Jeremia 33:21 - JAM DE NHIALIC 2011

²¹ Ku yen acït luöi cän löŋ mac wo awundï Debid, nɔn bï yen nɔm aa dɛ kuatdɛn töŋ bï aa melik ë ceŋ, ku Yɛn cï löŋ mac wökë bäny ke kakë Nhialic de dhiën ë Lebi, nɔn bï kek Yɛn aa luööi ë ceŋ, ku kek ee lööŋ cï macë acïï ke duëërë dhoŋ kɔ̈ɔ̈th.

Jeremia 33:21 ပူးပေါင်းရင်းမြစ်များ

2 Tham 23:5

Yen luɔi bïï Nhialic käudï thieei ka, në baŋ cï yen män bï tɔ̈u athɛɛr looi kekë yɛn, amat cïï bïï bɛ dhoŋ kɔ̈u, ee gutguut cïï bïï waar. Yen kë ya kɔɔr ëbɛ̈n ka, kënë abï ya tiëmdï, ku abï Nhialic tɔ loi rɔt.

2 Lëk 21:7

ku acïï Bɛ̈nydït kɔɔr luɔi bïï yen bääny de dhiën ë Debid riɔ̈ɔ̈k, në biäk cï yen mät looi kekë Bɛ̈nydït, ku looi gutguut nɔn bïï käu de Debid kɔc wat ë ceŋ.

2 Lëk 7:18

Yɛn bï gutguut cä luöi wuur Debid looi, wään lɛ̈k Ɛn en an, kɔc ke Yithriɛl abï kuatdu keek aa wat ë ceŋ.

Diɛt 132:17

Ëtɛ̈ɛ̈n yɛn bï wën töŋ de Debid tɔ ee melik dït, yɛn bï bääny de melikdiën cä lɔc döt ee tënë.

Diɛt 89:34

Yɛn cïï löŋdiën cä mac wokë Debid bï dhoŋ kɔ̈u, acïn töŋ bä puk nɔm në ka cä lɛ̈k yen yiic.

Diɛt 89:36

Yen abï nɔm dɛ kuatde ë bääny yic, yɛn bï ciɛɛŋde aa woi në run nyïïn kedhie.

Yith 55:3

“Piɛŋkï ënɔɔnë, kɔckï ku bäkkï tëdï, bäkkï tëdï ku wek bï dɛk pïïr! Yɛn bï man bï tɔ̈u athɛɛr looi wo week ku gäm week athiɛɛi wään cän gutguut lɛ̈k Debid.

Yith 66:22

“Cït man bï piny cï piac cak ku paannhial cï piac cak tɔ̈u në riɛldï, yen abï kuatdu ku rinkun tɔ̈u aya.

Jeremia 33:18

ku abï aa dɛ bɛ̈ny de kakë Nhialic në dhiën de Lebi yic ëceŋ, raan bï Yɛn aa luööi, ku bïï miɔ̈c ye nyop ëbɛ̈n gam, ku miɔ̈c ë rap ku miɔ̈c näk.”

Danyel 7:14

Acï gäm riɛl, ku dhuëëŋ ku bääny de ciɛɛŋ, ago kɔc ke juöör ëbɛ̈n, ku kɔc ëbɛ̈n, ku thook ëbɛ̈n yen aa luööi. Riɛlde abï tɔ̈u aɣet athɛɛr ku ciɛɛŋde acïï kɔ̈u bï tɛɛm.

Math 24:35

Tënhial abï nyai ayï piny, ku wëlkï acïkï bï nyai ananden.

Nyuuth 5:10

ku tɔ wook ee meliik ku bäny ke kake Nhialicda, ku wo bï piny cieŋ nɔm.”