Jeremia 33:4 - JAM DE NHIALIC 2011

⁴ Yɛn Bɛ̈nydït Nhialic de Yithriɛl, aya lueel an ɣööt ke Jeruthalem ku ɣön de bääny de Juda abïï ke jäp piny në biäk cï ë keek gɛɛu cil ku mɛk.

Jeremia 33:4 ပူးပေါင်းရင်းမြစ်များ

Yith 22:10

Wek cï ɣööt ke Jeruthalem kueen, ku wek cï ɣööt jäp piny ke we bï ɣään wään cï riääk në kal ë pänydït kɔ̈u yïk.

Yith 32:13

ku kuɔɔth ku thil acïk cil piny de kɔckï. Dhiëëukï ɣööt ɣɔn mit ë kɔc piɔ̈ɔ̈th thïn, ku pänydïït piɛth ɣɔn thiäŋ yic ke pïïr.

Yith 32:14

Acakaa ɣöndït abï nyääŋ piny, ku pänydït abï yic ciɛ̈n raan taitai. Ɣööt ku ɣään cï gël abïk nu në riääkic aɣet athɛɛr. Mul roor abïk aa cath ëtɛ̈ɛ̈n, ku thök abïk aa nyuäth ëtɛ̈ɛ̈n.

Jeremia 32:24

“Ku kɔc ke Babilon acïk pänydït tuɔɔk cil ku akɔɔrkï bïk peec, ku amɛkkï ënɔɔnë. Tɔŋ, ku cɔk, ku jɔk abï pänydït tɔ lööny ë kecin. Aduëërë tïŋ kek ka wään cï lueel ëbɛ̈n acïk aa yic.

Jeremia 6:6

Bɛ̈nydït de rɛm acï meliikë yɔ̈ɔ̈k bïk tiim yep ku yïkï thɔc bïï kek Jeruthalem tuɔɔk. Acï lueel an, “Yɛn bï ee pänydïïtë luöi këtuc në biäk cï yen yic thiäŋ kekë yaaŋ.

Dhiëëu 2:7

Bɛ̈nydït acï yïïŋde rɛɛc ku nyiëëŋ tëdɛn ɣeric piny. Acï kɔc ke ater tɔ jiëp pɛ̈ɛ̈nyke piny. Acïk kiɛɛu de tiëm moc të wään ye wok lam thïn në miɛtëpiɔ̈u.

Edhekiɛl 21:22

Ënɔɔnë! Ciin cuënyde amuk wïnh ë dhaŋ cï giit an ‘Jeruthalem’ aye yɔ̈ɔ̈k bïï kɛ̈l lɔ dhuööŋ thook, ku looi awuɔɔu de tɔŋ, ku took kɛ̈l thook, ku thɔɔc tiɔp nɔm, ku wec puɔ̈l.

Edhekiɛl 26:8

Kɔc rɛ̈ɛ̈r në wuöt biic yiic abïï keek nɔ̈k në tɔŋic. Kɔc ke ater abïk puɔ̈l wec took kek wut piny, ku loikï päny ril gël kek röt në week.

Edhekiɛl 4:2

Ku tääuwë gɛ̈u në kal kɔ̈u, ku wec puöl, ku tiɔp, ku pɛɛny ku nyök ke amɛ̈l riŋ në yelɔ̈ɔ̈m.

Ɣabakuk 1:10

Ayek meliik dɔl gup, ku buikï bäny. Ayek pänydït cï gël aril dɔl guöp, ayek abuui thɔɔc nɔm në kal ë wut thar, ku peckï wut.

Nyöŋ 20:20

Wek duëër tiim kɔ̈k cïn mïth ye cam yiɛp piny, ku takkï keek ee ka tuɔɔk wek wut, agut të bï ë pänydït peec.