Jeremia 35:4 - JAM DE NHIALIC 2011

⁴ ku bɛ̈ɛ̈i keek Luaŋdït. Guɔ keek lɛɛr ɣön de kɔcpiööcë de tiët Ɣanan wën de Yigadalia, raan de Nhialic, ku ɣönë aa nu në ɣön de Maathia wën de Calum nɔm nhial, bɛ̈ny de naamde Luaŋdït, ku aa thiääk kekë ɣööt ke bäny kɔ̈k.

Jeremia 35:4 ပူးပေါင်းရင်းမြစ်များ

1 Mel 12:22

Go jam ë Bɛ̈nydït bɛ̈n tëde Cemaya, raan de Nhialic

1 Mel 13:1

Na wën ke raan de Nhialic bɔ̈ në Juda ke bïï jam de Nhialic Bethel, ku Jerobowam aa kääc ë yïk nɔm ke gɛm miɔ̈c ë wal ŋïr.

1 Mel 13:26

Na wën aacï tiët cï dhiɔp e piŋ, ke lueel an, “Kënë ee raan de Nhialic cïï löŋ de Bɛ̈nydït ee döt, ka cïï Bɛ̈nydït tuöc köör bï ye lɔ mak ku nɛ̈k, cït man cïï Bɛ̈nydït ye lueel an bï looi.”

1 Mel 17:18

Go tiiŋ thuööm lɛ̈k Elija, an, “Raan de Nhialic eeŋö lui yïn ɛn ee kënë? Ee yï bɔ̈ eenë bä Nhialic bɛ̈n täk nɔm në awɛ̈ɛ̈ckï ku tɔ wëndï thou?”

1 Mel 17:24

Go tik bɛ̈ɛ̈r, an, “Yïn cä jɔ ŋic ënɔɔnë luɔi yïn raan de Nhialic, ku jam ë Bɛ̈nydït lueelë ee yic!”

1 Mel 20:28

Go raan de Nhialic bɛ̈n tëde Aɣap melik de Yithriɛl, ku lueel, an, ‘Acïï Bɛ̈nydït lueel në biäk cï kɔc ke Thiriya e lueel an, ‘Bɛ̈nydït ee Nhialic de kur nïïm ku acie Nhialic de riaaŋic ka ënɔɔnë Yɛn bï akuut dïït de remdɛn ë tɔŋ ëbɛ̈n tääu në wecin, yen abïï wek e jɔ ŋic nɔn ee Yɛn Bɛ̈nydït.”’

2 Mel 1:9

Go bɛ̈ny ë rem de tɔŋ tuɔɔc kekë kɔc kathiërdhïc bïk Elija lɔ bɛ̈ɛ̈i, go bɛ̈ny ë rem de tɔŋ ye lɔ yök ke rɛ̈ɛ̈r në kuur nɔm, ku lëk en an, “Raan de Nhialic, yïn cï melik yɔ̈ɔ̈k an, bä piny.”

2 Mel 12:9

Ku ëtɛ̈ɛ̈n go Jeɣoyada Athänduk nööm, ku lui të thiin ɣɔ̈ɔ̈r në yenɔm, ku tɛ̈ɛ̈u në yïk lɔ̈ɔ̈m biäk cuëëc të ye kɔc lɔ ë Luaŋdït. Ku bɛ̈ny de kake Nhialic ee luɔi looi në ee köölë, abï wëu cïï kɔc läŋ ë Luaŋdït yic gam tääu thïn ëbɛ̈n.

2 Mel 25:18

Ku jɔt bɛ̈ny de kɔc ee melik de Babilon tiit Theraya bɛ̈nydïït ë kake Nhialic, ku Dhepania bɛ̈ny de rou de kake Nhialic, ku bäny kɔ̈k kadiäk de naamden ee luui Luaŋdïtic.

2 Mel 5:14

Go Naaman lɔ ku jool rɔt ë Jordanic raandhorou, cït luɛl cï raan de Nhialic ye lueel, ago guöp ja waar taitai. Acï guöp bɛ̈n riɛl ku lɛ̈k cï guöp ë meth.

2 Mel 5:20

go Geɣadhi lïm de raan de Nhialic piɔ̈u jam ku lueel an, “Bɛ̈nydï acï Naaman tɔ jäl ke cïn kë tɛ̈ɛ̈u piny! Adï cï ka cï raan de Thiriya ke gäm en nööm. Yɛn cï kuëëŋ në Bɛ̈nydït pïïr, abä cuɔp kueer, ku yɛn bï këdäŋ lɔ nööm tëde yen.”

2 Mel 6:10

Go melik de Yithriɛl kɔc thiääk ëtɛ̈ɛ̈n yɔ̈ɔ̈k cït man cï raan de Nhialic ye lɛ̈k, go kɔc röt aa tiit, kënë acï rɔt looi raan juëc.

2 Mel 7:17

Ku ënɔɔnë melik aacï bɛ̈ny de remdɛn ë tɔŋ yen rɔt kan tääu ë kal ë wut thok bï tiit. Go kɔc ye dumic kueer ë kal thok, ku thou cït man wään cïï raan de Nhialic ye kɔn lueel, wään bï melik ye lɔ tïŋ.

