Jeremia 37:17 - JAM DE NHIALIC 2011

¹⁷ Na wën ke melik Dhedekia tuc ya raan, ku jɔ yɛn luɔp yatök ɣön ë bääny an, “De jam cï bɛ̈n tëde Bɛ̈nydït?” Aguɔ bɛ̈ɛ̈r ku luɛɛl an, “Ade jam, ku yïn bïï gäm melik de Babilonia.”

Jeremia 37:17 ပူးပေါင်းရင်းမြစ်များ

1 Mel 22:15

Na wën aacï bɛ̈n tëde melik, ke lëk ë melik en an, “Mikaya buk tɔŋ lɛɛr Ramoth Giliyad, ku cukku tɔŋ leer?” Go bɛ̈ɛ̈r an, “Lɔ makë! Yïn bï tiam, Bɛ̈nydït abï yï gäm tiëm.”

1 Mel 22:16

Go Aɣap lɛ̈k en an, “Ee raandï, yen bän en aa lɛ̈k yïn an, tëde yen kë lɛ̈kë yɛn në rin ke Bɛ̈nydït ye yɛn lɛ̈k yic yetök?”

2 Mel 25:7

Go wɛ̈ɛ̈t ke Dhedekia nɔ̈k ke ke woi, ku tɔ nyïïn ke Dhedekia tukë bei, ku dutkï në kuɛɛt, ku leerkï Babilon.

Jeremia 15:11

Bɛ̈nydït tɔ aciɛɛn ëbɛ̈n tɔ ee yic, na kɛ̈n yïn luöi ë yic, ku na kɛ̈n yïn lɔ̈ŋ në biäk de kɔc ke aterdï, wään cï kek nuan ku cïk nïïm mum.

Jeremia 21:7

Ku në ee kakë cök Yɛn bï Dhedekia melik de Juda gam, kekë kɔc ee ye luööi, ku kɔc nu ee pänydïïtë yic, kɔc bï poth në jɔɔkiic, ku tɔŋic, ku cɔkic, abä ke gäm Nebukadnedhar melik de Babilon, ku gäm ke remdɛn ë tɔŋ, ku gäm ke kɔc kɔɔr bïk keek nɔ̈k. Abïï keek nɔ̈k në abätäu, acïï ke bï nyuöth kokëpiɔ̈u, ku cïï kie päl, ku cïï ke tɔ pïïr. Acä lueel, Yɛn Bɛ̈nydït.”

Jeremia 24:8

“Ku në biäk de Dhedekia melik de Juda, ku bäny thiäk në yen, ku kɔc kɔ̈k ke Jeruthalem ceŋ ee pinyë ku nɔn cïk lɔ Rip, Yɛn Bɛ̈nydït, abä keek looi arac kedhie cï man de mïth ke enap rac cïï duëërë cam.

Jeremia 25:35

Tïït acïn kueer bä wek röt kual.

Jeremia 37:3

Na wën ke melik Dhedekia, ë toc Jeɣukal wën de Celemia, ku Dhepania wën de Maathia, bɛ̈ny de kake Nhialic, bïk tiët Jeremia luɔp në luöi bï yen Bɛ̈nydït Nhialicda lɔ̈ŋ, në biäk ë jurda.

Jeremia 38:5

Go melik Dhedekia bɛ̈ɛ̈r an, “Apiɛth, luɔikï kë kaarkï bäk luöi yen, wek cä bï dɔ̈m kɔ̈ɔ̈c.”

Jeremia 52:8

Ku rem de tɔŋ de Babilonia, acïk Dhedekia bɛ̈n cop, abïk lɔ dɔm ë riaaŋ thiääk ke Jeriko, ku aacïï remdɛn ë tɔŋ päl wei.

Edhekiɛl 7:26

Riäŋë abï bɛ̈n ë riäŋë cök, ku thook luel karɛc abïk aa bɛ̈n. Wek bï nyuuth kɔɔr tëde tiët bï we lɛ̈k ka cï tïŋ. Bäny ke kake Nhialic abïk nïïm ciën kë bï kek kɔc wɛ̈ɛ̈t, ku röördït abïk nïïm ciën ka jiëëm kek kɔc.

Kuɛ̈n 23:17

Go Balaam enɔm puk, go Balak lɔ yök aŋoot ke kääc në miɔ̈cdɛn ye nyop lɔ̈ɔ̈m kekë bäny ke Mowap. Go Balak ye luɔp an, “Eeŋö cïï Bɛ̈nydït lɔ lueel?.

Mak 6:20

luɔi riɔ̈ɔ̈cë Ɣerod ë Jɔn, aŋic nɔn ee yen raan piɛthpiɔ̈u ku ye raan ɣeric, go ya döt apiɛth. Na wën, aye yen piŋ, aaye kajuëc looi, go këde aa piŋ në piɔ̈nmit.