Jeremia 34:8 - JAM DE NHIALIC 2011

⁸ Go Jam de Bɛ̈nydït bɛ̈n tëde yɛn, wään cï melik Dhedekia kekë kɔc löŋ mac nɔn bïï lïïm gäm nɔm lääu ëbɛ̈n,

Jeremia 34:8 ပူးပေါင်းရင်းမြစ်များ

2 Mel 11:17

Go Jeɣoyada bɛ̈ny de kake Nhialic, löŋ mac ë kaam ë Bɛ̈nydït kekë melik Jowac, në luɔi bï kek aa kɔc ke Bɛ̈nydït, ku mɛckï löŋ në kaam de melik kekë kɔc.

2 Lëk 23:16

Go Jeɣoyada bɛ̈ny de kake Nhialic Melik Jowac cɔɔl kekë kɔc bïk mät looi në luɔi bïï kek aa kɔc ke Bɛ̈nydït.

2 Lëk 29:10

“Acä lueel ee köölë nɔn bän löŋ mac wokë Bɛ̈nydït, Nhialic de Yithriɛl, ke cïï bï bɛ gɔ̈th ke wook.

Neɣe 9:38

Në biäk de ee kënë ëbɛ̈n, wok kɔc ke Yithriɛl, wok bï löŋ mac ku gɛ̈ɛ̈rku piny, ku bänykuɔ, ku kɔc ke Lebai ku bänykuɔn ke kake Nhialic abïk thaanyic.

Yith 58:6

“Thɛ̈kdiën kaar kï: nyaaikï kuɛɛt ke yaaŋ ku kuɛɛr ke luɔi rac kedhie, ku takï kɔc yɔŋ lääu nïïm.

Yith 61:1

Bɛ̈nydït Awärjäŋ acï ya thiɔ̈ɔ̈ŋ në wëike. Acï ya lɔc ku tooc ɛn bä wëlpiɛth yiɛ̈n kɔc kuanynyïïn, Bä kɔc jieth piɔ̈ɔ̈th bɛ̈n duut piɔ̈ɔ̈th, ku bä luny de kɔc cï peec bɛ̈n caal, ku lony kɔc cï mac.

Jeremia 34:17

Ka ënɔɔnë Aya lueel Yɛn Bɛ̈nydït wek kën ya riëëu: Wek kën mïthëkɔckuön ke Yithriɛl gäm nɔm lääuden. Apiɛth aläl, wek bä gäm nɔm lääu: nɔm lääu bä wek thou ë tɔŋic, ku jɔk, ku cɔk. Yɛn bï juöör ke pinynɔm ëbɛ̈n tɔ päu në kë bä luöi week.

Lebai 25:10

Në ee kueerë wek bï ruöön ye kek dhïc tɔ̈ɔ̈u pei, ku lɛ̈kkï nɔmlääu kɔc ceŋ piny kedhie. Ku në ee ruöönë yic ka cï keek ɣaac kedhie, abï keek pɔ̈k nïïm raandɛn tueŋ ku nɔn ee yen mïth ke mïthke, ku raan cï ɣaac ke ee lïm abï rɔt pɔ̈k paanden.

Nyöŋ 15:12

“Na cï raanduön de Yithriɛl rɔt ɣöc yïn ke ee lïm moc ku nɔn ee tik, abä keek dhil lony të cï kek yïn luööi në run kadhetem (6) cök. Të cïï ruöön de dhorou bɛ̈n abä keek dhil gäm nɔm lääu.