Jeremia 38:16 - JAM DE NHIALIC 2011

¹⁶ Go melik Dhedekia Jeremia lɛ̈k gutguut ë cuëër an, “Yɛn cï kuëëŋ në rin ke Nhialic pïïr, Nhialic ee wook gäm pïïr, nɔn cän yïn bï nɔ̈k, ku yïn cä bï gäm kɔc kɔɔr bïk yïn nɔ̈k.”

Jeremia 38:16 ပူးပေါင်းရင်းမြစ်များ

Wɛ̈ɛ̈t 12:7

Ku abuui ee rɔt dak në abuui yic tën ë bïï yen thïn, ku wëi abïk röt dak tëde Nhialic Raan ë gëm ke wook.

Yith 42:5

Nhialic aa cak paannhial ku thieth keek piny, ku gëm piny ciɛɛŋ ku këriëëc ëbɛ̈n tɔ̈u thïn, ee pïïr ku wëi gäm kɔcke. Ku ënɔɔnë acïï Bɛ̈nydït Nhialic lɛ̈k awuutke.

Yith 57:16

Yɛn cï kɔckï gäm pïïr, ku Yɛn cïï bï bɛ ŋoot ke ke gaany ku cä göth wo keek aɣet athɛɛr, në luɔi cï kek bï thou, kek kɔc cä gäm wëi.

Jeremia 34:20

abä ke tääu në kɔc ke aterden cin, ku gäm keek kɔc kɔɔr bïk keek nɔ̈k. Ku gupkɛn cï thou abïk aa këcam de diɛt nhial ku läi roor.

Jeremia 37:17

Na wën ke melik Dhedekia tuc ya raan, ku jɔ yɛn luɔp yatök ɣön ë bääny an, “De jam cï bɛ̈n tëde Bɛ̈nydït?” Aguɔ bɛ̈ɛ̈r ku luɛɛl an, “Ade jam, ku yïn bïï gäm melik de Babilonia.”

Dhek 12:1

Jam de Bɛ̈nydït kï, jam ë bɔ̈ në biäk de Yithriɛl. Bɛ̈nydït ë yen ë cak tënhial kekë piny, ku yïk raanic wëi. Acï lueel an,

Kuɛ̈n 16:22

Go Mothe yenɔm guöt piny kekë Aron lɛ̈ŋkï luelkï an, “Acie yen Nhialic, yïn aye Nhialic de pïïr de këriëëc ëbɛ̈n. Bä akutnɔm dïït ë kɔc nɔ̈k në baŋ de kërɛɛc ë raan tök?

Kuɛ̈n 27:16

“Yïn läŋ Bɛ̈nydït Nhialic muk wëi ke raan ëbɛ̈n, nɔn kuëny yïn akutnɔm raan bï keek wat.

Jɔn 3:2

Ë bɛ̈n tëde Yecu wakɔ̈u, bï ku lueel an, “Rabi, yïn ŋicku nɔn ee yïn raan ee wëët raan ë bɔ̈ tëde Nhialic: acïn raan duëër göök loiyë looi, të cïï Nhialic cath ke yen.”

Luɔi 17:25

Ku acie kony ë kɔc cin, cït nɔn dɛk en ë käŋ, ee yen ee kɔc miɔɔc kedhie në pïïr, ku wëi, ku käŋ kedhie.

Luɔi 17:28

yen a pïïr wok, ‘ku yok cath, ku yok nu në yen,’ Acït man ë kë cïï ciëëkkuön kɔ̈k lueel, an, ‘Wok ee mïthkɛn cï dhiëëth ayadäŋ.’

Ɣeberuu 12:9

Wärkuɔn ke piny nɔm ayek wo dui në dui rac ku ŋootku ke ke riëëuku, ku cïï ŋuän duëërku Wäärdan ë wëikuɔ riëëu ku buk pïïr!