Jeremia 34:1 - JAM DE NHIALIC 2011

¹ Go jam de Bɛ̈nydït bɛ̈n tëde yɛn, wään bï Nebukadnedhar melik de Babilonia kekë remdɛn de tɔŋ, ku akony ë rɛm ke juöör ku thook ëbɛ̈n, juöör wään cï ke peec, aake mɛk Jeruthalem ku lɔ wuöt thiääk në yen.

Jeremia 34:1 ပူးပေါင်းရင်းမြစ်များ

Jeremia 1:15

në biäk caal Ɛn dhiëën ke ciɛɛŋ tɔ̈u ë biäk të lɔ rut ëbɛ̈n, bïk bɛ̈n ku meliikken abïk thöcken tääu piny në kɛ̈l ke Jeruthalem thok, ku në pɛ̈ɛ̈nyke kɔ̈ɔ̈th, ayï pɛ̈ɛ̈nydït kɔ̈k ke Juda kɔ̈ɔ̈th.

Jeremia 21:2

“Luɔpë Bɛ̈nydït në biäkda, në biäk luiyë wo tɔŋ ë Nebukadnedhar melik de Babilon kekë remdɛn ë tɔŋ, tɛkdäŋ bï Bɛ̈nydït këdïït de gäi looi ë biäkda ku tɔ Nebukadnedhar tɔ puk rɔt.”

Jeremia 32:1

Go Bɛ̈nydït jam ke tiët Jeremia në ruöön de thiëër ye Dhedekia melik de Juda, ku ye ruöön de bɛ̈t ye Nebukadnedhar melik de Babilonia.

Jeremia 32:2

Në ee kaamë yic, rem de tɔŋ de Babilonia aa mɛk Jeruthalem, ku tiët Jeremia aa cï guöör ë kal ë kɔc ee tïït yic kal nu ɣön ë bääny ë Juda yic.

Jeremia 34:7

të wään mɛkë rem de tɔŋ de Babilonia pänydït. Ku rem de tɔŋ aa mɛk Lacic ku Adheka ayadäŋ, kek wuöt ke Juda cï gël ë cï döŋ ka kapäc.

Danyel 4:1

Go melik Nebukadnedhar thoŋë tuöc kɔc ke wuöt ëbɛ̈n ku juöör, ku thook ëbɛ̈n nu ë piny nɔm: “Wek cä thiëëc!

Danyel 4:22

“Yïn melik, yïn aye tim bɛ̈ɛ̈r ril. Yïn cï dït aläl ka yïn cï ɣet nhial, ku riɛldu acï ɣet ë piny thar.

Danyel 5:19

Aa dït aläl ka kɔc ke wuöt ë piny nɔm ëbɛ̈n, ku juöör, ku dhiën ku thook, aake ye riɔ̈ɔ̈c në yen abï ke lath. Na kɔɔr bïï raan nɔ̈k, aye nɔ̈k, ku na kɔɔr bïï raan tɔ pïïr aye tɔ pïïr. Raan kɔɔr bï riëëu ayï riëëu ku raan kɔɔr bï yɔ̈ɔ̈r aye yɔ̈ɔ̈r.