Jeremia 34:15 - JAM DE NHIALIC 2011

¹⁵ Tïŋ nïn lik wään cï tɛ̈ɛ̈kë wek cï wenïïm waar ku luɔikï kë mit ë Yapiɔ̈u. Acäk gam wedhie nɔn bä wek lïïm mïthëkɔckuön ke Yithriɛl gäm nɔm lääu, ku wek cï löŋ mac në yanɔm, Luaŋdït të ye ë ya lam thïn.

Jeremia 34:15 ပူးပေါင်းရင်းမြစ်များ

2 Mel 12:2

Ku Jowac në pïïr de yic ëbɛ̈n, aaye këpiɛth looi në Bɛ̈nydït nɔm, në biäk ë ye Jeɣoyada bɛ̈ny de kake Nhialic yen jääm.

2 Mel 14:3

Acï këpiɛth looi në Bɛ̈nydït nɔm, ku aa cïï cït kuɛɛrë Debid, aa loi kë cït kë cï wun Jowac looi.

2 Mel 23:3

Go melik kɔ̈ɔ̈c në mën lɔ̈m ku mɛc löŋ në Bɛ̈nydït nɔm, an bïï Bɛ̈nydït aa riëëu, ku döt lööŋke kekë wëëtde, ku bïï löŋic aa döt ku looi në piɔ̈nde ëbɛ̈n ku riɛlde ëbɛ̈n cït man cï ye gɔ̈ɔ̈r në awerekic. Go kɔc gutguut lueel ëbɛ̈n an bïk löŋ döt.

Neɣe 10:29

wok bï mat në bänykuɔ ku luelku gutguut an buk gup dɛk aciɛɛn të le wok e dhɔ̈ŋic. An buk tɔ̈u në löŋ de Nhialicic, löŋ ɣɔn cïï Bɛ̈nydït gäm wook në kueer ë lïmde Mothe an, buk lööŋkɛn cïï lueel ëbɛ̈n döt ku ka kɔɔr röt ëbɛ̈n.

Diɛt 119:106

Yɛn bï gutguut cä lueel muk bä wëëtdu riëëu.

Diɛt 76:11

Gämë Bɛ̈nydït Nhialicdu gutguut cï lëk yen, yiɛ̈nkï miɔ̈c yen, wek juöör thiɔ̈k wedhie. Nhialic ee kɔc ëbɛ̈n tɔ riɔ̈c në Yen,

Yith 58:2

Ayek a lam aköölnyïïn, ku yek lueel nɔn kɔɔr kek bïk kuɛɛrkï ŋic ku bïk lööŋkï riëëu, abïk ciët jur ee piathëpiɔ̈u looi. Akɔɔrkï bä keek gäm lööŋ kapäc, ku an yek piɔ̈ɔ̈th miɛt ë läm ye kek Yɛn lam.”

Jeremia 32:34

Arëk acïk yiëthkɛn rac tääu ë Luaŋdït yic, ɣön ë yïk ke bï ë Yɛn aa lam thïn, ku acïk dhiöök.

Jeremia 34:8

Go Jam de Bɛ̈nydït bɛ̈n tëde yɛn, wään cï melik Dhedekia kekë kɔc löŋ mac nɔn bïï lïïm gäm nɔm lääu ëbɛ̈n,

Lebai 25:10

Në ee kueerë wek bï ruöön ye kek dhïc tɔ̈ɔ̈u pei, ku lɛ̈kkï nɔmlääu kɔc ceŋ piny kedhie. Ku në ee ruöönë yic ka cï keek ɣaac kedhie, abï keek pɔ̈k nïïm raandɛn tueŋ ku nɔn ee yen mïth ke mïthke, ku raan cï ɣaac ke ee lïm abï rɔt pɔ̈k paanden.

Math 15:8

“Jurë ee rɔt cuöt tëthiɔ̈k ke yɛn në keliëp, ku yek a riëëu ë kethook, Ku piɔ̈nden amec kek yɛn.