2 Mel 7:2

Go raan töŋ ye melik rɔt kan ë yen lɛ̈k raan de Nhialic an, “Na cak Bɛ̈nydït rap wɛɛr piny në awëër ke paannhial nyïïn, ke kënë acïï rɔt duëër lëu?” Go Elica lɛ̈k en an, “Abä tïŋ yïn guöpdu miäk ke loi rɔt, ku yïn cïn kuïn töŋ bä cam thïn.”

1 Lëk 9:27

Ku aake ye rëër ɣön ë Nhialic lɔ̈ɔ̈m, në biäk yen luɔi cï gäm keek bïk aa tïït, ku bïk aa liep thok miäk rial.

2 Lëk 8:14

Në baŋ kuany en lööŋ cïï Debid wun keek tääu piny, go luɔi de bäny ke kake Nhialic guiir, ku Lebai ee bäny ke kake Nhialic kuɔny në diɛt ke alɛɛc ku luɔi. Ku guïïr kɔc ee kal tiit thok në täu bïï kek luɔi aa looi aköölnyïïn kedhie, në kɛ̈l thook ëbɛ̈n, cït man ë kë cï Debid looi raan de Nhialic.

Diɛt 84:10

Kööl töŋ cï thöl ɣöndu, aŋuän në agum ke nïn tëdäŋ pei. Apiɛth ë luɔi duëër ɛn kɔ̈ɔ̈c në ɣön ë Nhialicdï thok, në luɔi duɛ̈ɛ̈r ɛn rɛ̈ɛ̈r në ɣööt ke kɔc ee karɛc looi yiic.

Jeremia 21:1

Kënë ee jam ëbɔ̈ tëde Jeremia, wään cïï melik Dhedekia ye tuöc Pacur wën de Malekia ku Dhepania bɛ̈ny de kake ë Nhialic, wën de Maathia, lueel an,

Jeremia 26:10

Wën cïï bäny ke Juda kë cï rɔt looi piŋ, gokï röt dap jɔt ɣön ë bääny ku lekkï ë Luaŋdïtic, ku nyuckï të ye kek nyuc thïn, në Kal thoŋ ë Piacë looi.

Jeremia 35:3

Aguɔ dhiën de Rekabai jɔt ëbɛ̈n, Jaadhania (wën de Jeremia däŋë, ku ye wën de Ɣabadhinia) kekë wɛ̈ɛ̈tëkɔcken ku wɛ̈ɛ̈tke kedhie,

Jeremia 52:24

Ku mat ee kakë cök, Nebudharadan bɛ̈ny ë rem de tɔŋ, acï ee kɔckë jɔt ke ke mac yï: Theraya bɛ̈ny tueŋ de kakë Nhialic, ku Dhepania bɛ̈ny lɔ në yecök, ku kɔc kɔ̈k kadiäk, bäny de naamden Luaŋdït.

Edhekiɛl 40:38

Në kal baŋ biic, ade gɔ̈ɔ̈l cï nuat ë kal thoŋ biäk thïn të lɔ rut. Ee rɔt liɛp ɣön wel yethok kal yic, ku ayek wai ke läi bï gam ke ke ye miɔ̈c ye nyop ëbɛ̈n waak ëtɛ̈ɛ̈n.

Edhekiɛl 43:8

Meliik ayek thook ke ɣöötken ku göl ke ɣöötken yiɛ̈k në ɣöndï kɔ̈u ku gɔ̈ɔ̈ldï kɔ̈u, ago jɔ aa päny yetök yen nu në kaamda. Acïk rinkiën ɣeriic yɔ̈ɔ̈r në karɛckɛn yek looi ëbɛ̈n, aguɔ keek riɔ̈ɔ̈k në agönhdï.

Nyöŋ 33:1

Kakë ayek wël ë lueel Mothe, raan de Nhialic keek, ɣɔn thieei yen mïth ke Yithriɛl ke kën kɔn thou.

1 Tim 6:11

Ku yïn, yïn raan de Nhialic, ye kat ee kakë, ku ye piathëpiɔ̈u cop, ku cop riëëu de Nhialic, ku gäm, ku nhiëër, ku liɛɛrëpiɔ̈u, ku rëër ëmääth.

2Tim 3:17

ke raan de Nhialic bï piɔ̈u aa dikëdik, ku jɔ röŋ në luɔi piɛth ëbɛ̈n.

Jocua 14:6

Ku ëtɛ̈ɛ̈n kɔc ke dhiën ë Juda acïk bɛ̈n lɔ të de Jocua në Gilgal, ke ke cath në Kalep wën ë Jepuna, raan ë Kenidhai. Go Kalep lɛ̈k Jocua an, “Yïn ŋic kë wään lëk ë Bɛ̈nydït Mothe, raan de Nhialic, në Kadec Barniya në biäkdï wokë yïn.

1 Tham 2:27

Ago raan de Nhialic bɛ̈n tëde Eli ku lëk en an, “Kënë lueel Bɛ̈nydït kï, an, Yɛn cï rɔt nyuöth kuaar Aron wään tɔ̈u kek ë Rip, ke ke yɔŋ ë melik de Rip keek.