Jeremia 34:13 - JAM DE NHIALIC 2011

¹³ Nhialic de Yithriɛl, ya yɔ̈ɔ̈k bä lɔ lɛ̈k kɔc an: “Yɛn cï löŋ mac wo kuarkun wään bän ke luäk bei ë Rip, ku ta ke lääu nïïm ë lïïmic. Acä lɛ̈k keek an,

Jeremia 34:13 ပူးပေါင်းရင်းမြစ်များ

Bɛ̈n 13:14

Na lɔ mïthkun we luɔp wadäŋ, an kë yak looiyë ee nɔm ŋö? Ke tɛ̈tkï keek an, ‘Bɛ̈nydït abïï wo bei Rip ɣɔn në riɛl dïïtde, piny ɣɔn cieŋ ë wo thïn.

Bɛ̈n 13:3

Go Mothe lɛ̈k kɔc an, “Dɔ̈tkï kööl ë jäl wek Rip, piny wään cieŋ ë week thïn. Yekï, yen kööl wään bïï ë Bɛ̈nydït we bei piny ë Rip në riɛl dïïtde. Duökï kuïn cï pam mäth cam.

Bɛ̈n 20:2

“Ee Yɛn Bɛ̈nydït Nhialicdun, Nhialic ɣɔn bïï we bei Paan ë Rip, të ɣɔn lïïmë week thïn.

Bɛ̈n 24:3

Na wën, ke Mothe ë lɔ kɔc guiëër jam kedhie, jam cï Bɛ̈nydït lueel ëbɛ̈n ayï lööŋke. Go kɔc puk nɔm kedhie an, “Këriëëc cï Bɛ̈nydït lueel ëbɛ̈n abuk looi.”

Jeremia 11:4

Ee löŋ wään bä mac wo kuarken, wään bɛ̈ɛ̈i Yɛn keek bei ë Rip, piny wään cït many ë wëëth dɛ̈p tëde keek. Acä lɛ̈k keek bïk Yɛn riëëu ku loikï këriëëc cä lëk keek ëbɛ̈n. Acä lëk keek, na lek Yɛn riëëu, abïk aa kɔckï, ku Yɛn bï aa Nhialicden.

Jeremia 11:7

Wään bɛ̈ɛ̈i Yɛn kuarken bei ë Rip, Acä keek yɔ̈ɔ̈k arëët bïk Yɛn riëëu, ku Aya ŋoot ke ke yɔ̈ɔ̈k agut cï ee köölë.

Jeremia 31:32

Acïï bï ciët löŋ thɛɛr ɣɔn bä mac wo kuarken, wään dam Yɛn keek cin ku bɛ̈ɛ̈i ke bei ë Rip. Cakaa wään ciët Yɛn moc tëde keek, akënkï ee löŋë bɛ̈n döt.

Jeremia 34:12

Go ë Bɛ̈nydït

Jeremia 7:22

Yɛn kën kuarkun gäm lööŋ në biäk de miɔ̈c ye nyop ëbɛ̈n ku nɔn ee miɔ̈c däŋ näk, wään bɛ̈ɛ̈i Yɛn keek bei në Rip.

Nyöŋ 13:10

Biääkkï keek abïk thou! Acïk them bïk week thɛl wei në Bɛ̈nydït Nhialicdun lɔ̈ɔ̈m, raan ë kony week ë Rip, të wään ya wek lïïm thïn.

Nyöŋ 15:15

Takkï wenïïm, we cï kɔn aa lïïm në Rip, go Bɛ̈nydït Nhialicdun we gäm nɔm lääu, yen kë gäm ɛn week ee löŋë ka.

Nyöŋ 16:12

Thɛmkï bäk ee lööŋkë riëëu, duökï nïïm mär nɔn cä wek kɔn aa lïïm ë Rip.

Nyöŋ 24:18

Takkï wenïïm wek ye lïïm në Rip go Bɛ̈nydït Nhialicdun we gäm nɔm lääu, yeka gäm Ɛn week ee löŋë.

Nyöŋ 29:1

Kakë ayek cök ke lööŋ cï Bɛ̈nydït lɛ̈k Mothe, bï ke mac kekë kɔc ke Yithriɛl piny de Mowap, kakë kedhie lɔ në män wään cïï Bɛ̈nydït kɔn mac ke keek në kuur de Thinai nɔm.

Nyöŋ 5:27

Lɔɔr ciëën Mothe, ku piŋ këriëëc ëbɛ̈n, kë bï Bɛ̈nydït Nhialicda lueel. Ku jɔ rɔt puk ku lɛ̈kë wook kë cï lɛ̈k yïn. Abuk piŋ ku abuk riëëu.’

Nyöŋ 5:6

‘Yɛn ee Bɛ̈nydït Nhialicdun, Nhialic ɣɔn bïï week bei paan ë Rip, të wään ya wek lïïm thïn.

Nyöŋ 6:12

Dɔ̈tkï apiɛth ke we cïï nïïm bï määr ë Bɛ̈nydït Raan e bïï we bei ë Rip. Të wään ye wek lïïm thïn.

Nyöŋ 7:8

Bɛ̈nydït anhiaar week, ku akɔɔr bï gutguut cï yen kuëëŋ ke kuarkun aa döt. Yeka, cï yen week kony, në riɛldɛndït ku wëër week bei në lïïmic, lïïm de melik ë Rip.

Nyöŋ 8:14

takkï apiɛth luöi cä wek röt bï leec ku märkï nïïm ë Bɛ̈nydït Nhialicdun, Raan ë kony week ë Rip, të wään ya wek lïïm thïn.

Jocua 24:17

Ee Bɛ̈nydït Nhialicda yen ë bïï wo bei ɣɔn paan ë Rip në wärkuɔ ëtök. Ku wok ë kake gäi ɣɔn looi Rip tïŋ në ee nyïïnkuɔn bïï dhiëi bootë. Ku gël wook në cäthda yic ëbɛ̈n, të ɣɔn tëëk wok në juööriic ëbɛ̈n.

Bäny 6:8

Ago Bɛ̈nydït keek tuöc tiët, wään lueel en an, “Kën ë lueel Bɛ̈nydït Nhialic de Yithriɛl kï, lueel an, ‘We cä bɛ̈ɛ̈i bei në Rip bɛ̈ɛ̈i we bei ë lïïm yic,