerodak bäänyde ke ye melik në Babilon, ago piɔ̈u kok kekë Jekonia melik de Juda, ku lony ɣön ë döm.

1 Lëk 17:24

Kɛkdu abï dït, ku abï kɔc aa lueel aɣet athɛɛr an, ‘Bɛ̈nydït de rɛm, ee Yen ee Nhialic de Yithriɛl.’ Ku yïn bï kuatdï muk aköölnyïïn ëbɛ̈n.

Edhr 9:4

Wën ŋuɔɔt ɛn ke ya tɔ̈u piny në dhiënëpiɔ̈uwic, go kɔc kɔ̈k kenïïm kut në yalɔ̈ɔ̈m, kɔc cï riɔ̈ɔ̈c në kë cïï Nhialic lueel në biäk de ciën adön de kɔc ë bɔ̈ ciëën në pɛ̈cic, ku rɛ̈ɛ̈r ke ya thuc aɣet cï thaar de gɛm de miɔ̈c athɛ̈i.

Jop 23:13

Ku Yen acïï rɔt ee waar, ku eeŋa duëër ë lëu në puk? Kë kɔɔr piɔ̈nde, yen aye looi.

Diɛt 80:14

Pɔ̈kë rɔt wook, Awärjäŋ Nhialic! Wɔiyë wo piny paannhial, bä kony kɔcku!

Diɛt 80:7

Pɔ̈kë wo nïïm täu awään kɔn wok tɔ̈u, Nhialic! Nyuöthë wook kokdepiɔ̈ndu, ke wo bïï luök!

Jeremia 27:12

Yɛn cï ee këmanë lɛ̈k Dhedekia melik de Juda an, “Gämë rɔt melik de Babilonia. Luööiyë, ku luööiyë kɔcke, ku yïn bï pïïr.

Jeremia 27:17

Duökï jamden piŋ! Luööikï melik de Babilonia ku we bï pïïr! Eeŋö duëër ee pänydït tɔ ee dhuur nɔm?

Jeremia 27:8

“Ku na de jur ku nɔn ee ciɛɛŋ cïï Nebukadnedhar bï aa luööi, Yɛn bï ee jurë kuum në tɔŋ, ku cɔk, ku jɔɔk agut të bän yen tɔ riɔ̈ɔ̈k ë Nebukadnedhar taitai.

Jeremia 38:2

nɔn cïï Bɛ̈nydït ye lueel an, “Raan lɔ rëër ë pänydïtic abï thou në cɔk ku nɔn ee jɔk, ku kɔc lɔ lɔ biic, ku gëmkï röt kɔc ke Babilonia, acïï keek bï nɔ̈k, abïk ban në wëiken.”

Jeremia 39:3

(Wään cï ë Jeruthalem peec, go bäny ke melik de Babilonia bɛ̈n kedhie ku dɔmkï ɣäänken në kal thok, thoŋ cil, adekï yiic yï Nergal Tharedher, ku Thamgar Nebo, ku Tharthekim de Rabathath, ku lɔ Nergal Tharedher däŋë.)

Jeremia 40:9

Go Gadalia lɛ̈k keek an, “Wek cä lëk jamdï an, acïn kë duëër week tɔ riɔ̈c ë luɔi bä wek röt gäm kɔc ke Babilonia. Ɣapkï ee pinyë, ku luööikï melik de Babilonia, ku käŋ kedhie abïk piath tëde week.

Jeremia 44:7

“Aguɔ jɔ lueel, Yɛn Bɛ̈nydït Nhialic de Yithriɛl, an, eeŋö ja wek röt luöi kërɛɛc cït ee kënë wapäc. Kaarkï bäk riääk yiɛ̈n röör ku diäär, ku mïth kor, ku mïth ë piacë dhiëëth, ago ciɛ̈n raanduön bï döŋ ë Juda?

Edhekiɛl 8:4

Aguɔ dhuëëŋ de Nhialic de Yithriɛl tïŋ ëtɛ̈ɛ̈n, cït man wään cän en kɔn tïŋ në kiir de Cebar yɔu.

Amoth 5:27

të la Yɛn week tɔ pec, leerë week paan tɔ̈u në Damathko kɔ̈u ciëën.” Yen kë cïï Bɛ̈nydït lueel ka, ku rinke acɔl keek Nhialic Awärjäŋ.