Jeremia 35:14 - JAM DE NHIALIC 2011

¹⁴ Mïth ke wɛ̈ɛ̈t ke Jonadap acïk lööŋke riëëu luöi cïï kek mɔ̈u bï aa dek, agut cï ee köölë acïn raan töŋ ee mɔ̈u dek ë keyiic, ë biäk cï kek löŋ de wuönden döt. Ku Yɛn ee cool ke ya jam wo week, ku wek kën Ya riëëu.

Jeremia 35:14 ပူးပေါင်းရင်းမြစ်များ

Neɣe 9:26

“Ku kɔcku acïk jaai ku reeckï Yïthok, acïk kekɔ̈ɔ̈th wɛ̈l lööŋku, acïk tïtkuön ee keek yɔ̈ɔ̈k nɔ̈k, kɔc ee keek yɔ̈ɔ̈k bïk röt dɔ̈k Yïn, keek ayek Yï läät në län rac në thaar nyin ëbɛ̈n.

Neɣe 9:30

Ruöönë ee lɔ në ruöönë cök ke ke ye yɔ̈ɔ̈k në piɔ̈n lir, ku thiäŋ tïtku në Wëidït bïk keek jääm, ku kɔcku acïk aa mïŋ, ka cï keek tɔ pec ë juöör kɔ̈k.

Yith 30:9

Ayek tɔ̈u ë ceŋ ke ke reec Nhialic, ku yek käŋ töör ë ceŋ, ku reeckï wëët de Bɛ̈nydït ë ceŋ.

Yith 50:2

“Eeŋö ye kɔckï mim ke cïn kë cïk lueel, wään la Yɛn tëden bä keek la ke luök? Eeŋö kën kek cɔ̈tdï puk nɔm wën cɔ̈ɔ̈t Ɛn? Cä guɔ ciën riɛl kuɔny ɛn keek? Yɛn duëër wɛ̈ɛ̈r tɔ dëu abïï yic riɛl të cän e lueel ku pɔ̈k kiɛɛr ke ke ye jɔ̈ɔ̈r, abï rec nu thïn thou në biäk de ciɛ̈n pïïu.

Jeremia 11:7

Wään bɛ̈ɛ̈i Yɛn kuarken bei ë Rip, Acä keek yɔ̈ɔ̈k arëët bïk Yɛn riëëu, ku Aya ŋoot ke ke yɔ̈ɔ̈k agut cï ee köölë.

Jeremia 26:5

ku luɔi bä wek jam tït kɔc ee Yɛn luööi piŋ, kɔc Ya ke cool ë tuöc ke week. Wek kën këdɛn yek lueel kɔn riëëu.

Jeremia 29:19

Kënë abï rɔt luöi keek ë biäk kën kek jam piŋ, jam wään ya tuöc keek në kueer de tït kɔckiën ee Ya luööi. Acïk pïŋ rɛɛc.

Jeremia 32:33

Acïk kekɔ̈ɔ̈th wël Yɛn, cakaa nɔn yan ŋoot ke ke wɛ̈ɛ̈t, acïkï kɔ̈ɔ̈r bïk wɛ̈ɛ̈t ku ŋickï käŋ.

Jeremia 35:16

Mïth ke wɛ̈ɛ̈t ke Jonadap acïk lööŋ cïï kuarken gäm keek riëëu, ku wek ee kɔckë wek kën Ya riëëu.

Jeremia 35:6

Agokï bɛ̈ɛ̈r an, “Wo cie dek ë mɔ̈u. Kuɛɛrëda Jonadap wën de Rekap acï wook yɔ̈ɔ̈k, an acïn raan bï aa dek në mɔ̈u ëbɛ̈n ë woyiic, wook ku mïthkuɔ.

Jeremia 7:13

Wek cï ee karɛckë looi, cakaa nɔn yan we yɔ̈ɔ̈k ë ceŋ, wek cï jamdï rɛɛc. Wek cie gam të caal Ɛn week.