Jeremia 34:14 - JAM DE NHIALIC 2011

¹⁴ në run kadhorou cök abïk lïïm ke Ɣeberuu ëbɛ̈n aa gäm nɔm lääu, lïïm cï lui ë run kadhetem. Ku kuarkun akënkï këdiën cä lueel gam ku cïkï jamdï piŋ.

Jeremia 34:14 ပူးပေါင်းရင်းမြစ်များ

1 Mel 21:25

(Acïn raan cï rɔt gam taitai looi kërac ë Nhialic nyin cït Aɣap ku yen këde piɔ̈n ë tiiŋdɛn Jedhebel ka

1 Mel 9:22

Tholomon akën kɔc ke Yithriɛl tɔ ee lïïm, aake ye rem de tɔŋ, ku yek bäny ke rem de tɔŋ, ku yek bäny ke akuut ke rem de tɔŋ, ku bäny ke rem de tɔŋ ee cath ë jöŋgöör kɔ̈ɔ̈th, ku rem de tɔŋ ee jöŋgöör kuaath.

2 Lëk 28:10

Ku ënɔɔnë wek kɔɔr bäk diäär ku röör ke Juda ku Jeruthalem tɔ ee lïïmkun. Kënkï ŋic nɔn cä wek awäc luöi Bɛ̈nydït Nhialicdun ayadäŋ?

2 Lëk 36:16

Gokï tuuc ke Nhialic dɔl gup, ku dhɛ̈lkï wëlkɛn lueelkï yiic, ku buikï tïtke gup, aɣët abï agönh de Bɛ̈nydït dït në kɔcke gup ku cïn luɔi bïï ë kɔc ban.

Neɣe 9:30

Ruöönë ee lɔ në ruöönë cök ke ke ye yɔ̈ɔ̈k në piɔ̈n lir, ku thiäŋ tïtku në Wëidït bïk keek jääm, ku kɔcku acïk aa mïŋ, ka cï keek tɔ pec ë juöör kɔ̈k.

Yith 50:1

Aye Bɛ̈nydït lueel an, “Yak tak nɔn cän kɔckï cuɔp wei, cït man ye raan tiiŋde pɔ̈l? Tɔ̈u awereek ke pääl ënou? Yak tak nɔn cän we ɣɔ̈c pɛ̈c bïï we peec cït man ë raan ee mïthke ɣaac ke ke ye lïïm? Ei, wek aake leerë keek ë pɛ̈cic në biäk de awɛ̈ɛ̈ckun, wek aa toocë wei në biäk de karɛc yak looi.

Yith 58:6

“Thɛ̈kdiën kaar kï: nyaaikï kuɛɛt ke yaaŋ ku kuɛɛr ke luɔi rac kedhie, ku takï kɔc yɔŋ lääu nïïm.

Jeremia 11:7

Wään bɛ̈ɛ̈i Yɛn kuarken bei ë Rip, Acä keek yɔ̈ɔ̈k arëët bïk Yɛn riëëu, ku Aya ŋoot ke ke yɔ̈ɔ̈k agut cï ee köölë.

Jeremia 32:30

Gɔl të ɣɔn thɛɛr, kɔc ke Yithriɛl ku kɔc ke Juda acïk Yɛn luöi kërac, acïk yɛn tɔ göth në kë cïk looi.

Jeremia 35:15

Wek ya cool ë tuöc keek tïtkï kedhie, kɔc ee Yɛn luööi, ku acïk we yɔ̈ɔ̈k bäk kuɛɛrkuön rac pɔ̈l, ku bäk këpiɛth aa looi. Acïk we yɔ̈ɔ̈k luɔi cä wek yiëth kɔ̈k bï aa lam ku cäkkï keek luui, aguɔkï ŋoot ke we rɛ̈ɛ̈r piny cä gäm week ku gäm kuarkun. Ku wek kën jamdï piŋ ku cäkkï wëlkï tɔ lɔ ë weyïth.

Edhekiɛl 20:4

“Mɛnh ë raan, cï rɔt guiir bä löŋden guiir? Ke jɔ looi. Täkë kenïïm në karɛc cïï kuarken looi.

Edhekiɛl 20:8

Ku acïk a rɛɛc, ku cïkï yɛn ee piŋ thok. Akënkï yiëth rackɛnkë cuat wei ku mɛ̈lkï në yiëth ke Rip. Yɛn aa cï rɔt guiir, bä ke tɔ yök agönhdiën tuc wään ë Rip.

Lebai 25:10

Në ee kueerë wek bï ruöön ye kek dhïc tɔ̈ɔ̈u pei, ku lɛ̈kkï nɔmlääu kɔc ceŋ piny kedhie. Ku në ee ruöönë yic ka cï keek ɣaac kedhie, abï keek pɔ̈k nïïm raandɛn tueŋ ku nɔn ee yen mïth ke mïthke, ku raan cï ɣaac ke ee lïm abï rɔt pɔ̈k paanden.

Amoth 2:6

Aye Bɛ̈nydït lueel an, “Kɔc ke Yithriɛl abä keek luöi këtuc, në biäk de karɛc juëc cïk looi. Acïk kɔc piɛthpiɔ̈ɔ̈th ɣaac në atek, ku ɣɔckï kɔc kuanynyïïn në war ke cök ke raantök.

Amoth 8:6

Ke wo bï kɔc kuanynyïïn ɣɔɔc në ateek, ku ɣɔcku kɔc cïn käŋ në kuën ë war ke cök, ku buk agamɔdan cïï piɛthë yɔ̈k ɣööc piɛth.

Romai 7:24

Amawoou yɛn kuany nyin oou! Eeŋa bï a luäk bei në guöp cath ke thuɔɔuwëyic?

Nyöŋ 15:1

Go Mothe lueel an, “Në thök de ruöön de dhorou cök ëbɛ̈n, wek bï käny dhil aa päl kɔc känykï keek.

Nyöŋ 15:12

“Na cï raanduön de Yithriɛl rɔt ɣöc yïn ke ee lïm moc ku nɔn ee tik, abä keek dhil lony të cï kek yïn luööi në run kadhetem (6) cök. Të cïï ruöön de dhorou bɛ̈n abä keek dhil gäm nɔm lääu.

Nyöŋ 15:9

Duökï pën dheen në biäk cïï ruöön de päl ë käŋ thiɔ̈k. Duökï täŋ rɛɛc cït ee kënë tɔ lɔ në wenïïm. Na lɔ lɔ jaai ke cïï gëm dheen, abï piɔ̈u dhiau kekë yïn në Bɛ̈nydït nɔm, ku yïn bï guöp dɛ gääk.