Jeremia 33:24 - JAM DE NHIALIC 2011

²⁴ “Cï piŋ luöi ye kɔc ye lueel an, cä Yithriɛl kekë Juda rɛɛc, kek ɣööt kaarou cä ke lɔc? Ku ayek kɔckï woi gup në abiaan, ku acïkï keek ee bɛ woi ke ke ye jur.

Jeremia 33:24 ပူးပေါင်းရင်းမြစ်များ

Diɛt 71:11

Ayek lueel an, “Nhialic acï ya nyääŋ piny, lokku në yecök ku dɔmku, acïn raan bï ye luök.”

Diɛt 83:4

Ayek lueel an, “Bä lok riäkku jurden, ago kɔc nïïm määr në Yithriɛl aɣet athɛɛr!”

Diɛt 83:5

Acïk kïïtden gam, ku mɛ̈tkï ke thook Yïn,

Diɛt 94:14

Bɛ̈nydït acïï kɔcke bï nyääŋ piny, acïï kɔc ke nɔmde bï pɔ̈l.

Yith 11:13

Ciɛɛŋ de Yithriɛl acïï tiɛɛl bï bɛ aa dɔ̈m këde Juda, ku Juda acïï bï aa raan ater de Yithriɛl.

Yith 7:17

“Bɛ̈nydït abï yïn yiɛ̈n nuɛɛn, yïn wekë baai de wuur, ku kɔc ke dhiën de melik ëbɛ̈n, ayek akööl ke nuan rac, acïn kë thöŋ ke yen gɔl në akööl ɣɔn bïï ë Yithriɛl bei në Juda yic, abï melik de Athiriya lɔ bɛ̈ɛ̈i.

Jeremia 3:7

Aa ya tak wään cïï yen ë kakë looi kedhie, nɔn bïï yen rɔt dɔ̈k Ɛn, ku yen akën rɔt dɔ̈k Ɛn, ku acïï nyankënë Juda cïn piɔ̈u adöt ke tïŋ kedhie.

Jeremia 3:8

Acïï Juda tïŋ aya nɔn cïï Yɛn nyankënë Yithriɛl pɔ̈l, ku cuɔp baai, në kë cïï yen rɔt yal wei tëde Yɛn ku looi rɔt ke ye akɔɔrröör. Ku Juda nyankënë Yithriɛl cïn piɔ̈u adöt, aa kën riɔ̈ɔ̈c. Yen aya acï rɔt bɛ̈n looi ke ye akɔɔrröör

Jeremia 30:17

Wek bä bɛ tɔ piath, ku ta bɔ̈ɔ̈tkun dem, cakaa nɔn ye kɔc ke aterdun ye lueel an, ‘Ye Dhiɔn kë cï cieen, acïn ee ye kuɔny.’ Acä lueel, Yɛn Bɛ̈nydït.”

Jeremia 31:36

Acï gutguut lueel an na ŋoot lööŋ cï mac ke ke tɔ̈u ë täuden, ke Yithriɛl abï ŋoot ke ee jur.

Jeremia 31:37

Na jɔ tënhial them ë kööl tök, ku le këërkëër ke piny kɔɔr, yen të duëër en kɔc ke Yithriɛl rɛɛc ka, në biäk de ka cïk looi kedhie. Acïï Bɛ̈nydït lueel.

Jeremia 33:23

Go ë Bɛ̈nydït lɛ̈k ɛn an,

Jeremia 33:26

Ku cït man cän ee kënë looi ë yic, ka Yɛn bï löŋdiën cä mac wo mïth ke Jakop muk kekë awundï Debid. Yɛn bï mɛnh tök në käu de Debid lɔc, bïï aa bɛ̈ny de kuat de Abraɣam, ku Yithaak ku Jakop. Yɛn bï piɔ̈u kok wo kɔckï ku bɛ ke tɔ kueth.”

Jeremia 51:5

Yɛn Nhialic, Bɛ̈nydït de rɛm, Yɛn kën Yithriɛl ku Juda nyääŋ piny, cakaa nɔn cï kek Yɛn luöi awäc, Yɛn Nhialic Ɣeric de Yithriɛl.

Dhiëëu 4:15

Ayek kɔc ke yöök, an, “Lak tɛ̈n, yïn cï dhiöök! Du ya jak! Ku jɔkï cath ë paarpaar, acï ke lɛɛr ë juöör yiic, ke cïn raan loor keek.

Edhekiɛl 25:3

lɛ̈kë keek bïk kë bä lueel yɛn Bɛ̈nydït Awärjäŋ piŋ: wek aake mit piɔ̈ɔ̈th bäk tëdiën ɣeric tïŋ ke cï dhiöök, ku tiëŋkï piny de Yithriɛl ke cï riɔ̈ɔ̈k, ku tiëŋkï kɔc ke Juda ke ke pec leer ë keek piny lei.

Edhekiɛl 26:2

“Mɛnh ë raan, kënë ee kë ye kɔc nu në pänydït de Tayer lueel ke ke mit piɔ̈ɔ̈th. Ayek cööt an, ‘Jeruthalem acï riääk! Riɛldɛn de ɣɛɛc ë käŋ ë jäl! Acïï bï bɛ teer ke wook taitai!’

Edhekiɛl 36:2

Yɛn Bɛ̈nydït Awärjäŋ piŋ: kɔc ke ater ke Yithriɛl acïï tiɛɛl ke dɔm, ayek lueel an, ‘Ënɔɔnë kur thɛɛrkë ayek kakuɔ!’

Edhekiɛl 36:20

Të cï kek lɔ ë juöör yiic, ayek ayäär yiɛ̈n rinkiën ɣer yiic, në biäk bïï kɔc en lueel an, ‘Kakë ayek kɔc ke Bɛ̈nydït Awärjäŋ ku acïk pinyde dhil nyääŋ piny.’

Edhekiɛl 37:11

Go Nhialic lɛ̈k yɛn an, “Mɛnh ë raan, baai de Yithriɛl acït ee yomkë. Ayek lueel an cïk ril wei, ke ke cïn aŋäth ku cïnkï nïïm wadäŋ.

Edhekiɛl 37:22

Abä ke mat yiic ke ke ye jur tök pinyden, në kuur de Yithriɛl nɔm. Abïk nïïm dɛk meliŋ tök bï ke cieŋ, ku acïï ke bï bɛ tek yiic bïk aa juöör kaarou, ku cïï ke tek yiic bïk aa ciɛɛŋ kaarou.