Jeremia 34:9 - JAM DE NHIALIC 2011

⁹ lïïmkɛn ke Ɣeberuu röör ku diäär, ago ciën raan bï nɔm dɛ raandɛn ë Judai ke ee lïm.

Jeremia 34:9 ပူးပေါင်းရင်းမြစ်များ

Cäk 14:13

Ago raan tök rɔt kual le lëk Abram, raan ë Ɣeberuu rɛ̈ɛ̈r ke thiääk ke tiim ke ɣok ke Mameer, raan de Amor. Ku Mameer kekë mïthëkɔcken, yï Ecekol ku Aner aake mät në Abram.

Cäk 40:15

Ku ee kakë yiic kedhie, yɛn aa kual ɣɔn pinyda, piny ë Ɣeberuu. Ku ayï ënɔɔnë eenë piny ë Rip, yakï mac baaŋ ke cïn kë cä looi, kë rɔ̈ŋ ke mac.”

Bɛ̈n 2:6

Na wën, aa liep nyan ë melik diöny nɔm, ke yök aye mɛwä thiinakäŋ yen nu thïn ke kïïu. Go piɔ̈u kok ke yen, ku lueel an, “Kënë abï dhiɛl aa mɛnh töŋ de mïth ke Ɣeberuu.”

Bɛ̈n 3:18

Ku kɔckï abïk yïn piŋ thok. Ku ëtɛ̈ɛ̈n, yïn bï jɔ lɔ tëde melik ë Rip wekë röördït ke Yithriɛl, lak lɛ̈k en an, ‘Bɛ̈nydït Nhialic de Ɣeberuu acï rɔt nyuöth wook. Ka yïn gam nɔn bï wok nïn kadiäk nööm ke wo cath ë jɔ̈ɔ̈ric, lok Bɛ̈nydït Nhialic näk.’

Jeremia 25:14

Yïn bï kɔc ke Babilonia cuöl kë cïk looi, ku juöör juëc, ku meliik juëc abïk keek tɔ ee lïïm.’ ”

Jeremia 27:7

Juöör ëbɛ̈n abïk yen luööi, ku luuikï wɛ̈ɛ̈tke, ku wɛ̈ɛ̈t ke mïthke, agut kööl bïï wïïk bïï jurde wïïk bɛ̈n. Ku ëtɛ̈ɛ̈n jurde abï juöör ril jɔ aa luööi ku abïï meliik dït tɔ ee lïmden.

Jeremia 30:8

Acïï Bɛ̈nydït de rɛm lueel an, “Të le ee köölë bɛ̈n, yɛn bï tïm cï duööt ë keyiëth dhoŋ kɔ̈u, ku bɛ̈ɛ̈i joth rek kek bei, ku acïkï bï bɛ aa lïïm ke alɛi.

Jeremia 34:10

Go kɔc kedhie ayï bänyken gam nɔn bï kek lïïmken gäm nɔm lääu, ku cïkï keek bï bɛ tɔ ee lïïm. Gokï keek gäm nɔm lääu,

1 Kor 6:8

Ku we ye kɔc luöi kërac, ku yak kɔc cam, ayï kɔckun aya.

2 Kor 11:22

Kɔckë yek Ɣeberuu? Ayï yɛn aya. Yek kɔc ke Yithriɛl? Ayï yɛn aya. Yek kɔ̈th ke Abraɣam? Ayï yɛn aya.

Nyöŋ 15:12

“Na cï raanduön de Yithriɛl rɔt ɣöc yïn ke ee lïm moc ku nɔn ee tik, abä keek dhil lony të cï kek yïn luööi në run kadhetem (6) cök. Të cïï ruöön de dhorou bɛ̈n abä keek dhil gäm nɔm lääu.

Pilipoi 3:5

Yɛn cï cueel ëkööl ee kek bɛ̈t, yɛn ee jur cɔl Yithriɛl, raan ë dhiën ë Benjamin, yɛn ee Ɣeberuu cï dhiëëth ë Ɣeberuu, në këde löŋ, yɛn ee Parithai,

1 Tham 14:11

Agokï röt nyuöth nëëm ke Pilithiin kedhie, go Pilithiin lueel, an, “Tiëŋkï Ɣeberuu, amulkï bei në pɔ̈liic të wën cï kek thiaan thïn.

1 Tham 4:6

Na wën aa piŋ kɔc ke Pilithiin awuɔɔu dïïtë, ke ke lop röt an, “Ee awuɔɔu dïït täu adï looi ë tɔŋ de Yithriɛl. Eeŋö yïdï?” Na wën aa lek piŋ nɔn yen Athänduŋ de Män ë Bɛ̈nydït yen cï bɛ̈ɛ̈i tɔŋ,

1 Tham 4:9

Ka wek kɔc ke Pilithiin riɛɛtkï röt piny! Ku takï röt ee röör, na cie yen ke wek bï aa lïïm ke kɔc ke Ɣeberuu ee köölë, cït man wään kɔn kek aa lïïmkuɔ. Ka week takï röt ee röör ë gɔk!”